गुल्मीमा वावु छोरा, दाजु भाई र मामा भान्जा विच कडा प्रतिष्पर्धा

गुल्मीमा वावु छोरा, दाजु भाई र मामा भान्जा विच कडा प्रतिष्पर्धा

प्रेम सुनार

गुल्मी, असार–१० । चुनावी घर दैलो गर्ने क्रममा गुल्मीको छत्रकोट गाउँपालिकामा रोचक दृश्य देख्न पाईन्छ । त्यस गाउँपालिकाको वडा नम्वर ५ साविकको खज्र्याङ्ग गाविसमा काग्रेसबाट ५४ वर्षिय बिरबहादुर सोमै र राष्ट्रिय जनमोर्चाबाट २७ वर्षिय उनका छोरा प्रदिप सोमै खुल्ला सदस्यमा चुनावी प्रतिष्पर्धामा रहे पछि गाउँवासीले निकै रोचक रुपमा लिएका हुन् ।

वावु सोमैले आफुले २०३६ साल देखि नेपाली कांग्रेसको राजनीति गरेको र लामो समय सम्म समाज सेवा गरेकोले आफैले जित्ने दावि गर्दछन् । भारतिय सेनाबाट सुवेदार पदबाट पेन्सन निक्लेका उनले छोरा आफुलाई नसोधी एउटै पदमा उठे पनि उनको मौलिक हक भएको बताउँ छन् । छोरा सोमैले पनि त्यसलाई सामन्य रुपमा लिएको र आफुले वावुलाई पनि मत दिने वावुले पनि आफुलाई मत दिने अपेक्षा राखेका छन् ।

वावुले सहजै पत्रकार संग कुरा गर्न चाहे तर छोरा वावु विरुद्ध वोल्न डराएर दुई दिन सम्म पछ्याउँदा पनि आफुले घर दैलो गर्ने गरेको लोकेशन दिएनन र फोन पनि एक भन्दा बाँकी कल उठाएनन् । अन्तिममा वावु सोमैले आफैले फोन गरेर भने उठि हालिस के भो तनि बोल केहि हुन्न म उहाँलाई पठाई दिन्छु भने पछि वल्ला हर्दिनेटाको रुम्जाकोटमा छु आउनुस भनेर वोलाएर आफ्नो प्रतिकृया दिए ।

त्यसो त सोही वडामा सहोदर दुई भाई पनि वडा अध्यक्षका उमेदवार रहेकाछन् । मामा भान्जा वडा अध्यक्षको प्रतिष्पर्धामा छन् । कांग्रेसबाट तुल्सीराम पन्त र एमालेबाट कृष्णप्रसाद पन्त वडा अध्यक्षका उमेदवर भएका हुन् । फेरी उनैका भानिज सरोज पाण्डे उर्फ कमल पाण्डे माओवादी केन्द्रबाट दुई मामाहरु विरुद्ध चुनावी मैदानमा उत्रिएका छन् । दुई भाई र मामा भान्जाहरु मध्येको जित हारलाई गाउँवासीले व्याग्र प्रतिक्षाका साथ लिएका छन् ।

सोही वडामा काकी भतिजी पनि महिला सदस्यमा उमेदवार बनेका छन् । कांग्रेसबाट तारा कुँवर महिला सदस्यमा उठेकी हुन भने एमालेबाट सोही पदमा उनकी भतिजी निर्मला झेडी उठेकुी हुन् । त्यस वडामा दलित महिला सदस्यमा पनि जेठानी देउरानी विच कडा प्रतिष्पर्धा रहेको छ । कांग्रेसबाट जेठानी सावित्रा बिक र माओवादी केन्द्रबाट उनकी देउरानी जमुना बिक प्रतिष्पर्धामा रहेका हुन् । खुल्ला सदस्यमा पनि त्यस वडामा काका भतिजा विच प्रतिष्पर्धा रहेको छ । एमालेबाट काका रामबहादुर कुँवर र माओवादी केन्द्रबाट उनका भतिजा कृष्ण कुँवर विच प्रतिष्पर्धा चलेको हो ।

तीन संसदीय समितिको बैठक बस्दै, यस्ता छन् ऐजेण्डा

काठमाडौँ । सङ्घीय संसद्अन्तर्गतका तीन संसदीय समितिको बैठक आज बस्न लागेको छ । संसद सचिवालयका अनुसार कानुन, न्याय तथा मानव अधिकार समितिको बैठक बिहान ११ बजे बस्नेछ । बैठकमा आगामी दिनमा गर्ने स्थलगत अनुगमन तथा समितिले गर्ने काम कारवाहीका विषयमा छलफल हुनेछ । ११ बजे नै बस्ने विकास, आर्थिक मामिला तथा सुशासन समितिको बैठकमा विश्व जलवायु सम्मेलन (कोप २८) को कार्यप्रगतिबारे छलफल हुने बताइएको छ । त्यसैगरी, बैठकमा विश्व जलवायु सम्मेलन (कोप २९) मा नेपालको सहभागिताका लागि आवश्यक तयारीका सम्बन्धमा पनि छलफल हुने बताइएको छ । यस्तै दिउँसो १ बजे बस्ने विधायन व्यवस्थापन समितिको बैठकमा नविकरणीय ऊर्जा तथा ऊर्जा दक्षता सम्बन्धी विधेयक, २०८१ माथि दफावार छलफल हुने कार्यसूची छ ।

यस्तो रहनेछ आजको मौसम

काठमाडौँ । मनसुनको न्यून चापीय रेखा सरदर स्थानको दक्षिणतिर अवस्थित रहेको छ । देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ । हाल देशको पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा रहेको छ । कोशी, गण्डकी र सुदूरपश्चिम प्रदेशका पहाडी भूभागका एक–दुई स्थानमा चट्याङ्गसहित हल्का वर्षा भइरहेको छ। आज दिउँसो गण्डकी, कर्णाली र सुदूरपश्चिम प्रदेशमा आंशिकदेखि साधरणतया बदली रही बाँकी प्रदेशमा आंशिक बदलीदेखि मौसम मुख्यतया सफा रहने छ । कर्णाली प्रदेशका केही स्थानहरू, गण्डकी र सुदूरपश्चिम प्रदेशका थोरै स्थानहरूमा तथा बाँकी प्रदेशका पहाडी भूभागका एक–दुई स्थानमा चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ। यस्तै आज राति कर्णाली प्रदेशका थोरै स्थानहरूमा तथा बाँकी प्रदेशका पहाडी भूभागका एक–दुई स्थानमा चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ।

अनेरास्ववियु (क्रान्तिकारी)को राष्ट्रिय सम्मेलनको तयारी पूरा

काठमाडौं । नेकपा (माओवादी केन्द्र) निकट अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) को २३औँ राष्ट्रिय सम्मेलनको तयारी पूरा गरेको छ ।  क्रान्तिकारीका अध्यक्ष पञ्चा सिंहले यही असोज १० देखि १४ गतेसम्म हुने सम्मेलनको तयारी पूरा गरिएको जानकारी दिनुभयो । यसअघि सम्मेलन असोज २ देखि ५ गते तोकिएकामा तीन प्रदेश कमिटीको सम्मेलन बाँकी रहेकाले नयाँ मिति तोकिएको उहाँले बताउनुभयो । सम्मेलनमा दुई हजार तीन सय २३ प्रतिनिधि सहभागी हुने भएका छन् । सम्मेलनले ३३ पदाधिकारीसहित दुई सय ४३ जनाको नयाँ केन्द्रीय कमिटी चयन गर्नेछ ।  उहाँका अनुसार यसपटक सम्मेलनमा सहभागी प्रतिनिधिले नै पदाधिकारी र केन्द्रीय कमिटी चयन गर्ने छन् । वर्तमान केन्द्रीय समितिले सम्मेलनमा सहभागी हुनका लागि आआफ्नो मातहतका कमिटीबाट निर्वाचित भएर आउनुपर्ने नयाँ व्यवस्था गरिएको छ । यसअघि वर्तमान केन्द्रीय कमिटी स्वतः सम्मेलनको प्रतिनिधिका रुपमा रहँदै आएका थिए ।  सम्मेलनको उद्‌घाटन सत्र कमलादीस्थित नेपाल प्रज्ञा प्रतिष्ठान र बन्द सत्र किर्तिपुरस्थित त्रिभुवन विश्वविद्यालयको सभाहलमा हुने छ । सम्मेलनको उद्‌घाटन माओवादी केन्द्रका अध्यक्ष पुष्पकमल दाहाल ‘प्रचण्ड’ले गर्नुहुनेछ ।

जलवायु न्यायको माग गर्दै युवाहरु सडकमा

ललितपुर– जलवायु न्यायको माग गर्दै युवायुवतीको समूहले ललितपुरको जावलाखेलमा पिपुल्स क्लाइमेट मार्च २०२४ र्‍याली निकालेका छन् । र्‍यालीमा सहभागीले विभिन्न नारा लेखिएका ब्यानर र प्ला कार्ड बोकेका थिए । उनीहरूले विकसित मुलुकहरूले खनिज, पेट्रोलियम एवं औद्योगिक उत्सर्जनबाट प्रदुषण बढाउन मुख्य जिम्मेवार रहेको र यसको मारमा नेपाल जस्ता राष्ट्रहरू परेको भन्दै विकसित देशले नेपाल जस्ता देशलाई क्षतिपूर्ति दिनुपर्ने माग गरेका छन् । विकसित राष्ट्रहरूले नेपाल जस्तो कम हरितगृह ग्यास उत्सर्जन गर्ने देशलाई तिर्नुपर्ने दायित्व पनि ऋणको रूपमा दिन खोजेको भन्दै यसको विरोध समेत गरेका छन् । नेपालमा भएको यो र्‍याली ‘ग्लोवल विक अफ एक्सन इन साउथ एसिया’को सन्दर्भ पारेर पनि आयोजना गरिएको हो ।

लोकप्रिय