शेयर बजारमा दोहोरो अंकको सुधार, कारोबार कति ?
काठमाडौं । साताको शेयर कारोबारको अन्तिम दिन अर्थात बिहीबार शेयर बजारमा केही सुधार देखिएको छ । हिजो ३ अंकको मात्रै सुधार आएको शेयर बजार आज भने ११ अंकले बढेको छ । आज ११ दशमलव ७३ अंकले बढेको शेयर बजार १८५२ दशमलव ७७ विन्दुमा पुगेको छ । बिहीबार २९९ कम्पनीका ९५ लाख ०५ हजार ६०८ कित्ता शेयर खरिद बिक्री हुँदा २ अर्ब ७९ करोड ९१ लाख ४६ हजार ४३३ रुपैयाँ बराबरको कारोबार भएको छ । हिजोको तुलनामा आज कारोबार रकममा निकै सुधार आएको छ । त्यस्तै आज क वर्गका कम्पनीको मापन सेन्सेटिभ इन्डेक्स पनि बढेको छ । आज १ दशमलव ५८ अंकले बढेको सेन्सेटिभ इन्डेक्स ३५२ दशमलव २८ विन्दुमा पुगेको छ ।
