नेपालले ओमान र टिमोर लिस्टेसँग मैत्रीपूर्ण फुटबल खेल्ने

काठमाडौं। नेकपा (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले कास्की जिल्लाको माछापुच्छ्रे गाउँपालिका, धितालमा प्रस्तावित अखिल नेपाल फुटबल संघ (एन्फा) टेक्निकल सेन्टरको निर्माण कार्य तत्काल अगाडि बढाउनुपर्ने बताउनुभएको छ। बिहीबार धितालस्थित भेडाबारीका स्थानीय जग्गादाता, विभिन्न राजनीतिक दलका प्रतिनिधि, र जनप्रतिनिधिहरूको टोलीले अध्यक्ष प्रचण्डलाई भेटी निर्माण प्रक्रिया अघि नबढेको भन्दै पहल गरिदिन अनुरोध गरेको थियो। टोलीले सो क्षेत्रमा सर्वेक्षण, वातावरणीय प्रभाव मूल्यांकन, माटो परीक्षणलगायत प्रारम्भिक कार्यहरू सम्पन्न भइसकेको र गाउँपालिकाको पहलमा जग्गा हस्तान्तरणसमेत भइसकेको जानकारी गराएको थियो। प्रतिनिधिहरूले प्रारम्भिक चरणमा बजेट विनियोजन र टेन्डर प्रक्रिया सम्पन्न भए पनि पछिल्लो समय यो योजना अलपत्र परेकोमा चिन्ता व्यक्त गरे। उनीहरूले निर्माण कार्यलाई तीव्रता दिन सरकार र सम्बन्धित निकायको ध्यानाकर्षण गराउन प्रचण्डसँग आग्रह गरे। प्रतिनिधिहरूको कुरा सुनेपछि अध्यक्ष प्रचण्डले भन्नुभयो, “तपाईंहरूले यो योजनालाई अगाडि बढाउन देखाउनुभएको चिन्ता र चासोप्रति म धन्यवाद दिन चाहन्छु। यो योजना पहिलेदेखि नै अघि बढिरहेको छ र अब यो अवश्य बन्नुपर्छ। यो सेन्टर कास्कीको धितालमै बन्नुपर्छ भन्ने मेरो दृढ अडान हो।” प्रचण्डले नेकपा (माओवादी केन्द्र) को तर्फबाट यो योजनालाई कार्यान्वयन गर्न पार्टीका प्रतिनिधि, जग्गादाता, र स्थानीय जनप्रतिनिधिहरूसँग मिलेर आवश्यक पहल गरिने आश्वासन दिनुभयो। उहाँले यो योजनालाई सफल बनाउन आफूले सक्दो प्रयास गर्ने प्रतिबद्धता व्यक्त गर्नुभयो।

काठमाडौं। श्रीलंकालाई हराउँदै भुटान साफ महिला च्याम्पियनसिप २०२४ अन्तर्गत समूह ‘बी’ को अंकतालिकामा शीर्ष स्थानमा उक्लिएको छ। त्रिपुरेश्वरस्थित दशरथ रंगशालामा सोमबार सम्पन्न दोस्रो खेलमा भुटानले श्रीलंकलाई ४-१ ले पराजित गरेको हो। जितसँगै भुटानले दुई खेलबाट चार अंक जोडेको छ। पहिलो खेलमा भुटानले घरेलु टोली नेपाललाई गोलरहित बराबरीमा रोकेको थियो। श्रीलंकाको यो पहिलो हार हो। पहिलो खेलमा श्रीलंकाले माल्दिभ्सलाई १० ले पराजित गरेको थियो।

काठमाडौं । रियल म्याड्रिडले १४ औं पटक युरोपियन च्याम्यिन्स लिगको उपाधी जित्ने इतिहास रचेको छ । आज राती भएको उपाधि खेलमा लिभर पुललाई १ ० ले हराउँदै रियल म्याड्रीडले ट्रफी उचालेको हो । स्टेडियम बाहिर दर्शकहरुबीच झडप भएको कारण ३७ मिनेट ढिला सुरु भएको लिगमा भिनिसियस जुनियरले ५९ औं मिनेटमा हानेको गोल नै रियल म्याड्रिडको इतिहास रच्न पुगेको हो । योसँगै म्याड्रिडका कोच कार्लो एन्सेलोट्टीले समेत चारपटक च्याम्पियन्स लिग जिताउन सफल कोचको रेकर्ड कायम राखेका छन् ।  

काठमाडौं । राष्ट्रिय महिला फुटबल लिगको दोस्रो संस्करण आजबाट चितवनमा सुरू हुँदैछ । भरतपुरस्थित शारदानगरमा रहेको मैदानमा हुने उद्घाटन खेलमा साविक विजेता एपिएफ क्लब र उपबिजेता त्रिभुवन आर्मी क्लब भिड्नेछन् । खेल दिउँसो ४ बजे सुरू हुनेछ । डबल राउण्ड रोबिनको आधारमा हुने लिगको पहिलो चरणका २८ खेलहरु चितवनमा हुनेछन् । यसैगरी, दोस्रो चरणका २८ खेल विराटनगरमा हुनेछ । यस पटक लिगमा तीन विभागीय टोली त्रिभुवन आर्मी क्लब, नेपाल पुलिस क्लब र सशस्त्र प्रहरी बल (एपिएफ) सँगै ८ टिम सहभागी छन् । धनगढी, चन्द्रपुर, विराटनगर, वालिङ र ललितपुर उपमेयर कपबाट महिला लिगका लागि छनौट भएका हुन् । सबै टिमले चार विदेशी खेलाडी खेलाउन पाउनेछन् । लिग विजेताले २० लाख र दोस्रो हुने टोलीले १० लाख रुपैयाँ पुरस्कार पाउनेछ । तेस्रो हुने टोलीले ५ लाख तथा चौथोले ३ लाख रुपैयाँ प्राप्त गर्ने एन्फाले जानकारी दिएको छ । यस्तै, फेयर प्ले टिमले १ लाख रुपैयाँ पाउनेछ । लिगको सर्वोकृष्ट खेलाडीले स्कुटर, उत्कृष्ट गोलरक्षक र उत्कृष्ट स्ट्राईकरले समान ५०/५० हजार तथा उदयमान खेलाडीले २५ हजार प्राप्त गर्नेछन् । हरेक खेलको प्लयर अफ दि म्याचले दश हजार प्राप्त गर्नेछन् । लिग सम्पन्न गर्न दुई करोड ६४ लाख खर्च हुने एन्फाको अनुमान छ ।