एमाले–मधेशी दलले राष्टवादको नाममा नश्ल र पृथकतावादको अभ्यास गर्न खोज्दैछन्- प्रचण्ड

सुर्खेत, भदौं ९ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ६ नं. प्रदेशलाई ब्यालेटको लडाईमा आधार ईलाका भएको बताउर्दै जितेका नगर र गाउँपालिकामा नमूना काम गर्नु पार्टीका नेता तथा कार्यकर्तालाई आग्रह गरेका छन ।

पार्टी केन्द्रको ध्यान ६ नम्वर प्रदेशमा केन्द्रित भएको बताउदैं अध्यक्ष प्रचण्डले सरकारले पनि ६ नं. प्रदेशलाई प्राथमिकता दिइएको बताए । उनले भने, ‘तपाईहरुले यस क्षेत्रमा राम्रो भूमिका खेल्नुभएको छ। ६ नम्वर प्रदेश ब्यालेटको लडाईमा आधार ईलाका भएको छ। तपाईहरुले जितेका नगरपालिका र गाउँपालिकामा नमूना काम गर्नुस्। ६ नम्वर प्रदेशमा माओवादीको प्रादेशिक सरकार बन्छ, त्यसको तयारीमा लाग्नुस्।’

प्रचण्डलृे मधेश माओवादीमय बन्दैछ गएको दावी गरे । मधेशको पक्षमा लड्ने शक्ति माओवादी नै हो भन्ने कुरा जनताले बिस्तारै बुझ्दै गएकाउनले बताए । मधेशमा थुप्रै बुद्धिजीवी र नेताहरु माओवादीप्रति आकर्षित हुँदै भएको पनि उनको दावी छ ।

‘वर्गसङ्घर्ष अहिले ब्यालेटमा छ, त्यसको मूख्य केन्द्रबिन्दु ६ नम्वर प्रदेशनै हो। हामीले यसलाई शक्तिशाली बनाएर जानुपर्छ। त्यसको ठोस योजना बनाउनुस्,’ अध्यक्ष प्रचण्डले भने,‘ संगठन बाहेक क्रान्तिकारी पार्टीको अर्को कुनै हतियार छैन। संगठन नै हाम्रो मूख्य शक्ति हो, यसले बुर्जुवा वर्गलाई परास्त गर्न सकिन्छ। संगठनको बलले नै ब्यालेटको लडाई जितिन्छ।’

संगठन बनाउने भनेको जनकार्य गर्नु भएको उनले बताए । माओवादी सामाजिक चरित्रको हुन सकेन। प्रचण्डले भने, ‘माओवादीका नेता कार्यकर्ता बिहेमा जन्त जाँदैन, मर्दा मलामी जाँदैनन्, अप्ठ्यारो पर्दा भेट्दैनन्, जनताका गुनासा सुन्दैनन् भन्ने गुनासो छ। यसलाई हामीले सच्चाउनै पर्छ। सामाजिक छवि र चरित्र बनाउनु पर्छ।’

माओवादीले पार्टीको लक्ष्य जनतालाई बुझाउन नसकेको बताउदै त्यसलाई सच्याउन पनि उनले आग्रह गरे । उनले भने, ‘जनतासँग बन्दुकले लडेर हुँदैन, मन जित्न सक्नुपर्छ। जनताको काम नगर्ने र जनतालाई दोष दिनु हुँदैन।’

आफ्नो नेतृत्वको सरकारका १० महिनामा सम्पूर्ण शक्ति देशका लागि खर्च गरेको उनले बताए । उनले भने, ‘त्यो बेला देशले ठूलै परिणाम पायो। लोडसेडिङ हट्यो, आर्थिक विकास ह्वात्तै बढ्यो, संविधान कार्यान्वयन भयो, स्थानीय तह बन्यो, छिमेकीसँग सन्तुलित सम्बन्ध बन्यो। स्थानीय चुनाव भयो। यो सामान्य मेहेनतले भएको कुरा होइन।’

विकास र समृद्धिमा पनि माओवादी नै अब्बल भएको उनले बताए । यो देशको राजनीतिक र आर्थिक विकासमा माओवादी मात्रै सक्षम छ। अरु कुनै पनि पार्टीले राजनीतिको नेतृत्व गर्न पनि सक्दैनन्, विकास पनि गर्न सक्दैनन्। देश माओवादी बाहेक अरुले सम्हाल्न नसक्ने पनि प्रचण्डले बताए ।

अन्य पार्टीलाई व्यंग्य गर्दै उनले भने महिला, दलित, जनजाति नेता भएको कांग्रेस एमालेलाई मन परेको छैन। उनीहरु महिला, दलित, जनजाति, मधेशी, मुस्लिमलाई मान्छे नै ठान्दैनन्। हामीले एकात्मक सत्ता ढलायौ। कांग्रेस एमालेले दोस्रो दर्जाका नागरिक बनाएका जनतालाई नेता बनायौ। मन्त्री र सांसद बनायौ। यो उनीहरुलाई मन पर्ने कुरै नभएको उनको दावी छ ।

अध्यक्ष प्रचण्डले भने, ‘उत्पीडितहरुको मुद्दा, संघीयता, पहिचानको मुद्दा क्रान्तिकारीहरुको हातबाट फुत्किएर बुर्जुवाहरुको हातमा गयो भने त्यसलाई गलत ढंगले प्रयोग गरिन्छ। अहिले एमाले र मधेशी नेताहरु त्यही गरिरहेका छन्। अहिले उनीहरु जाति जाति लडाएर नश्लवादमा लैजाने र अन्तिममा फासीवादको अभ्यास गर्ने तयारीमा छन्।’

माओवादीले जनयुद्धमा जातीय, क्षेत्रीय मुक्ति मोर्चा बनाए पनि जाति जाति बीच लडाई नभएको उनले बताए । त्यसले बरु बलियो एकता थियो, सद्भाव कायम गरेका उनको दावी छ ।

‘एमाले पहाडमा राष्ट्रवादको नारा बोकेर नश्लवादको अभ्यास गर्दैछ। मधेशी दलहरु मधेशी राष्ट्रवादको नाममा पृथकतावादको अभ्यास गर्न खोज्दैछन्।’ प्रचण्डले भने, ‘हिमाल, पहाड, तराई-मधेशलाई जोड्ने, राष्ट्रिय एकता बलियो बनाउने माओवादी कसरी लम्पसारवादी ? हामीले देशको हित बिपरित कुनै निर्णय गरेका छौ ? हामीले कुनै राष्ट्रघाति सन्धि सम्झौता गरेका छौ ? सबै जाति क्षेत्रलाई बराबरीको अधिकार दिनुपर्छ भन्दा हामी कसरी लम्पसारवादी ?जनतामाथि भयानक भ्रम छर्न खोजिएको छ। यो देशमा राष्ट्रवादी र राष्ट्रिय एकता चाहने शक्ति माओवादी मात्रै हो, अरु पार्टी छैनन्। बरु उनीहरु आफ्ना अपराध लुकाउन जनता झुक्काई राखेका छन्।’

संविधान सभाको चनाबमा माओवादी तेस्रो पार्टी भएपनि संविधान आफूहरुले बनाएको उनले बताए । उनले भने, ‘संविधान कार्यान्वयन पनि हाम्रै कारणले भयो। जो गणतन्त्र विरोधी थिए, उनीहरुलाई गणतन्त्रको के माया, संघीयताको के माया, संविधानको के माया रु उनीहरु त भाँड्न मात्र चाहन्छन्।’

प्राप्त परिर्बतनलाई रक्षा गर्दै बाँकी परिबर्तनका लाीइ सबै माओवादी एक हुनुको बिकल्प नभएको बताउदै उनले भने, ‘वैद्यजी पनि कुनै लाज नमानी माओवादी केन्द्रमै आउनुपर्छ, विप्लवजी पनि अन्त जाने ठाउँ छैन। बाबुरामजी पनि भौतारिनु पर्दैन, दक्षिणपन्थीहरुसँग एकताको गुहार गर्नुभन्दा माओवादीमै आउनु राम्रो हुन्छ। त्यसैले आग्रह छोडेर सबै माओवादीहरु एक ठाउँमा आउनैपर्छ।’

माओवादी केन्द्र संसदवादी नभएको तर अहिलेको संसद, संविधान हो, सरकार आफूहरुले बनाएको उनले बताए । आफूले बनाएको यी संस्थाबाट भागेर माओवादीलाई फाइदा नहुने उनको दावी छ । प्रचण्डले वैद्य र विप्लवजीलाई यो कुरा यथार्थतालाई बुझ्नु पनि आग्रह गरे । उनले भने जनताले तपाईहरुको सोच अस्विकार गरे, अब यतै आउनुपर्छ। सबैले संस्थागत पहल गर्यौ भने सबै आउनु हुन्छ।

अहिले नेपालमा अभ्यासमा रहेको निर्वाचन प्रणाली निकै खर्चिलो भएको उनले बताए । यो निर्वाचन प्रणालीमा मध्यम वर्गले वा पैसा नहुनेले चुनाव जित्नै नसक्ने तर भ्रष्ट र दलालहरुले मात्र चुनाव जित्ने उनले बताए । माओवादी पैसाकै लागि दलालहरुको मतियार हुन नसक्ने बताउदै अहिले निर्वाचन प्रणाली बदलेर पूर्ण समानुपातिक निर्वाचन प्रणालीको अप्नाउनु पर्ने उनले बताए ।

देशको राजनीतिक अस्थिरताले आफुलाई अत्यन्तै चिन्तित तुल्याएको उनले बताए । राजनीतिक अस्थिरताले देशको विकास नहुने बताउदै देशलाई स्थिरता र आर्थिक समृद्धि हासिल गर्न जनताले राष्ट्र प्रमूख चुन्न पाउनुपर्छ उनले बताए । अध्यक्ष प्रचण्डले भने, ‘जनताले प्रधानमन्त्री राष्ट्रपति चुन्न किन नपाउने ? हामीलाई देशको चिन्ता छ भने जनताबाट निर्वाचित कार्यकारी राष्ट्रपतिमा सबै पार्टी सहमत हुनुपर्छ।