नयाँ प्रधानमन्त्री नियुक्त गर्ने प्रक्रिया सुरू गर्न देउवा, प्रचण्ड र यादवको राष्ट्रपतिलाई आग्रह
काठमाडौं । प्रधानमन्त्री केपी ओलीले विश्वासको मत नपाएपछि विपक्षी दलले संविधानको धारा ७६ को उपधारा २ बमोजिम नयाँ सरकार आह्वानका लागि राष्ट्रपति समक्ष आग्रह गरेका छन् । कांग्रेस सभापति शेरबहादुर देउवा, माओवादी केन्द्रका अध्यक्ष प्रचण्ड र जसपा अध्यक्ष उपेन्द्र यादवले नयाँ सरकार गठनका लागि राष्ट्रपति समक्ष आग्रह गरेका हुन् । संविधानको धारा ७६ को उपधारा २ बमोजिम प्रतिनिधि सभामा कुनै पनि दलको स्पष्ट बहुमत नरहेको अवस्थामा प्रतिनिधि सभामा प्रतिनिधित्व गर्ने दुई वा दुई भन्दा बढी दलहरूको समर्थनमा बहुमत प्राप्त गर्न सक्ने प्रतिनिधि सभाको सदस्यलाई राष्ट्रपतिले प्रधानमन्त्री नियुक्त गर्ने व्यवस्था छ ।
