उपभोक्ता सुरक्षाका लागि रूपन्देहीमा १०१२ थान असुरक्षित एलपीजी सिलिन्डर नष्ट
रूपन्देही । सियारी गाउँपालिका–१ चिल्हियास्थित त्रिशूल ग्यास प्रालिमा १ हजार १२ थान एलपी ग्यास सिलिन्डर नष्ट गरिएको छ। उपभोक्ताको हितलाई मध्यनजर गर्दै प्रयोगमा असुरक्षित देखिएका सिलिन्डर आज नष्ट गरिएको प्रालिका प्रबन्धक देवीप्रसाद भुसालले बताए। त्रिशूल ब्रान्डको लोगो अङ्कित ती सिलिन्डरहरूलाई स्क्र्याप गर्ने निर्णयअनुसार नष्ट गरिएको भुसालले जानकारी दिए। उनका अनुसार २०७७ सालमा पनि एभरेस्ट ग्यास उद्योग अन्तर्गतको त्रिशूल ग्यास प्रालिले सोही ब्रान्डका १ हजार १५ थान सिलिन्डर नष्ट गरेको थियो।
