यूएईसामु नेपालद्धारा १६३ रनको लक्ष्य प्रस्तुत गर्यो
काठमाडौं । घरेलु मैदानमा जारी त्रिकोणात्मक टि २० आई सिरिजको उपाधिका लागि नेपालले यूएईसामु १ सय ६३ रनको लक्ष्य प्रस्तुत गरेको छ। त्यसका निम्ति नेपालका तर्फबाट ओपनर कुशल भुर्तेलको अर्धशतक प्रहार गरे । कीर्तिपुरस्थित त्रिवि क्रीकेट मैदानमा यूएईले टस जितेर फिल्डिङ रोजेपछि ब्याटिङ गरेको नेपालले निर्धारित २० ओभरमा ८ विकेटको क्षतिमा १ सय ६२ रनको योगफल तयार पारेको हो। कुशलले २९ बलमा ६ चौका र ३ छक्का प्रहार गर्दै अर्धशतक पूरा गर्दा जहुर खानको बलमा बोल्ड आउट भए। अर्का ओपनर आशिफ ७ शेख रनमा बोल्ड आउट भए। दिपेन्द्र सिंह ऐरि २० र कप्तान रोहित पौडेल १८ रन थपे। सन्दिप जोराले १० रन थपे। कुशल मल्ल १ रनमा बोल्ड आउट भए। गुलसन झा ५ रनमा क्याच आउट भए। सोमपाल कामी १२ रनमा बोल्ड आउट भए। करण केसी २३ र अविनास बोहोरा शुन्य रनमा नटआउट रहे। यूएईका लागि आयान अफ्जल खानले ३ विकेट लिए। अलि नसिर र जहुर खानले समान २ विकेट लिए। जुनैद सिद्धिकीले १ विकेट आफ्नो नाममा गरे। यसअघि सिरिजका दुवै खेलमा यूएईमाथि जित निकालेको नेपालले ह्याट्रिक गर्न चाहन्छ।
