पार्टीको नाम यस्तो राखे रविन्द्र मिश्रले, चुनाव चिन्ह तराजु प्रस्ताव
काठमाडौं, फागुन १८ । पत्रकार रविन्द्र मिश्रको पहलमा गैर राजनीतिक पृष्ठभूमिका व्यक्तिहरु मिलेर खोल्न लागिएको नयाँ पार्टीको नाम जुराइएको छ । निर्वाचन आयोगमा दल दर्ता नभएपनि मिश्रले आफ्ना निकटतम सहयोगीहरुसँग छलफल गरेपछि पार्टीका नाम राखेका हुन । मिश्रको नयाँ पार्टीको नाम ‘साझा पार्टी’ राखिने बताइएको छ । मिश्रले चुनाव चिन्ह भने तराजुको प्रस्ताव गरेका छन् । मिश्रको पार्टीमा माओवादीबाट नयाँ शक्तिमा प्रवेश गरेका र पछि राजीनामा दिएका नेता मुमाराम खनाललगायत पूर्व प्रशासक, कर्मचारी, पत्रकार आदि सम्मिलित हुने चर्चा चलेको छ ।
