कमल चौलागाईसहित नयाँ शक्ति, राप्रपा र विप्लवका सयौं नेताहरु माओवादी केन्द्रमा प्रवेश
भरतपुर, कार्तिक २९ । कमल चौलागाई नेतृत्वको संयुक्त राष्ट्रवादी समाजवादी पार्टीको सिङ्गो पार्टीसहित नयाँ शक्ति नेपाल, विप्लव नेतृत्वको नेकपा र राप्रपाका सयौं नेताहरु माओवादी केन्द्रमा प्रवेश गरेका छन् ।
बुधबार बिहान चितवनको भरतपुरमा आयोजित विशेष कार्यक्रममा नेताहरु माओवादी केन्द्रमा प्रवेश गरेका हुन् ।
पार्टी प्रवेश गर्नेहरुलाई पूर्व प्रधानमन्त्री एवं माओवादी केन्द्रका अध्यक्ष प्रचण्डले स्वागत गरेको थियो ।
पार्टी प्रवेश गर्ने नेताहरुको नामावली यसप्रकार छ (सूचिसहित)
(क) संयुक्त राष्ट्रिय समाजवादी पार्टीः
१) कमल चौलागाई, केन्द्रीय अध्यक्ष
२) रामशरण पाण्डे, उपाध्यक्ष
३) जनार्दन भण्डारी, उपाध्यक्ष
४) देवी पण्डित रेग्मी, उपाध्यक्ष
५) ओमबहादुर न्यौपाने, उपाध्यक्ष
६) कृष्णबहादुर कार्की, उपाध्यक्ष
७) सुरजकुमार गुप्ता, उपाध्यक्ष
८) दीपेन्द्र खड्का, उपाध्यक्ष
९) लोकेन्द्र सुवेदी, उपाध्यक्ष
१०) शंकरलाल श्रेष्ठ, महासचिव
११) नारायण श्रेष्ठ, उपमहासचिव
१२) सागर पाण्डे, सचिव
१३) दीपक पन्थी, सचिव
१४) किशन अधिकारी, सचिव
१५) सम्झना राई, सचिव
१६) सबिना बुढाथोकी, कोषाध्यक्ष
१७) विणा कुमपाख, सहकोषाध्यक्ष
१८) भाइकाजी सापकोटा, केन्द्रीय सदस्य
१९) नेत्रबहादुर चौलागाई, केस
२०) अशोकलाल श्रेष्ठ, केस
२१) गणेश बुढा, केस
२२) उज्ज्वल बुढा, केस
२३) पवित्रकुमार खड्का, केस
२४) डिकबहादुर बस्नेत, केस
२५) जगदिश पासी, केस
२६) देवीलाल पौड्याल, केस
२७) विकास न्यौपाने, केस
२८) रामचन्द्र खड्का, केस
२९) अरुणमणि आदि, केस
३०) कुमार श्रेष्ठ, केस
३१) होमनाथ आचार्य, केस
३२) दिलबहादुर तामाङ, केस
३३) मायानाथ गौतम, केस
३४) भोला खड्का, केस
३५) शिबकुमार सापकोटा, केस
३६) माधव भण्डारी, केस
३७) हिरण्य लुइटेल, केस
३८) अनिता थापा, केस
३९) आसुका भण्डारी, केस
४०) मदनराज थापा, केस
४१) मोहन बास्तोला, केस
४२) कमलबहादुर न्यौपाने, केस
(ख) नेकपा (विप्लव समूह) चितवनः
४३) बिमल पौडेल, जिल्ला सचिवालय सदस्य
४४) राजु भुसाल, जिसस
४५) हर्कबहादुर बिक, जिसस
४६) मोहन डुम्रे
४७) पूर्णबहादुर भूजेल
४८) कुलबहादुर बस्नेत
४९) पुष्कर भण्डारी
५०) मणिराम ढकाल
५१) बिरु लामा
५२) रीता शर्मा
५३) गोविन्द सापकोटा
५४) पदम ढकाल
५५) मीना लामिछाने
५६) बिना भुसाल
५७) राजकुमार लामा
५८) टेकबहादुर बिक
५९) नापी महतो
६०) लक्ष्मण विक
६१) सम्भू विक
६२) आशाराम महतो
६३) यामबहादुर बिक
६४) प्रकाश लामा
६५) तेजेन्द्र लामा
६६) दधिराम गौतम
६७) दुर्गा भुसाल
(ग) लोकतान्त्रिक फोरमः
६८) हेमबहादुर खड्क, पूर्व जिविस उपसभापति
६९) धीरेन्द्र झा, लोकतान्त्रिक फोरम केन्द्रीय उपाध्यक्ष
७०) दीपक लाभ, केन्द्रीय सदस्य
७१) रामशरण झा, इन्जिनियर
७२) दिगम्बर झा, प्रदेश सभा उम्मेदवार
७३) गोविन्द पाण्डे
७४) सरोज मिश्र
७५) गोपालकुमार झा
७६) सुरेन्द्र साह
७७) राजकुमार जैसवाल
७८) सन्तोषकुमार साह
७९) अनिल दास
८०) फिरेन्द्र मिश्र
८१) रमणकुमार सिंह
८२) सुशीलकुमार सिंह
८३) निलाम्बर झा
८४) विजयकान्त ठाकुर
८५) मिनबहादुर थिङ, राप्रपा केन्द्रीय सदस्य
(घ) नयाँ शक्ति नेपाल
८६) ठाकुरप्रसाद चापागाई (विद्रोही समूह अध्यक्ष) लगायतको नेतृत्वमा १६५ जना।
अध्यक्ष प्रचण्डद्वारा ‘साहसी युवा’ चणिकलाल तामाङलाई सम्मान
काठमाडौं, १३ असोज । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नख्खुखोलाले बगाएका दुई जनाको उद्धार गर्ने ‘साहसी युवा’ चणिकलाल तामाङलाई सम्मान गर्नुभएको छ। उहाँले आफ्नै निवास खुमलटारमा बोलाएर तामाङलाई सम्मान गर्नुभएको हो । तामाङले हिजो शनिवार ललितपुर महानगरपालिका २५ सुगम टोलस्थित नख्खु खोलाले बगाएका रौतहटका ४३ वर्षीय राजु साह र उहाँकी छोरी ६ वर्षीया मेघनालाई उद्धार गरेर बचाउनुभएको थियो । टहराको छानामाथि चढेर गुहार मागिरहेका चार जनालाई सरकारी निकायले उद्धार गर्न नसकेपछि उनीहरु टहरासँगै बगेका थिए । खोलाले बगाएर झण्डै पाँच सय मिटर तल पुर्याएपछि तामाङले उर्लदो भेलमा हाम फालेर दुई जनाको उद्धार गर्नुभएको थियो । उद्धार गरिएका दुबै जनाको हाल पाटन अस्पतालमा उपचार भइरहेको छ । सँगै बगेका राजुका भाई २२ वर्षीय राज आफै पौडेल उत्रनुभएको थियो भने राजकी छोरी ४ वर्षीया शेर्तु साहको अवस्था अज्ञात रहेको छ । ‘साहसी युवा’ तामाङलाई सम्मान गर्दै अध्यक्ष प्रचण्डले सरकारले गर्न नसकेको काम गरेर दुई जनालाई नयाँ जीवन दिएकोमा बधाई तथा धन्यवाद दिनुभयो । संकटको बेला नै बहादुरहरुको जन्म हुने भन्दै उहाँले तामाङलाई ‘साहसी युवा’को रुपमा सम्मान गरिएको बताउनुभयो । आफूले यो घटनालाई हिजोदेखि नजिकबाट हेरिरहेको र अहिले तामाङको देशबिदेशमा चर्चा भइरहेको उल्लेख गर्दै अध्यक्ष प्रचण्डले तामाङ आफ्नो पार्टीकै युवा संगठनमा आबद्ध रहेको थाहा पाउँदा झनै खुशी लागेको बताउनुभयो । काभ्रेको तेमाल गाउँपालिका ९ चोकटार घर भएका तामाङ माओवादी केन्द्रनिकट सहिद परिवारका सदस्य हुनुहुन्छ । उहाँका दाई तत्कालीन जनयुक्त सेनाका कमाण्डर चन्द्र तामाङले ‘शुक्र’को जनयुद्धका क्रममा सर्लाहीमा सहादत प्राप्त गर्नुभएको थियो । सो क्रममा साहसी युवा तामाङले उद्धार गरेर दुई जनाको जीवन बचाउन पाएकोमा खुशी लागेको बताउनुभयो । आफू विहान खोला हेर्न आएको बेलामा मान्छे बगेको देखेपछि तत्काल हाम फालेर उद्धारमा लागेको बताउनुभयो । उहाँले सानोमा सुनकोशी नदीमा पौडी खेल्दा सिकेको सिपले दुई जनाको ज्यान बचाउन सकेको बताउनुभयो ।
झ्याप्लेखोला पहिरोबाट थप १५ शव निकालियो, मृतकको संख्या २९
काठमाडौं । झ्याप्ले खोलामा पुरिएका १५ जनाको शव निकालिएको छ । फेला परेका शव गोरखाबाट काठमाडौंतर्फ आउँदै गर्दा सम्पर्कविहीन भएको बसका यात्रु हुन सक्ने प्रहरीले अनुमान गरेको छ । पहिरो पन्छाउने क्रममा झ्याप्ले खोलामा एउटा बस पुरिएको अवस्थामा फेला परेको थियो । अहिले बस निकाल्ने काम भइरहेको छ । सोही क्रममा शव फेला परेको हो । फेला परेको बस आधामात्रै देखिएकाले बस नम्बर पहिचान भइसकेको छैन । सशस्त्र प्रहरी, नेपाली सेना, नेपाल प्रहरीसहितको टोली उद्धारमा खटिएको छ । झ्याप्ले खोलामै हिजो दुई वटा बस पुरिएको अवस्थामा फेला परेका थिए । ती बसबाट हिजो १४ जनाको शव निकालिएको थियो । (अद्यावधिक गरिएको ।)
शेखर कोइरालाको प्रश्न– मन्त्री निवासनजिकै नागरिकले बचाउ बचाउ भन्दा नसुन्ने सरकार कहाँ छ ?
काठमाडौं । सत्तारुढ दल नेपाली कांग्रेसका नेता डा शेखर कोइरालाले विपद् व्यवस्थापन र नागरिकको जिउधनको सुरक्षा गर्ने कुरामा सरकार उदासिन देखिएको बताउनुभएको छ । कांग्रेसको सल्यान–काठमाडौं सम्पर्क समितिले शनिवार काठमाडौंमा आयोजना गरेको शुभकामना आदानप्रदान कार्यक्रममा उहाँले देशका प्रायः सबै राजमार्ग बन्द भएको प्रसङ्ग उल्लेख गर्दै सरकारको आलोचना गर्नुभएको हो । ‘राजधानी काठमाडौं उपत्यका र बाहिरी जिल्लाको सडक सम्पर्क टुटेको छ । जिल्ला सदरमुकामहरू सडक सम्पर्कबाट विच्छेद छन् । बस्तीहरू डुबानमा छन् । नागरिकहरू चरम सङ्कटमा छन् । तर सरकार कहाँ छ ?’ नेता कोइरालाले हेर्दाहेर्दै र देख्दादेख्दै राजधानीमै मान्छे बगाएको घटनालाई समेत सरकारले बेवास्ता गरेको आरोप लगाए । सरकार भनेको केवल कुर्सी र पदमात्रै नभएको बताउँदै उनले प्रश्न गर्नुभयो– ‘मन्त्री क्वार्टरकै छेउबाट नागरिकले बचाउ बचाउ भन्दै बगेको घटनाले राज्यलाई अलिकति पनि छोएन ?’ मौसम पूर्वानुमान महाशाखाले मिति नै तोकेर भारी वर्षा हुन्छ भनेपनि सरकार सजग नहुँदा ठूलो मानवीय क्षति भएको कोइरालाको भनाइ छ । सरकारको यो चरम लापरबाही रहेको उनले दाबी गरे । कोइरालाले यस विपत्तिको घडीमा उद्धारमा जुट्न पार्टीका हरेक तहका नेताहरूलाई आग्रहसमेत गर्नुभयो । अविरल वर्षासँगै आएको बाढीपहिरोमा परेर शनिवार साँझसम्म देशभर ६६ जनाको मृत्यु भएको छ । बिहीवारदेखि परेको अविरल वर्षापछि आएको बाढीपहिरोमा परेर ६९ जना बेपत्ता भएका छन् । सबैभन्दा बढी मानवीय क्षति काठमाडौं उपत्यकामा भएको छ । उपत्यकामा ३४ जनाको मृत्यु भएको छ भने २१ जना बेपत्ता भएका छन् ।
बेपत्ताको खोजी र पुनर्स्थापनाको काम युद्धस्तरमा अघि बढाउन प्रचण्डको आग्रह
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले विपत् व्यवस्थापनमा सरकार उदासिन देखिएको भन्दै बेपत्ताको खोजी, घाइतेको उपचार, पुनर्स्थापना र पुनर्निर्माणको कामलाई युद्धस्तरमा अघि बढाउन सरकारलाई आग्रह गर्नुभएको छ । उहाँले आज प्रेस वक्तव्यमार्फत यस्तो आग्रह गर्नुभएको हो । प्रस्तुत छ, वक्तव्यको पूर्ण पाठ केही दिनयताको अविरल वर्षाको कारण ठूलो जनधनको क्षति भएको छ । पछिल्लो विपद्मा मात्रै झण्डै एक सय बढी नागरिकको ज्यान गएको छ भने ठूलो संख्यामा बेपत्ता र घाइते भएका छन् । हजारौं नागरिक घरवारविहीन भएका छन् । बाढी र पहिरोका कारण व्यक्तिका निजी सम्पत्तिदेखि सार्वजनिक पूर्वाधारको क्षेत्रमा ठूलो क्षति भएको छ । राष्ट्र र जनताले भोग्नुपरेको यो क्षति र पीडाप्रति गहिरो दुःख व्यक्त गर्दछु । मृतकहरुप्रति भावपूर्ण श्रद्धाञ्जली अर्पण गर्दै घाइतेहरुको शीघ्र स्वास्थ्यलाभको कामना गर्दछु । अहिले पनि ठूलो संख्यामा नागरिक बेपत्ता भएकाले उनीहरुको खोजी गर्नु, घाइतेहरुको उपचार गर्नु, घरबारविहीन भएकाहरुलाई सुरक्षित गर्दै पुनस्र्थापनाको काम सुरु गर्नु पहिलो कर्तव्य हुनेछ । तत्काल बेपत्ता नागरिकको खोजी, घाइतेहरुको निःशुल्क उपचार र विस्थापितहरुलाई पुनस्र्थापनाका लागि सरकारको गम्भीर ध्यानाकर्षण गराउँदछु । भारी वर्षाको पूर्वाअनुमान हुँदाहुँदै पनि संभावित जोखिम पहिचान गरेर क्षति न्यूनीकरणका लागि सरकारले तत्काल पहलकदमी लिन नसकेकोप्रति दुःख व्यक्त गर्दछु । राजधानीमै उद्धारका लागि लामो समय प्रतिक्षा गर्दागर्दै बाढीमा बग्नुपर्ने जुन पीडादायी अवस्था देखियो, यसले जनताप्रति सरकारको चरम उदासीनता पुष्टि गर्दछ । अहिले पनि विभिन्न स्थानमा मुख्य राजमार्गसहित सडक, सञ्चार र विद्युतका पूर्वाधार क्षतिग्रस्त अवस्थामा छन् । नेपालीहरुका मुख्य पर्व दशैं तिहार नजिकिएकाले युद्धस्तरमा पुनर्निर्माणका काम थालेर सबै आधारभूत सेवा पूर्ववतरुपमा सञ्चालनका लागि तत्काल पहल अघि बढाउन सरकारको गम्भीर ध्यानाकर्षण गराउँदछु । हाम्रो पार्टीका सम्बन्धित क्षेत्रमा रहनुभएका सबै नेता कार्यकर्ता साथीहरु उद्धार र पुनस्र्थापनाको काममा लागिरहनुभएको छ । उहाँहरु सबैलाई धन्यवाद दिंदै बेपत्ता नगारिकको खोजी, बिस्थापितहरुको पुनस्र्थापना, क्षतिग्रस्त संरचनाको पुनर्निर्माण लगायतका कार्यमा निरन्तर लाग्न पुनः निर्देशित गर्दछु ।