वैशाख ७ देखि १३ गतेसम्मको राशिफल
मेष
नयाँ वर्षसँगै विशेष उपलब्धि हात पार्न सकिनेछ । विदेशी साथीभाइसँगको सम्बन्ध थप प्रगाढ हुनेछ । लामो यात्रा गर्ने अवसर जुट्न सक्छ । फाइदामूलक व्यवसाय सञ्चालनमा आउन सक्छ । खराब आचरण हुनेहरूले जालझेल गर्न सक्छन्, सचेत रहनुहोला । प्रलोभन देखाउनेहरूबाट टाढै रहनुमा भलो छ ।
वृष
परिश्रम मुताबिक राम्रै फल पाइनेछ । पुरुषार्थ अनुरूप नाम र दाम स्वतस् बढ्नेछ । अरूलाई वचन दिने बानीले अप्ठ्यारोमा पार्न सक्छ । जीवनशैलीमा परिवर्तन ल्याउन दृढ संकल्पको खाँचो छ । बोलीको मधुरताको बलमा आर्थिक संकटलाई परास्त तुल्याउन गर्न सकिनेछ । पहिलेदेखिको योजना कार्यान्वयनमा ढिलाइ गर्दा पछि परिएला ।
मिथुन
परिणाममुखी कार्य सम्पन्न गर्न अझ केही समय कुर्नुपर्ने हुन्छ । हरियो रंगको प्रयोगले विशेष फाइदा दिलाउनेछ । परिस्थिति विचार गरी भावना मिल्ने साथीहरूसँग संयुक्त लगानीमा काम गर्न ढिला नगर्नुहोला । प्रेम प्रस्ताव प्राप्त हुनसक्छ । परिवारको सुझावअनुरूप निर्णय गर्नुहोला ।
कर्कट
मित्रहरूले विभिन्न जिम्मेवारी दिलाउनेछन् । दुविधापूर्वक गरिएको काममा अपजस आइलाग्ने हुनाले सरोकार नभएका विषयमा ध्यान दिनु उचित हुँदैन । आफ्ना गोप्य सूचनाहरू बाहिरिनाले मर्यादामा आँच आउन सक्छ । प्रेममा अविश्वासको वातावरण सिर्जना हुनसक्छ ।
सिंह
टाढा भ‘एका मित्रहरूले विश्वास गर्ने वातावरण बन्दैछ । केही नम्र भएर कार्य सम्पन्न गर्नुहोला । पूर्व योजनाबिना आकस्मिक यात्रा गर्नाले अतिरिक्त खर्च गराउनेछ । प्रेमिकाले उपहार प्रदान गर्दै थप प्रस्ताव राख्न सक्छिन्, छिट्टै निर्णय गर्नुमै आफ्नो भलो छ ।
कन्या
आलोचना गर्नेहरूले स–साना त्रुटि औल्याइदिँदा आफू अझ उचाइमा पुगिनेछ । भाग्यले साथ दिए पनि मनमा उत्पन्न शंका तथा डरले बनिसकेको काममा दुविधा उत्पन्न गराउन सक्छ । सूर्य देवको आराधनाले भयमुक्त हुन सहयोग पुर्याउनेछ । बाहिरी खानपान एवं भोजभतेरमा संयम अपनाउनुहोला ।
तुला
प्रयास दोहोर्याउन सके अप्ठ्यारो कार्य पनि सम्पन्न हुनेछ । प्रेमी–प्रेमीकाबीचको ठाकठुक विश्वासमा परिणत होला । समयलाई बेवास्ता गर्दा पछि परिनेछ । साझेदारी व्यवसायमा उथलपुथल देखा परे पनि विहीबारपछि स्वतस् उचाइमा पुगिनेछ । मेहनत गर्न सके षड््यन्त्रकारीहरूलाई परास्त गर्न सकिनेछ ।
वृश्चिक
भ्रमणका क्रममा अपेक्षाभन्दा बढी खर्च गर्नुपर्ने बाध्यता आइलाग्न सक्छ, जसले आर्थिक संकट सिर्जना गर्न सक्छ । स्वास्थ्यको ख्याल नगरी खानपानमा रमाउँदा पेटसम्बन्धी समस्याले पिरोल्ने सम्भावना छ । रातो रंग प्रयोग गर्दा आफ्नो मेहनत खेर जानेछैन । काममा सफलता प्राप्त गर्न केही ढिलाइ हुनसक्छ ।
धनु
व्यवसाय आरम्भ गर्न पारिवारिक मत मिल्नेछ । लगानी सही ठाउँमा होला । प्रेमिकाले विभिन्न दोषारोपण गर्दै गुनासो गर्ने छिन्, भावना बुझ्ने प्रयत्न गर्नुहोला । साताको अन्त्यमा शारीरिक थकान महसुस हुनेछ । जुस तथा फलफूलको सेवनमा जोड दिनुहोला ।
मकर
लक्ष्य प्राप्त गर्न थप मेहनतको आवश्यकता छ । परिवारजनको भावनालाई बेवास्ता गर्दा समस्या सिर्जना हुनसक्छ । गल्ती सच्याउनाले सामाजिक क्षेत्रमा महत्वपूर्ण अवसर प्राप्त भै टाढिएका साथीभाइहरू नजिकिनेछन् । नयाँ अवसरका लागि शक्तिशाली व्यक्तिसँग प्रतिस्पर्धा गर्नुपर्ने हुनसक्छ ।
कुम्भ
तपाईंको सामाजिक सक्रियताले परिवारकै प्रतिष्ठा वृद्धि गराउनेछ । स्वरोजगार हुँदा हर्षले गद्गद भइनेछ । चियोचर्चा गर्नेहरूबाट सावधान रहनुमै आफ्नो भलो छ । आफन्त तथा प्रशंसकहरूलाई फरक अनुभूति प्रदान गर्न सकिनेछ । केही दिनको अन्तरमा अन्य अवसर समेत फेला पर्ने छन् ।
मीन
प्रेमिकाले मठ–मन्दिरमा भेट्ने प्रस्ताव राख्न सकिन्छ, उनको अनुरोधलाई स्वीकार गर्दा दुवैको भलो हुनेछ । मर्यादा पालन नगर्दा अफिसियल कार्यमा अवरोध सिर्जना हुनसक्छ । नाफामूलक व्यवसाय सुरुवात गर्न साझेदारहरूबीच मत मिल्नेछ । चियोचर्चा गर्नेहरूबाट सावधान रहनुहोला । रामप्रसाद सिटौला
रवि लामिछाने आज जिल्ला अदालत काठमाडौँमा हाजिर हुने
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने आज (आइतबार) जिल्ला अदालत काठमाडौँमा उपस्थित हुँदै छन्। काठमाडौँको स्वर्णलक्ष्मी सहकारी ठगी अभियोगमा मुद्दा परेकाले उनी जिल्ला अदालतमा आफैँ हाजिर हुन लागेका हुन्। पोखराको सूर्यदर्शन सहकारी ठगी मुद्दामा यही पुस २५ गते मात्र धरौटीमा रिहा भएका पूर्वगृहमन्त्री लामिछाने पुस २६ गते साँझ काठमाडौँ आइपुगेका थिए। अब उनी आज जिल्ला अदालत काठमाडौँमा हाजिर हुने रास्वपाका कार्यवाहक प्रवक्ता मनीष झाले जानकारी दिएका छन्।
एभरेष्ट दैनिक
१० घण्टा अघि
चार प्रदेशमा आज हल्का वर्षा र हिमपातको संभावना
काठमाडौं । जल तथा मौसम विज्ञान विभाग मौसम पूर्वानुमान माहाशाखाले हाल देशमा पश्चिमी न्युन चापीय प्रणालीको आंशिक प्रभाव रहेको जनाएको छ । महाशाखाका अनुसार अहिले कर्णाली, सुदुरपश्चिम र गण्डकी प्रदेशका उच्च पहाडी तथा हिमाली भूभागमा आंशिक बदलीदेखि साधारणतया बदली रही बाँकी भूभागमा मौसम मुख्यतया सफा रहेको छ । आज दिउँसो देशभर आंशिकदेखि साधारणतया बदली रहने छ । लुम्बिनी, कर्णाली र सुदूरपश्चिम प्रदेशका केही स्थान तथा बागमती र गण्डकी प्रदेशका थोरै स्थानमा हल्का वर्षाको सम्भावना रहेको छ । साथै देशका उच्च पहाडी तथा हिमाली भूभागका धेरै स्थानमा हल्का हिमपातको सम्भावना रहेको छ । आज राति भने कोशी, मधेश र बागमती प्रदेश लगायत देशको पहाडी भूभागमा साधारणतया बदली तथा बाँकी भूभागमा आंशिक बदलीदेखि मौसम मुख्यतया सफा रहने छ । बागमती, गण्डकी र कर्णाली प्रदेशका थोरै स्थान तथा बाँकी भूभागका एकदुई स्थानमा छिटपुटदेखि हल्का वर्षाको सम्भावना रहेको छ । कोशी प्रदेश र बागमती प्रदेशका उच्च पहाडी तथा हिमाली भूभागका केही स्थान तथा बाँकी उच्च पहाडी तथा हिमाली भूभागका थोरै स्थान हल्का हिमपातको सम्भावना रहेको छ । लुम्बिनी प्रदेश, कर्णाली प्रदेश र सुदूरपश्चिम प्रदेशका केही स्थानहरूमा तथा बागमती प्रदेश र गण्डकी प्रदेशका थोरै स्थानहरूमा हल्का वर्षाको सम्भावनाका साथै देशका उच्च पहाडी तथा हिमाली भू(भागका धेरै स्थानहरूमा हल्का हिमपातको सम्भावना रहेकोले दैनिक जनजीवन, स्वास्थ्य, यातायात, पर्यटन तथा हवाई उडानमा असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ। आज सूर्योदय बिहान ६ बजेर ५६ किनेटमा र सूर्यास्त साँझ ५ बजेर २८ मिनेटमा हुनेछ ।
एभरेष्ट दैनिक
१० घण्टा अघि
स्याङ्जाको आँधिखोलामा एक सय जना माओवादीमा प्रवेश
पोखरा । स्याङ्जाको आँधिखोला गाउँपालिकामा एक सय बढी नेता कार्यकर्ता नेकपा माओवादी केन्द्रमा प्रवेश गरेका छन् । शनिबार भएको आँधिखोला गाउँ समितिको दोस्रो अधिवेशनमा अवसरमा एक सय बढी नेता कार्यकर्ता माओवादी केन्द्रमा प्रवेश गरेका हुन् । माओवादी केन्द्र गण्डकी प्रदेशका सचिवालय सदस्य एवम् वाइसीएलका केन्द्रिय सचिव हरि ढकालको अग्रसरतामा पार्टीमा भित्रिएका कार्यकर्तालाई पार्टीका वरिष्ठ उपाध्यक्ष एवम् पूर्वगृहमन्त्री नारायणकाजी श्रेष्ठले स्वागत गर्नुभएको हो। उहाँहरुलाई स्वागत गर्दै श्रेष्ठले देशैभर माओवादी प्रवेश गर्नेको लर्को लागेको बताउनुभयो । उहाँले पार्टी संकल्पबद्ध भएर अगाडि बढेको उल्लेख उल्लेख गर्नुभयो । युवा नेता हरि ढकालले चोकचोक गल्लीगल्लीमा माओवादीको चर्चा हुने गरेको बताउनुभयो। एमाले–कांग्रेसले भ्रष्टहरुलाई बचाउन माओवादी नेतृत्वको सरकार ढलाएको आरोप लगाउनुभयो ।
एभरेष्ट दैनिक
२२ घण्टा अघि
काठमाडौंका यी स्थानमा आज विद्युत् कटौती हुने
काठमाडों । नेपाल विद्युत् प्राधिकरणले आज काठमाडौंका विभिन्न स्थानमा विद्युत् कटौती गर्ने भएको छ । प्राधिकरणले क्षेत्र पाटी फिडर अन्तर्गत पर्ने टेकु विष्णुमती कोरिडोरमा भूमिगत केवल लाइन मार्फत पुष्पलाल पार्कमा रहेको ट्रान्सफरमर टावरमा जडान गरी ओभर हेड लाइन जडानका लागि लाइन कटौती हुने जनाएको छ । सो कार्यका लागि क्षेत्र पाटी चोक, पकनाजोल, टहिटी चोक, ज्याठालगायतका क्षेत्रमा १ बजेदेखि ५ बजेसम्म लाइन कटौती हुने सूचनामा उल्लेख छ । यस्तै, टेकु थापाथली फिडर अन्तर्गत थापाथली चोकदेखि नेपाल आँखा अस्पताल, राहदानी विभाग, वर्ल्ड टेड सेन्टर, दशरथ रङ्गशाला हुँदै ब्लु क्रस अस्पताललगायतका क्षेत्रमा पनि बिजुली कटौती हुनेछ । त्रिपुरेश्वर फिडर अन्तर्गत पर्ने टेकु सव स्टेसन अगाडिबाट पचली भैरव,नेपाल उद्योग वाणिज्य महासङ्घ, टेकु चोकबाट त्रिपुरेश्वर चोक नपुग्दै भाटभटेनी सुपर मार्केट अगाडिसम्म, टेकु वंशी मार्ग, सुकुम्वासी टोलसम्म जाने बाटोसम्म पनि बिजुली कटौती हुने सूचनामा उल्लेख छ । थापाथली फिडर अन्तर्गत प्रसुती गृह पूर्व गेट, नर्भिक अस्पताल, थापाथली पन्चायणीमार्ग, कुरिया गाउँ, आन्तरिक राजश्व कार्यालय पछाडिसम्म पनि १ बजेदेखि ५ जेसम्म लाइन काटिने सूचनामा उल्लेख छ ।
एभरेष्ट दैनिक
२७ पुष, २०८१
