माओवादीले गिम्दीमा शहीद परिवारदेखि सत्तरी वर्ष पुगेका ८ जनालाई गर्यो नगदसहित सम्मान

माओवादीले गिम्दीमा शहीद परिवारदेखि सत्तरी वर्ष पुगेका ८ जनालाई गर्यो नगदसहित सम्मान

ललितपुर, चैत ९ । माओवादी केन्द्र ललितपुरको वाग्मती गाउँपालिका ७ नम्बर वडा गिम्दीले जनयुद्धका शहीद परिवारदेखि सत्तरी वर्ष पुगेका ८ जनालाई नगदसहित सम्मान गरेको छ ।

सोमबार भएको वडा कमिटि अधिवेशनमा शहीद परिवारका जयराम स्याङतान र वीरवहादुर स्याङतानको परिवारलाई जनही पाँच सय रुपैयाँले सम्मान गरेको हो ।
तत्कालीन राज्यले हिरासतमा राखेर यातना दिएका अर्जुन थापामगरलाई पनि पाँच सय नगदसहित सम्मान गरिएको छ ।

यस्तै वडा अधिवेशनमै गिम्दीमा सत्तरी वर्ष उमेर पुगेका महिला र पुरुषलाई पनि जनही पाँच सय नगद रुपैयाँ दिएर सम्मान गरेको माओवादी केन्द्रले जनाएको छ ।
सम्मानित हुनेमा कान्छिमाया विक, माइलीमाया बल, विभा जर्घामगर, सन्सरे डिसी, कृष्णबहादुर जर्घामगर, विष्णुमाया थापा, सूर्यबहादुर नेगी र मंगल आलेलाई माओवादी केन्द्रका केन्द्रीय सचिवालय सदस्य तथा ललितपुर इन्चार्ज दीलिप प्रजापति (भीष्म)ले नगद सहित सम्मान गरेका हुन् ।
वाग्मती गाउँपालिकाको ७ नम्बर वडाको गिम्दीमा भएको अधिवेशनले कृष्णबहादुर बलको अध्यक्षतामा १७ सदस्यीय कमिटि गठन गरेको छ । उपाध्यक्षमा सूर्य आले, सचिव अरुण सापकोटा, सहसचिव निमा रुम्बा कोषाध्यक्ष बेदमाया तिमल्सिना सहित १७ सदस्यीय कार्यसमिति चयन गरेको हो ।
तीस जना माओवादी केन्द्र प्रवेश
वडा अधिवेशनमा कांग्रेस र एमालेका तीस जना गाउँका क्रियाशील व्यक्तिहरु माओवादी केन्द्रमा प्रवेश गरेका छन् । माओवादीले बोकेको एजेण्डा र पछिल्लो चरण देशमा विकासका लागि खेलृको भूमिका मन परेर पार्टी प्रवेश गरेको उनीहरुले बताएका छन् ।
उनीहरुलाई ललितपुर इन्चार्ज भीष्म, उक्त क्षेत्रका इन्चार्ज हरि दाहाल, संयोजक राजु आलेमगर लगायतले पार्टी प्रवेश गराएका हुन् ।

गिम्दीमा प्रभावशाली व्यक्तिका रुपमा चिनिएका उनीहरुको पार्टी प्रवेशले वाग्मती गाउँपालिकाको ७ नम्बर वडा थप मजबुत बनेको अध्यक्षमा निर्वाचित कृष्ण बलले बताए ।

२०६५ सालमा माओवादीका नेता वर्षमान पुन (अनन्त)ले उक्त क्षेत्रबाट चुनाव जितेपछि दक्षिणमा रहेका सो ठाउँमा सडक, बिजुली र सञ्चार सेवा पुर्याएका थिए । त्यस अगाडि गिम्दीका स्थानीय दुई दिन लगाएर काठमाडौं आउनुपर्ने बाध्यतामा थिए ।
माओवादीले हाम्रो गाउँलाई धेरै विकास गरिदिएको छ, अझै थप विकास चाहिएकोले माओवादी प्रवेश गरेको उनीले बताएका छन् ।

बुढेस कालको साहार बन्दैछ पानी घट्ट

बाग्लुङ, चैत्र २३ । पछिल्लो समयमा मानिसहरुमा आधुनिकताले छोएको छ । आधुनिकता छाउदै जादा नदीनालाको आसपासको किनारमा देखिने पानी घट्टाहरु यति बेला गाउँ घरमा यदाकदा मात्र देख्न पाईन्छ । उ बेला अन्नबाली पिस्न मिलहरुको अभाव हुदा कैयौ मानिसहरु आफनै घरको झातोमा पिसेर गुजारा चलाउने गर्दथे । यदि कुनैको घरमा अन्नबाली पिस्ने झातो नहुँदा अरुकोमा नै गएर पिस्ने चलन रहिआएको थियो । तर आज भोली प्रबिधिको बिकास सँगै मानिसहरुमा त्यो प्रचलन हट्दै गयो । धेरै परको कुरा नगरौ हामी हाम्रो आमा हजुरआमा हजुरबुवालाई सोध्यौ भने पहिले हातमा ठेला परुन्जेल अन्नबाली पिसेर दैनिकी गुजरा चलाउदथौँ भन्नुहुन्छ उहाँहरु त्यो कुरा हामीलाई नप्चन सक्छ । त्यसरी चलिरहेको मानिसको जीवन अहिले आउदा त्यो भन्दा धेरै अन्तर छ । यसैका बावजूद पनि कुनै न कुनै ठाउँमा त्यस्तो पनि छ कि बुढा बाबुहरुले अंगाल्दै आएको पेसा छोराहरुले सम्हालिरहेका छन । त्यसका उदाहरणका एक पात्र हुन बागलुङ जिल्ला बडीगाड गाउपालिका ९ दर्लिङ खोलाका तेज प्रसाद श्रेष्ठ । उनी बिहान सबेरै घरको काम सकेर आफुले गर्दे आएको पेसा पानी घट्टामा पुग्छन । वारिपरी पानी घट्टा भएपनि उनकोमा बढी पिसाउनेको भिड् लाग्ने गर्दछ । किन भने उनकोमा २ वटा पानी घट्टाहरु छन । उनको बोल्ने शैली पनि फरक छ त्यसैले उनकोमा पिसाउनेहरुको भिड लाग्ने गर्दछन । अन्न बाली पिसाउन आउनेहरुलार्ई सोध्यौँ भने मिलहरुमा पिसाएको अन्न भन्दा पानी घट्टामा पिसाएको अन्न बढी स्वादिष्ठ हुने बताउछन । उनले मकै, चामल, कोदो, फापर, बेसार पिस्ने गर्दछन । त्यसरी पिस्दा उनले एक पाथीको ६ मुठी बाली अथवा भुति लिने गर्दछन । यसरी पिसाएबापत एक मुरी अन्नको १ सय ५० लिने गर्दछन । यसरी कमाई गरेको श्रेष्ठले बार्षिक १ लाख ५० हजार भन्दा बढी कमाउने गरेको बताउछन । ६ जनाको परिवार भएकोमा २ छोराहरु उनीबाट छुटिएर बसेका छन । तर अहिले परिवारमा बुढा बुढी छन । उनीहरुको जीवनमा पानी घट्टा आर्थिक उपार्जन गर्ने माध्यम नै त्यहि बनेको छ । उनी भन्छन अन्न पिसाएपछि अन्न पिसाए बापत अन्न नै भूती दिए पनि यसरी जम्मा भएको भूती एक मुरीलाई २ हजार पर्ने गरेको बताउछन । यसरी संचालन भएको पानी घट्टामा उनले १ लाख लगानी छ । बुढेसकालमा छोरा बुहारी आफ्नै घरमा छन हामीलाई खानको लागी र जीवन गुुजारा गर्न पानी घट्टा साहरा बनेको छ । विदेश जान पनि नसकिने भएकाले यो पेशाबाट ज्यादै सन्तुष्टी भएको बताउछन । उनी जस्तै युवाहरुले यस्तो पेशा अंगाल्नेहो भने बिदेशमा गएर पौरख बच्न पर्दैन थौँ ।

वडा सदस्यको घरमा आगलागि, रु १५ लाखको क्षति

फलेवास, पर्वत, १३ चैत (रासस) ः पर्वतको मोदी गाउँपालिका–१ भुकताङ्लेका वडासदस्य भुलबहादुर पौडेलको घरमा सोमबार साँझ आगलागी भएको छ । भुकताङ्लेको मोहोरियामा रहेको उहाँको दुईतले घरमा साँझ ७ः३० बजे आगो लागेको हो । आगालागीबाट घरमा भएको अन्नपात, लत्ताकपडा, नगद जलेर नष्ट भएको छ । एक्कासि आगो सल्किएपछि कुनै पनि सामान निकाल्न नपाएको वडाध्यक्ष गौप्रसाद गुरुङले जानकारी दिनुभयो । पौडेलको घरमा उहाँकी आमा विष्णुमती पौडेलले किराना पसलसमेत चलाउँदै आउनुभएको थियो । आगलागीमा परी उक्त पसलका सबै सामग्री नष्ट भएका छन् । आगलागीमा रु १५ लाखभन्दा बढीको क्षति भएको अनुमान गरिएको वडाध्यक्ष गुरुङले बताउनुभयो ।

हात्तीले २१ घर भत्काएपछि स्थानीयकाे विचल्ली

भीमदत्तनगर । कञ्चनपुरको शुक्लाफाँटा निकुञ्ज परिसरमा अस्थायी टहरा बनाएर आश्रय लिँदै आएका निकुञ्ज शिविरमा आइतबार राति जंगली हात्तीले २१ वटा घर भत्काएको छ । राति आएको हात्तीको बथानले शुक्लाफाँटाको तारापुर क्षेत्रमा शुक्लाफाँटा विस्थापितका घर भत्काएको इलाका प्रहरी कार्यालय झलारीले जनाएको छ । हात्तीले घरमा क्षति पु¥याएपछि आज बिहान यहाँस्थित शुक्लाफाँटा नगरपालिकाका नगरप्रमुख दिलबहादुर ऐर नेतृत्वको टोलीले स्थलगत अनुगमन गरेको छ । प्रहरीको टोलीले पनि घटनास्थल पुगेर क्षतिको विवरण लिएको छ । हात्तीले घर भत्काएपछि पीडित खुला आकाशमा बसिरहेका छन् । शुक्लाफाँटा नगरपालिकाका नगरप्रमुख दिलबहादुर ऐरले पीडितलाई तत्काल राहतस्वरुप प्रतिपरिवार रु दुई हजार प्रदान गर्ने जानकारी दिनुभयो । उहाँले यसअघि पनि नरगरपालिका क्षेत्रका हात्तीपीडितलाई नगरपालिकाले राहत रकम उपलब्ध गराएको स्मरण गर्नुभयो ।

बारबर्दिया एवं जयनगर महोत्सव

बर्दिया । बर्दियाको पहिचानका लागि प्रथम बारबर्दिया तथा जयनगर महोत्सव २०७४ आगामी फागुन ११ गतेदेखि सञ्चालन हुने भएको छ । “हाम्रो बारबर्दिया हाम्रो सान, भाषा, संस्कृति, सद्भाव हाम्रो पहिचान” नाराका साथ बर्दिया तथा बारबर्दिया नगरपालिकाको पहिचानका लागि महोत्सव सञ्चालन गर्न लागेको आयोजकले जनाएको छ । फागुन ११ गतेदेखि २० गतेसम्म सञ्चालन हुने सो महोत्सवमा बर्दिया राष्ट्रिय निकुञ्ज, कृष्णसार, ऐतिहासिक बढैयाताल, गेरुवा नदीको पुलका साथै बारबर्दिया नगरपालिकाभित्र पर्ने ऐतिहासिक बारबर्दिया, सदाशिव मन्दिर, सत्खोलुवा ताल, रानीजरुवा, बुह्रानलगायत क्षेत्रको प्रचारप्रसारका लागि महोत्सव सञ्चालन गरिरहेको महोत्सव मूलसमितिका संयोजक रामसोहन थारुले जानकारी दिनुभयो । महोत्सव सञ्चालनका लागि स्थल घेरबार, कक्ष निर्माण, मञ्च निर्माण करिब ५० प्रतिशत सम्पन्न भइसकेको छ ।

लोकप्रिय