मीनबहादुरको एमालेलाई जग्गा र भवन दानविरुद्धको मुद्दा दर्ता नै नगरी दरपीठ

लमही । दाङमा नुहाउने क्रममा डुबेर तीन बालिकाको मृत्यु भएको छ । लमही नगरपालिका वडा नं -२ रनियाँपुरका तीन जना बालिकाको राप्ती नदीमा डुबेर मृत्यु भएको वडा प्रहरी कार्यालय लमहीले जनाएको छ । लमही नगरपालिका-२ रनियाँपुर निवासी वर्ष १२ की झरना चौधरी, वर्ष १२ कि निशा चौधरी, गढवा गापा-४ खडकपुर हाल लमही नगरपालिका -५ लमही गल्ली बस्ने १२  वर्षीया  कृष्टी चौधरीको डुबेर मृत्यु भएको जिल्ला प्रहरी कार्यालय दाङका प्रहरी प्रवक्ता इश्वर थापाले जानकारी दिए । मृतक कृष्टी चौधरीले गोरखा मोडेल सेकेण्डरी स्कुल लमही कक्षा ८ मा, झरना चौधरीले राप्ती गाउँपालिकाको पत्थर गढवा स्थित रहेको मार्टिन एकेडेमी कक्षा ४ मा र निशा सोही विद्यालयको कक्षा ६ मा अध्ययन गर्ने विद्यार्थी हुन् । मृतक बालिकाहरुको शव पोष्टमार्टमका लागि लमही अस्पतालमा ल्याइएको छ ।

दाङ । भालुवाङमा दुई बालिका बलात्कार गरेको आरोपमा २९ न. ज्वालामाई गणमा कार्यरत सशस्त्र प्रहरीका दुई सहायक हवल्दार पक्राउ परेका छन् । सशस्त्रको कार्यालय बाहिर पिङ हालेको स्थानमा लगेर बलात्कार गरेको खुलेपछि दुईजना पक्राउ परेको बताइएको छ । गत असोज २४ गते पिङ खेल्न आएका ८ वर्षीया र १४ वर्षीया बालिकालाई सशस्त्र प्रहरीका सहायक हवल्दार भरत रोका मगर र रेवन पचभैया मगरले बलात्कार गरेको अनुसन्धानबाट खुलेको बताइएको छ । दसैँको सम्मुखमा पिङ खेल्न आएका ती दुई बालिकालाई उनीहरुले बलात्कार गरेको भन्दै स्थानीयले अरोप लगाएका थिए ।

कपिलबस्तु । कपिलवस्तुमा स्कर्पियोले अटोलाई ठक्कर दिँदा १ जनाको मृत्यु भएको छ । बिहीबार बिहान सवा ९ बजे बुद्धभूमि नगरपालिका २ गोरुसिङ्गेमा भएको दुर्घटनामा ५ जना घाइते भएको इलाका प्रहरी कार्यालय गोरुसिङ्गेका प्रहरी निरीक्षक वीरबहादुर सुनारले बताउनु भयो । वृद्धभत्ता लिन लक्ष्मी सनराइज बैङ्क जाँदै गर्दा दुर्घटना भएको थियो । बा प्र –०१–०२९च९१५० को स्र्कापियोले लु १ ह ३०९२ नम्बरको अटोलाई बैङ्क अगाडि ठक्कर दिएको थियो । दुर्घटनामा सोही नगरपालिका वडा नं। १० जनकपुर बस्ने वर्ष ७० सरस्वती पासीको घटना स्थलमा मृत्यु भएको छ । घाइते हुनेमा विद्यावती पासी, भानमती पासी, जवाहिर अहिर अटो चालक लोकबहादुर कुँवर र एक जना नाम नखुलेका पुरुष रहेको प्रहरीले जनाएको छ । घाइतेमध्ये २ जनाको अवस्था गम्भीर छ । थप उपचारका लागि बुटवल रेफर गरिएको छ ।

काठमाडौं । कोटेश्वरबाट दक्षिणकालीको चाल्नाखेल लगेर बन्धक बनाइएकी सिर्जना खत्रीको प्रहरीले उद्धार गरेको छ। काठमाडौं उपत्यका अपराध अनुसन्धान कार्यालयका अनुसार अजित लामाले खत्रीलाई काटेश्वरबाट चाल्नालेख लगेका थिए। खत्रीले उनकी प्रेमिका कविता नेपालीको कोठामा बन्धक बनाएर राखेको अवस्थामा प्रहरीले उद्धार गरेको हो।  प्रहरीले लामा र नेपाली दुवैलाई पक्राउ गरेको छ। प्रहरीका अनुसार वैदेशिक रोजगारमा लैजाने प्रलोभनमा खत्रीले लामासँग १६ लाख रुपैयाँ लिएकी थिइन्। तर, खत्रीले लामालाई न वैदेशिक रोजगारमा लैजान सकेकी थिइन्, न त रकम फिर्ता नै गरेकी थिइन्। पटक–पटक रकम माग्दा फिर्ता नदिएपछि लामाले खत्रीलाई चाल्नाखेल पुर्‍याएको अनुसन्धान कार्यालयका प्रवक्ता एसपी काजीकुमार आचार्यले बताए।  उनले भने, ‘खत्रीले लामासँग वैदेशिक रोजगारीमा लैजाने भन्दै १६ लाख रुपैयाँ लिएकी रहिछिन्। तर, उनले लामालाई भनेबमोजिम गर्न सकेकी रहिनछिन्। त्यसपछि लामाले रकम फिर्ता मागेका रहेछन्। तर, खत्रीले दिन सकिनछिन्। सोही विषयलाई लिएर लामाले  खत्रीलाई चाल्नाखेल लगेको देखिन्छ।’ प्रहरीका अनुसार नेपाली लामाकी प्रेमिका हुन्। पटक–पटकको आग्रहपछि पनि रकम फिर्ता नभएपछि उनले खत्रीलाई चाल्नाखेलस्थित प्रेमिकाको कोठामा लगेका थिए।