माेरङमा श्रीमानद्वारा श्रीमतीको हत्या
माेरङ । मोरङको रंगेलीमा आइतबार घरभित्र श्रीमती मृत फेला परेपछि श्रीमान् पक्राउ परेका छन् । रंगेली नगरपालिका– २, जलियाकी ३५ वर्षीया मोरमई मुर्मू आइतबार आफ्नो घरभित्रको कोठामा मृत फेला परेपछि श्रीमान् साइना मुर्मू अनुसन्धानका लागि पक्राउ परेका हुन् । मोरङ प्रहरी प्रवक्ता डिएसपी हरिनन्दन चौधरीका अनुसार आफ्नै घरभित्र श्रीमती मृत फेला परेको र स्थानीयले श्रीमानमाथि शंका गरेपछि अनुसन्धानका लागि नियन्त्रणमा लिइएको हो । तर प्रहरीकाे प्रारम्भिक अनुसन्धानमा पनि श्रीमान साइनाले हत्या गरेकाे रहस्य खुलेकाे छ ।
