तराईमा हुस्सु र तुवाँलो, पहाड–हिमालमा मौसम मुख्यतया सफा
काठमाडौं । मौसम पूर्वानुमान महाशाखाका अनुसार हाल देशमा कुनै उल्लेखनीय मौसम प्रणालीको प्रभाव छैन । तराई क्षेत्रका केही स्थानमा हुस्सु तथा तुवाँलो लागेको छ भने पहाडी र हिमाली भूभागमा मौसम मुख्यतया सफा रहेको छ । आज दिउँसो तराईका धेरै स्थानमा हुस्सु लाग्ने सम्भावना छ । कोशी प्रदेशका पहाडी–हिमाली भाग र गण्डकी प्रदेशका हिमाली क्षेत्रमा आंशिक बदली रहनेछ, बाँकी भागमा भने मौसम सफा रहने छ । राति पनि तराईका केही स्थानमा हुस्सु कायम रहनेछ । गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भागमा आंशिक बदली हुन सक्छ, अन्यत्र मुख्यतया सफा मौसम रहने पूर्वानुमान छ ।
