एसीसी महिला एसिया कप टि–ट्वेन्टी क्रिकेटको पाँचवटै खेलमा नेपाल पराजित
काठमाडौं, मंसिर १७ । थाइल्याण्डमा जारी एसीसी महिला एसिया कप टि–ट्वेन्टी क्रिकेटको पाँच वटै खेलमा नेपाल पराजित भएको छ । आज भएको भारतसँगको खेलमा ९९ रनको विशाल अन्तरले पराजित हुँदै नेपालले पाँचवटै प्रतियोगितामा पराजय व्यहोर्नु परेको हो । भारतले प्रस्तुत गरेको १ सय २१ रनको बिजयी लक्ष्य पछ्याएको नेपाल १६ दशमलब ३ ओभरमा २१ रनमै अलआउट भयो । भारतबिरुद्धको यो स्कोर नेपाली महिला क्रिकेटकै इतिहासमा अहिलेसम्म बनाएकोे सबैभन्दा न्युन स्कोर हो । आयोजक थाइल्याण्ड बाहेक सबै टेष्ट मान्यता प्राप्त राष्ट्रहरु पाकिस्तान, श्रीलंका, बंगलादेश र भारतसँग प्रतिष्पर्धा गरेको नेपालले सबै खेलमा पराजित भएसँगै अंक तालिकामा खाता नखोली पुछारमा रहँदै प्रतियोगिता टुङ्ग्याएको छ ।
