पूर्वमुख्यसचिव वैकुण्ठ अर्यालसँग ५० हजार धरौटी माग
काठमाडौं । भ्रष्टाचारको आरोप लागेका पूर्वमुख्यसचिव डा.बैकुण्ठ अर्यालसँग ५० हजार रुपैयाँ धरौटीमा मागिएको छ।आइतबार विशेष अदालतमा भएको थुनछेक बहसपछि उनीसँग ५० हजार रुपैयाँ धरौटी माग गरिएको हो। अन्तःशुल्क स्टिकर छपाइमा भ्रष्टाचार गरेको भन्दै अख्तियार दुरुपयोग अनुसन्धान आयोगले विशेष अदालतमा अर्यालसहित १२ जनाविरुद्ध मुद्दा दर्ता गरेको थियो। मुख्यसचिव हुँदा नै अर्यालमाथि भ्रष्टाचार मुद्दा दायर भएको हो । मुद्दा पर्नेमा उनीसँगै तत्कालीन आन्तरिक राजस्व विभागका महानिर्देशक रितेशकुमार शाक्य, भन्सार विभागका उपमहानिर्देशक टंकप्रसाद पाण्डे, विकल पौडेल, गणेशविक्रम साह, विष्णुप्रसाद गौतम, हरिबल्लभ घिमिरे, केशव शर्मालगायत छन्। उनीहरूविरुद्ध ३८ करोड ६७ लाख १७ हजार बिगो मागदाबी गरिएको छ ।
