गायिका जमुना सनम र गायक प्रकाश कटुवालको आवाजमा रहेको तीज गीत ‘आधा किलो सुन’ को युट्युबमा भिडियो सार्वजनिक भएको छ । नेपाली नारीहरुको महान पर्व हरितालिका तिजलाई लक्षित गरेर गीत तयार गरिएको छ । गीतमा तिजको गरिमाका साथै सास्कृतिक महत्वलाई समेत समेटिएको छ । गीतमा शब्द तथा संगीतसंगै संगीत संयोजन समेत राजु सुनामको रहेको छ । भिडियोमा कोरीयोग्राफी नवराज उप्रेतीको रहेको छ भने भिडियोमा जुना सन्दास , रमेश थापा,र नवराज रिजालको अभिनय रहेको छ । भिडियो निर्देशन देवेन्द्र तिम्सिनाले गरेका छन् । ‘आधा किलो सुन’ गीतको पूरा भिडियो हेर्नुहोस्–

काठमाडौ‌, साउन ९ । बजारमा तीजको माहौल छ । दिनहुँ दर्जनौँ तीजका गीत सार्वजनिक भएका छन् । यस्तै सन्दर्भमा गायिका तथा प्रस्तोता मञ्जु पौडेलको मौलिक तीज गीत सार्वजनिक भएको छ । हरेक तीजमा मौलिक तीजको भाका लिएर आउने पौडेलले यसपालिको तीजमा काम भन्दाभन्दै आधि उमेर ढल्केको पीडालाई गीतमार्फत पोखेकी छन् । ‘काम भन्दै गयो मेरो आधी उमेर घन्काइदेऊ मादलु नाच्छु घुमेर’ काम र पैसाको लागि सधैं व्यस्त रहने आम नेपालीको जीवनशैलीप्रति लक्षित गर्दै ल्याइएको यो गीतको भिडियोमा स्वयं मञ्जु पौडेल र चर्चित कार्यक्रम उकाली ओरालीकी प्रस्तोता अनुषा पौडेल फिचर्ड छन् । दिग्गज धौरालीले शब्द र अर्जुन पोखरेलले सङ्गीत गरेको यो गीतलाई बिएमएस फिल्म्सले बजारमा ल्याएको छ ।

मोडल कमल सिंह र श्रेया कार्की फिचर्ड रहेको ‘वैशको चुरीफुरी’ बोलको गीतको भिडियो युट्युबमा सार्वजनिक भएको छ । म्युजिक भिडियोलाई निकेश खड्काले निर्देशन गरेका हुन् । भिडियोमा मोडल कमल र श्रेयाको गज्जबको क्यामेस्ट्री देखिएको छ । रोमान्टिक शैलीको गीतमा स्वर तथा संगीत सिसिर काफ्लेको रहेको छ भने शब्द शिशिर बुढाथोकीको सुन्न सकिन्छ । गीतलाई एरेन्ज रोमी बस्नेतले गरेका छन् । सार्वजनिक म्युजिक भिडियोमा बुद्ध थापाको छायाँकन, कमल खड्काको कोरियोग्राफी, विकास धमलाको सम्पादन समाबेस रहेको छ ।

काठमाडौं । चर्चित लोकदोहोरी गायक खुमन अधिकारी र मालती खरेलको नयाँ तीज गीत ‘पैसा मागम की’ सार्वजनिक गरिएकाे छ । दर्जनौ चर्चित लोक भाका नेपाली सांगीतिक बजारमा पस्केर चर्चामा आएका गायक अधिकारी र खरेलको नयाँ तीज गीत ‘पैसा मागम की’ युट्युबमार्फत् सार्वजनिक गरिएको हो । गायक अधिकारीको शब्द तथा संगीत रहेको यस गीतलाई आशिष अविरलले एरेन्ज गरेका छन् । दुर्गा पौडेलले छायांकन गरेको म्युजिक भिडियोलाई शंकर बिसीले निर्देशन गरेका छन् । भिडियोमा मोडल शंकर बिसी र रश्मी तामाङलाई फिचर्ड गरिएको छ । भिडियो हेर्न यहाँ क्लिक गर्नुस्  

काठमाडौं, असार २८ । गतवर्षको तीजमा सन्देशमुलक तीज गीत लिएर आएकी सञ्चारकर्मी गीता अधिकारी यसपालिको तीज गीतमा ‘छम छम नाच्न’ भन्दै आउने भएकी छन् । गीताको शब्द रचना, नायिका तथा गायिका सारिका घिमिरेको स्वरमा रहेको तीज गीत ‘आउ नाचौं सङ्गी हो…’को भिडियो छायाँकन गरिएको छ । योगेश काजीको सङ्गीत रहेको गीतको भिडियोलाई शुक्रबार राजधानीमा छायाँकन गरिएको हो । नारायण रिजालको निर्देशन रहेको गीतको भिडियोलाई वीपेन्द्र भाट ‘विपिन’ले छायाँकन गरे गीतको भिडियोमा नायिका पुजना प्रधानले कम्मर मर्काएकी छन् भने गायिका तथा नायिका सारिका घिमिरे र गीता अधिकारीलगायत अन्य कलाकारले पनि नृत्य गरेका छन् । ‘हामीले गतवर्ष सन्देशमुलक तीज गीत स्रोता र दर्शकमाझ पस्केका थियौं, यसपालिको तीजमा दुःख पीडा भुलेर खुलेर नाचौं भन्ने खालको तीज गीत लिएर आउँदै छु, यसको भिडियो छिट्टै दर्शकमाझ आउँदै छ’, गीताले भनिन् । ‘एउटा राम्रो तीज गीत पस्किने हाम्रो कोसिस रहेको छ, म यसमा खुलेर नृत्य गरेकी छु, हेरौं कस्तो हुन्छ, गीतको भिडियो आएपछि थाह पाइहाल्नुहुन्छ नि’ नायिका पुजनाले भनिन् । ‘गत वर्षभन्दा अलिक फरक खालको गीत लिएर आउँदै छौं’ भन्दै गायिका सारिका घिमिरेले ‘यो तीज गीत छम छम नाच्ने खालको बनाउन लागेको बताइन् । ‘तीजका गीत प्रायः सबै उस्तै उस्तै नै हुन्छन् हामीले अझ राम्रो बनाउने प्रयास गरेका छौं,’ निर्देशक नारायण रिजालले भने । मेकअप सञ्जु ढकालको रहेको गीतलाई वल्र्ड कभर मिडियाले पोष्ट प्रोडक्सन गर्दै छ ।

काठमाडौं, असार २८ । रोशन राई सांगीतिक क्षेत्रमा नयाँ नाम होइन । लामो समयदेखि सांगीतिक आकाशमा उदयमान ताराको रुपमा मात्र नभई स्थापित पनि भइसकेका हुन रोशन राई । करिब २० वर्ष अघिदेखि गायन यात्राको सुरुवात गरेका गायक रोशन राईको पछिल्लो गीत ‘उपहार दिउ कि माया तिमीलाई आँखैमा सजाँउ’ सार्वजनिक भएको छ । जन्मघर खोटाङ जिल्ला घर भएका गायक राईका यसअघि प्राण, गायन र गायन २ गरी ३ वटा गीती एल्वम बजारमा सार्वजनिक भैसकेका छन् । २०५६ सालमा पूर्वाञ्चल आधुनिक गायन प्रतियोगितामा पूर्वाञ्चल क्षेत्रका १६ वटा जिल्लाको प्रतिस्पर्धामा प्रथम उपाधि हासिल गरेका गायक रोशन राईलाई ‘पालुवा स्टार’ को उपाधिबाट पुरस्कृत गरिएको थियो । उक्त उपाधिले नै गायन क्षेत्रमा अघि बढ्न हौसला प्रदान गरेको बताउँछन् गायक राई । गत शुक्रबार युट्युवमा सार्वजनिक गरिएको गायक राईको गीत ‘उपहार दिउँ कि माया तिमीलाई आँखैमा सजाँउ’ लाई करीब २ लाख भ्यूअर्सले हेरिसकेका छन् । उक्त गीतको वारेमा थुप्रै सकारात्मक प्रतिक्रियाहरु पनि आइरेका छन् । गायक रोशन राई र अञ्जु पन्तको स्वर भएको उक्त गीतमा राईले नै संगीत दिएका छन् भने शब्द बच्चन राईको रहेको छ । उक्त गीतको मोडलमा पल शाह र वर्षा सिवाकोटीले भूमिका निर्वाह गरेको छन् । उक्त गीतको छायांकन पनि उत्कृष्ट रहेको छ । आफूलाई सांगीतिक क्षेत्रमा लाग्दा साह्रै नै आत्मसन्तुष्टि मिलेको बताउँछन् राई । पछिल्लो समय निकालेको यस गितले बजार चर्चा राम्रै पाउन थालेपछि यसले आफूलाई थप उर्जा मिलेको बताउछन् । आगामी दिनमा पनि यस्तै मिठा तथा सुमधुर गीत सुन्न पाईराखौ हाम्रो शुभकामना ।

गायक रमेश क्षत्रीको आधुनिक गीत ‘फूल फुल्ने बगैंचा’ सार्वजनिक भएको छ । अहिले बजारमा आउने गरेको भन्दा केही भिन्न शैलीको गीतमा माया प्रेमको बिषय समेटिएको छ । गीतमाथि एक आकर्षक भिडियो पनि निर्माण भएको छ । बुढासुब्बा म्युजिकको युट्युवबाट सार्वजनिक भएको भिडियोमा कुमार गुरुङ र अंकिता क्षेत्रीले रोमान्स गरेका छन् । नरेश बिसीको शब्द, सन्जुकुमार थापाको संगीत र गोपाल रसाइलीको एरेन्ज रहेको गीतको भिडियो फलानो क्रियसनबाट निर्माण भएको हो । भिडियोमा सरोज अधिकारीको छायाँकन, सुवास अमागाइको सम्पादन र कुमार गुरुङको निर्देशन रहेको छ ।

काठमाडौं, जेठ ५ । लोकप्रिय गायक तेजश रेग्मी र गायिका विष्णु माझीको स्वरमा रहेको गीत पिंडालु सार्वजनिक भए देखिनै चर्चाको शिखरमा छ । इनाक्षी इन्टरटेन्मेन्ट नामक युट्युब च्यानलमार्फत सार्वजनिक गरिएको गीत करिब एक महिनामै ४० लाख पटक हेरिएको छ । गायक तेजस रेग्मीकै शब्द–संगीत रहेको डान्सिङ प्याटर्नको गीत यही स्पिडमा हेरिदै जानेहो भने छिट्टै नै करोड क्लबमा प्रबेश गर्ने आँकलन गर्न सकिन्छ । गीत सार्वजनिक भएकै दिन युट्युबको ट्रेन्डिङ पर्दै चर्चित बनेको थियो । गीत युट्युबसँगै टिकटकमा समेत भाईरल बन्दै छोटो समयमा नै ४० लाख भ्युज पाएपछि यतिखेर निर्माण टिम दंग छ । इनाक्षी इन्टरटेन्मेन्ट मार्फत सार्वजनिक भएको गीत विशुद्ध लोक संस्कृति झल्काउने खालको भएकाले दर्शक श्रोताहरुले मन पराएको इनाक्षी इन्टरटेन्मेन्टका निर्देशक रामप्रसाद कंडेलले जानकारी दिए । छोटो समयमा नै गीतले राम्रो भ्युज पाउदा आफुहरुलाई निकै हौसला मिलेको कंडेलको भनाइ छ । शिव बिकको निर्देशन रहेको गीतको भिडियोमा कुलेन्द्र बिक, तेजस रेग्मी र रक्षा श्रेष्ठ फिचरिङ्ग छन । ‘भद्रगोल’बाट चर्चामा आएकी रक्षासँगै दुई चर्चित गायकहरु भिडियोमा फिचरिङ्ग हुनुपनि दर्शकहरुलाई पनि नयाँ स्वाद भएकोले गीत चर्चित हुन मद्दत पुगेको छ । भिडियोमा रामेश्वर कार्कीको छायाँकन र सुजन शाहीको सम्पादन रहेको छ । दिपक सापकोटा, शशीधर कंडेल र केशव शर्मा पनि भिडियोमा अतिथी कलाकारको रुपमा फिचरिङ्ग छन् । हेर्नुहोस‍् भिडियो-

काठमाण्डौं । गायक दिपक लिम्बुको आवाजमा समावेश निकै मार्मिक गीत ‘आँशु भर्यो’ बोलको म्यूजिक भिडियो सार्वजनिक भएको छ । युगल जोडीको प्रेमको भावलाई निकै आकर्षक रुपमा गीतमा समेटेको छ । विछोडको पिडालाई भुल्न नसकेको कुरालाई गीतमा निकै मार्मिक रुपमा समेटिएको छ । आफ्नो माया नै ससारको निकै प्रेरणादायी सम्बन्ध भएको कुरा गीतमा गरिएको छ । दामोदर गौत्तम शब्दमा रहेको गीतमा रियाज सिवाकोटीको संगीत छ । गीतको भिडियोलाई प्रियसी म्युजिक प्रालीले बजारमा ल्याएको छ । बासु बरालको छायाँकन, राजेश कुमारको सम्पादन तथा बविता श्रेष्ठको निर्देशन भिडियोमा रहेको छ । ‘आँशु भर्यो’ को भिडियोमा सुशिला थापा र अर्जुन थापाको अभिनय रहेको छ । ‘आँशु झर्यो’ हेर्नुहोस भिडियो ।

गायिका मेलिना राई र राज खम्बुको आवाज रहेको गीत ‘हेरन कान्छी’ सार्वजनिक भएको छ । दिपक शर्माको संगीत रहेको गीतलाई दिनेश सुबेदिले लेखेका हुन् । ‘इन्स्टाको फोटो’ गीतबाट दर्शकले औधी रुचाएका आशिफ शाह र रेश्मा घिमिरेलाई गीतमा फिचर गरिएको छ । गीतको भिडियोलाई राजिव समर र शिशिर खातीले कोरियोग्राफी गरेका हुन् भने गीतलाई शान थापाले निर्देशन गरेका हुन् । जि डिजिटलले प्रस्तुत गरेको गीतको निर्माता अंशु राई हुन्। कमेडी र रोमान्सलाई मिसाएर बनाइएको गीतको भिडियोले दुइ प्रेमीले जवानीको लहर, प्रेम र बाचा कसमलाई देखाएको छ । जवानीमा चिटिक्क पर्ने र आफुले मन पराएको मान्छेको नजिक जाने रहरलाई सांगीतिक रुप दिइएको छ । गीतलाई जि द्दज्ञ डिजिटलको अफिसियल यु(ट्युब च्यानल मार्फत सार्वजनिक गरिएको छ । अहिलेसम्म हेर्नेहरुले ‘हेरन कान्छी’लाई राम्रो प्रतिकृया दिएका छन् ।

गीतकार दुर्गा हुमागाईको शब्द–रचना रहेको नयाँ गीत ‘तिम्रै निम्ति’ सार्वजनिक भएको छ । गीतमा कर्म ग्यल्चेन बोमजनको स्वर सुन्न सकिन्छ भने नोर्बु शेर्पाको संगीत संयोजन रहेको छ । यस्तै, गीतको भिडियो नि बनेको छ । भिडियोमा बाबुछोरीको प्रेमलाई दर्सौना खोजिएको छ । भिडियोलाई प्रकाश धितालले निर्देशन गरेका हुन् भने उत्सव दाहालले छायांकन अनि विष्णु खड्काले सम्पादन गरेका हुन् । यस्तै भिडियोमा जीवन भट्टराई–ऋचा थापा अनि दिभास्नाको अभिनय रहेको छ ।

काठमाडौं, चैत १० । नेपाली लोकदोहोरी क्षेत्रमा विशिष्ट स्थान बनाउन सफल गायिका विष्णु माझी र गायक सुरोज थापाको आवाजमा सजिएको निकै मार्मिक लोकदोहोरी ‘घाइते मुटु’ गीतको भिडियो बजारमा आएको छ । धनको पछि लागेर माया भुल्ने प्रेमी–प्रेमिकाको भावनालाई गीतमा समेटिएको छ । आफूलाई अप्ठ्यारो परेको अवस्थामा भुल्दा मनमा विभिन्न किसिमको पीडा महसुस भएको कुरालाई गीतमा समेटिएको छ । आफनो प्रेमलाई छुटाएकोमा पीडा महसुस गरिएको गायक सुरजले बताए । मुकेश हुमाँगाईँको छायाँङकन, राजेश कुमारको सम्पादन, बविता श्रेष्ठको निर्देशन भिडियोमा रहेको छ। निकै मार्मिक गीतको भिडियोमा चर्चित मोडल सारिका केसी, महेन्द्र गौत्तम, मानव, सरस्वती, सरिता र सगुनको अभिनय रहेको छ । हेर्नुहोस गीतको भिडियो

डा. डीआर उपाध्यायको नयाँ गीत ‘प्रेममा पहिलो पाइला…’ सार्वजनिक भएको छ । शशि रावलको स्वर, सागर अधिकारी ‘शरद’को सङ्गीत रहेको गीतको भिडियो सार्वजनिक भएको हो । डीआरको ‘सहेली’ एल्बममा रहेको यो गीतको भिडियोलाई सुवाष प्रधानले निर्देशन गरेका हुन् । प्रेम लामाको छायाँकन, टेकेन्द्र शाहको सम्पादन रहेको गीतको भिडियोमा मनिषा सापकोटा र प्रकाश विकलाई फिचर्ड गरिएको छ । डीआर म्युजिक एण्ड ट्रेडिङबाट सार्वजनिक गरिएको गीत जति राम्रो छ गीतको भिडियो पनि त्यतिकै राम्रो बनेको छ । साहित्यकार तथा गीतकार डा. डीआर उपाध्यायले केही समयअघि नेपाली एल्बम प्रकाशनमा एकैपटक सबैभन्दा धेरै एल्बम निकालेर नयाँ रेकर्ड राखेका थिए । राष्ट्रकवि माधवप्रसाद घिमिरेको हातबाट एकैपटक सात एल्बम विमोचन गरिएको थियो । यो विषयलाई सम्बोधन गर्दै उनलाई ‘एभरेष्ट वल्र्ड रेकर्ड’को प्रमाण पत्र पनि प्रदान गरिएको छ । डीआरका एक उपन्यास ‘दगाबाज’सहित एल्बम ‘जखम’, ‘माउन्टेन मेलोडी’, ‘नसालु नजर’, ‘जोहो’, ‘अन्तराप’, ‘प्रतिनाद’ र ‘सहेली’ विमोचन केही समय अघि राष्ट्रिय नाचघर जमलमा गरिएको थियो । एल्बममा समावेस भएका ४० भन्दा बढी गीतमा सन्तोष श्रेष्ठ, सागर अधिकारी ‘शरद’ र बुलु मुकारुङको सङ्गीत रहेको छ भने देशका प्रायः ख्यातीप्राप्त सबै गायक गायिकाहरुको स्वर रहेको छ । उपाध्यायका यसअघि ‘अतिरिक्त’, ‘भाग्यचक्र’, ‘स्वार्थी’, ‘त्यागी’, ‘वज्राधात’, ‘अपवित्र छायाँ’ र ‘बिटुली’ जस्ता उपन्यास पाठकमाझ आइसकेका छन् । पद्मदीप स्मृति प्रतिष्ठानको आयोजनामा डी.आर.का गीति एल्बमका बारेमा देशका सात प्रदेशस्तरमा पनि लोकार्पण र समीक्षा तथा जिल्लास्तरको साहित्य अनि सङ्गीतका बारेमा छलफल गर्न अभियान चलाइएको थियो भने देश बाहिर सिक्किममा समेत लोकार्पण गरिएको थियो ।

नेपाली लोकदोहोरी गीतको संरक्षण र विकास गर्र्दै आएको प्रियसी म्युजिक प्रालिको प्रस्तुतिमा गायिका सन्ध्या बुढामगर र गायक पुर्ण विश्वकर्माको आवाजमा सजिएको निकै वियोगान्त भाव समेटिएको ‘आँशुले मुख धुन्छु मैले त’ गीतको भिडियो बजारमा आएको छ । आफ्ना प्रेमीले आफुलाई निकै पीडा भएको कुरा गीतमा गायिका बुढाले गरेकी छन् । आफूलाई बेवास्ता गदैँ पराई ठानेकोमा गायिकाले आशु भारेकी छन । प्रेम रानामगरको शब्द तथा पुर्ण विश्वकर्माको लय सिर्जना रहको छ । मुकेश हुमागाईंको छायाँकन, अविनास डिसीको सम्पादन, बबिता श्रेष्ठको निर्देशन भिडियोमा रहेको छ।’ ‘आँशुले मुख घुन्छु मैले त’ गीतमा बुद्धवीर थापा र सारिका केसीको अभिनय देख्न सकिन्छ । ‘आँशुले मुख घुन्छु मैले त’ गीतको भिडियो हेर्नुहोस्–

करेन्ट लागेर दुबै हात खुटटा गुमाएका कृष्ण ओलीको बास्तविक जिवन भोगाईमा आधारित गीत ‘ कृष्णको राधा’ गीतको भिडियो बजारमा आएको छ । सार्वजनिक गीतमा संसार नेपालीको आवाज रहेको छ ।गीतको भिडियोलाई बुर्तिबाङ म्युजिक प्रालीले बजारमा ल्याएको हो । काम गर्ने शिलशिलामा द्धुघटनामा परेका कृष्णको जिवन भोगाईमा आधारित भावनाहरुलाई गीत तयार परिएको गोविन्द गुरुङ गुप्ताले बताएका छन । आफनो जिवनको कहालिलाग्दो अवस्थामा सहयोग गर्ने सम्पुर्ण नेपाली दाजुभाई तथा दिदिबहीनीलाई हार्दिक आभार व्यक्त गरिएको छ । गीतमा संसार नेपालीको लय सिर्जना रहेको छ । राजेश विसीको छायाँकन, राजकुमार मगरको सम्पादन रहेको छ। गीतको भिडियोमा कृष्ण, मेघा, बुद्धिमान, अमितबाबु रोकाया, राजेश विसी खेमराज रेग्मी, विकाश केसीको अभिनय रहेको छ । ‘कृष्णको राधा’ गीतको भिडियो हेर्नुहोस्–