नेपालले हङकङलाई दियो १४० रनको लक्ष्य

नेपालले हङकङलाई दियो १४० रनको लक्ष्य

काठमाडौं। एसीसी प्रिमियर कपअन्तर्गत तेस्रो स्थानको खेलमा नेपालले जितका लागि हङकङलाई एक सय ४० रनको मध्यम लक्ष्य दिएको छ।

ओमानको अल अमरात क्रिकेट मैदानमा टस जितेर पहिले ब्याटिङ गरेको नेपालले निर्धारित २० ओभरमा आठ विकेटको क्षतिमा एक सय ३९ रन बनाउन सफल भयो। नेपालका लागि दीपेन्द्रसिंह ऐरीले अविजित ४४ रन बनाए।

उनले २९ बलमा चार चौका र तीन छक्का प्रहार गरे । सन्दीप जोराले २२ रन बनाए। कप्तान रोहितकुमार पौडेलले २१, कुशल मल्लले १३, सोमपाल कामीले १२, गुलशन झाले ६ र आशिफ शेखले पाँच रन बनाए। 

ओपनर कुशल भुर्तेल शुन्य रनमा आउट भए। उनी यस प्रतियोगितामा लगातार तेस्रो पटक शुन्य रनमा आउट भए। यस्तै करण केसी तीन रन जोड्दै पेभेलियन फर्किए। ललित राजवंशीले अविजित दुई रन बनाए। 

बलिङमा हङकङका आयुश शुक्लाले तीन विकेट लिए। अतिक्वी इकबल, यासिम मु्र्ताजा र इशान खानले एक एक विकेट लिए। एसिया कप छनोटबाट बाहिरिएको नेपालले हङकङलाई हराएमा एसीसी इमर्जिङ एशिया कपमा छनोट हुनेछ । 

इमर्जिङ एशिया कपमा प्रिमियर कपका शीर्ष तीन टोली सहित भारत, पाकिस्तान, बङ्गलादेश, श्रीलंका र अफगानिस्तान ‘ए’ टोलीको सहभागिता रहनेछ ।

नेपालको एसिया कप खेल्न सपना संयुक्त अरव इमिरेट्स (युएई)ले चकनाचुर बनाएको थियो । शुक्रबार भएको सेमिफाइनल खेलमा नेपाल युएईसँग ६ विकेटले पराजित भएको थियो । हङकङ पनि घरेलु टोली ओमानसँग पाँच विकेटले पराजित भएपछि एसिया कपबाट बाहिरिएको थियो ।

यस प्रतियोगितामा नेपाल र हङकङ समूह चरणमा भिडिसकेका छन् । नेपालले समूह चरणको खेलमा हङकङलाई आठ विकेटले पराजित गरेको थियो । 

हैदराबादलाई हराउँदै कोलकाता आईपीएल च्याम्पियन

काठमाडौं ।फाइनलमा सनराइजर्स हैदराबादविरुद्ध आठ विकेटको सहज जित निकाल्दै कोलकाता नाइट राइडर्सले इन्डियन प्रिमियर लिग (आईपीएल)को उपाधि जितेको छ। आईपीएलको इतिहासमा कोलकाताको यो तेस्रो उपाधि हो। यसअघि कोलकाता सन् २०१२ र २०१४ को संस्करणमा च्याम्पियन बनेको थियो। आइतबार चेन्नाईमा जारी खेलमा हैदराबादले प्रस्तुत गरेको ११४ रनको लक्ष्य कोलकाताले १०.३ ओभरमा दुई विकेट गुमाएर पूरा गर्यो। कोलकाताको जितमा वेन्कटेस ऐयरले सर्वाधिक अविजित ५२ रन बनाए। उनले २६ बलमा चार चौका र तीन छक्का प्रहार गरे। ओपनर रहमनुल्लाह गुबर्जले ३९ रन थपे। हैदराबादका कप्तान प्याट कुमिन्स र सहबाज अहमेदले समान एक विकेट लिए। त्यसअघि टस जितेर ब्याटिङमा आएको हैदराबादले १८=३ ओभरका सबै विकेट गुमाएर ११३ रनमात्र बनाएको थियो । आईपीएलको इतिहासमा फाइनलमा बनेको यो नै अहिलेसम्मको सबैभन्दा सानो योगफल हो । हैदराबादका कप्तान प्याट कुमिन्सले सर्वाधिक २४ रन बनाए । आइदेन मार्करमले २०, हेनरिक क्लासेनले १६ र नितिश कुमार रेड्डीले १३ रन थपे । हैदराबादलाई कमजोर योगफलमा रोक्न कोलकाताका आन्द्रे रसेलले तीन विकेट लिए । मिचेल स्टार्क र हर्षित रानाले समान दुई विकेट लिँदा वैभव अरोरा, सुनिल नारिन र वरुण चक्रवर्तीले समान एक विकेट लिए ।

सन्दीपको भिसा खुलाउन परराष्ट्रले थाल्यो पहल

काठमाडौँ । क्रिकेटर सन्दीप लामिछाने अमेरिकाले भिसा नदिएपछि परराष्ट्र मन्त्रालयले कूटनीतिक पहल थालेको छ । परराष्ट्रको अमेरिका हेर्ने डिभिजनमार्फत अमेरिकी दूतावासमा पहल सुरु भएको स्रोतले बताएको छ । टी–२० विश्वकप खेल्न अमेरिका जाने तयारीमा रहेका सन्दीपलाई अमेरिकी दूतावासले भिसा दिन अस्वीकार गरेको थियो ।

बंगलादेशलाई लागातार पराजित गर्दै अमेरिकाले जित्यो श्रृंखला

काठमाडौं । अमेरिकाले बंगलादेशलाई लगातार दुई खेलमा पराजित गरेको छ।  गएराती सम्पन्न टी–२० सिरिजको दोस्रो खेलमा अमेरिकाले बंगलादेशलाइ ६ रनले पराजित गरेको हो। अमेरिकाले दिएको १४५ रनको लक्ष्य पछाएको बंगलादेश १९ दशमलव ३ ओभरमा १३८ रन बनाएर अल आउट भएको थियो।  बंगलादेशका कप्तान नजमूल होसेन शान्टोले ३४ बल खेल्दै सर्वाधिक ३६ रन बनाए। सकिब अल हसनले २३ बलमा ३० रन जोडे। टोवहिद हृडोयले २१ बलमा २५ रन बनाए। अमेरिकाका अलि खानले ३.३ ओभरमा २५ रन खर्चेर ३ विकेट लिए। यस्तै सौरभ नेत्रभाल्कर र श्याडली भान शाल्कविकले समान २ विकेट लिए। त्यसअघि टस हारेर ब्याटिङ गरेको अमेरिकाले निर्धारित २० ओभरमा ६ विकेट गुमाएर १ सय ४४ रन बनाएको थियो। अमेरिकाका लागि कप्तान मोनान्क पटेलले ३८ बल खेल्दै सर्वाधिक ४२ रन बनाएका थिए। एरन जोन्सले ३४ बलमा ३५ रन बनाउँदा अर्का ओपनर स्टेभन टेलरले ३१ रन जोडे। बंगलादेशका शोरीफूल इस्लाम, मुस्तफिजुर रहमान र ऋषाद होसेनले समान २ विकेट लिए। शृंखलाको पहिलो खेलमा अमेरिका ५ विकेटले विजयी भएको थियो। अन्तिम खेल शनिबार हुनेछ।

हैदरावादलाई हराउँदै कोलकाता आइपिएल क्रिकेटको फाइनलमा

काठमाडौं । सनराइजर्स हैदरावादलाई हराउँदै कोलकाता नाइट राइडर्स इण्डीयन प्रिमियर लिग (आइपिएल) टि–ट्वेन्टी क्रिकेटको फाइनलमा प्रवेश गरेको छ। गुजरातको अहमदाबादमा गएराति भएको पहिलो क्वालिफायर खेलमा कोलकाता ८ विकेटले विजयी भयो। खेलमा टस जितेर पहिले व्याटिङ गरेको हैदरावाद १९ ओभर ३ बलमा १ सय ५९ रनमा मसेटियो। उसका लागि राहुल त्रिपाठीले सर्वाधिक ५५ रन जोडे। कोलकाताका मिचेल स्टार्कले ३ विकेट लिए। जवाफमा १ सय ६० रनको लक्ष्य कोलकाताले १३ ओभर ४ बलमा २ विकेट गुमाएर पुरा ग¥यो। कोलकाताको जितमा कप्तान श्रेयर ऐयरको अविजित ५८ रन तथा भेङ्कटेस ऐयरको अविजित ५१ रन महत्वपूर्ण रह्यो। जितसँगै कोलकाता फाइनलमा पुग्दा हैदरावादले भने फाइनल प्रवेशका लागि दोस्रो क्वालिफायर खेल्ने अवसर पाएको छ। आइपिएल क्रिकेटमा आज राजस्थान रोयल्स र रोयल च्यालेन्जर्स बैंगलुरु भिड्नेछन्। यो खेलको विजेता टोलीले हैदरावादसँग दोस्रो क्वालिफायर खेल्नेछ।

लोकप्रिय