तस्बिरमा हेर्नुस् टिट्वेन्टी विश्वकप क्रिकेटमा नेपालले लगाउने जर्सी
काठमाडौं । आइसिसी पुरुष टी-२० विश्वकप २०२६ का लागि नेपालले लगाउने जर्सी सार्वजनिक गरिएको छ । सोमबार साँझ काठमाडौंमा आयोजित विशेष कार्यक्रममा नेपाल क्रिकेट संघ (क्यान) ले नयाँ जर्सी अनावरण गरेको हो । भारत र श्रीलंकामा संयुक्त रूपमा आयोजना हुने यो प्रतियोगिताको दशौं संस्करण फेब्रुअरी ७ देखि मार्च ८ सम्म चल्नेछ । २० टिम सहभागी हुने यो प्रतियोगितामा कुल ५५ खेल हुनेछन् । भारतका पाँच र श्रीलंकाका तीन मैदानमा खेलहरू आयोजना हुनेछन् । नेपाल समूह ‘सी’ मा परेको छ । यो समूहमा नेपालसँगै इंग्ल्यान्ड, वेस्ट इन्डिज, बंगलादेश र इटाली छन् ।
