पार्टी फुटाउने होइन, सुधार गर्ने समय होः हितमान शाक्य

काठमाडौं । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)ले बिहीबारको प्रतिनिधिसभा बैठक बहिस्कार गरेका छन् ।  भिजिट भिसा प्रकरणमा संसदीय विशेष छानबिन समिति वा उच्चस्तरीय न्यायिक छानबिनको माग पूरा नभएको भन्दै दुवै दलले यो कदम चालेका हुन् । सभामुख देवराज घिमिरेले बैठक सुरु भएको जानकारी गराएलगत्तै रास्वपा र राप्रपाका सांसदहरूले उठेर विरोध जनाए । रास्वपाकी सचेतक निशा डाँगीले सरकारले दोहोरो मापदण्ड अपनाएको आरोप लगाइन् । त्यस्तै, राप्रपाकी सांसद अनिसा नेपालीले भारत र चीनबीच लिपुलेक समेटिएको सम्झौताप्रति आपत्ति जनाउँदै भिजिट भिसा प्रकरणमा छानबिन समिति नबनाएसम्म सदन बहिस्कार गर्ने बताइन् । विरोधपछि दुवै दलका सांसदहरू बैठक कक्षबाट बाहिरिए । रास्वपा र राप्रपाले गत जेठ १३ गतेदेखि भिजिट भिसा प्रकरणमा छानबिनको माग गर्दै सदनमा विरोध जारी राखेका छन् ।

काठमाडौं । नेपाल कम्युनिस्ट पार्टी (माओवादी केन्द्र) का उपमहासचिव जनार्दन शर्माले पार्टी विभाजनको हल्ला खारेज गरेको बताएका छन् ।  स्थायी समितिको आज तेश्रो दिन जारी बैठकमा बोल्दै नेता शर्माले आफूमाथि पार्टी फूटको आरोप लगाईएको भन्दै असन्तुष्टि व्यक्त गरे ।  उनले भने, ‘म पार्टी छोडेर जान्न, फूटको हल्ला खारेज गर्छु ।’ आफूले पार्टीलाई बलियो बनाउन खोजको जिकिर गर्दै उनले विभाजनको कसरत नगरेको र फुटाउँछु समेत नभनेको तर्क गरेका छन् । बैठकमा बोल्ने अधिकाँसले उनको आलोचना गरेका छन् । आफैँ सरकारमा रहेको बेला बजेटमार्फत किसान पेन्सनको कार्यक्रम ल्याईएको बताउँदै शर्माले त्यसलाइ निरन्तरता नदिइएको बताए । पार्टीको जनमत घटेको कारण खोज्नुपर्नेमा जोड दिँदै शर्माले यसका लागि अध्यक्षले जिम्मा लिनुपर्ने बताए । अध्यक्षले लिएपछि म पनि आत्मालोचना गर्न तयार छु । उनले भने।    यही साउन १६ गतेदेखि पार्टी केन्द्रीय कार्यालय पेरिसडाँडामा चलिरहेको बैठकमा हिजो पदाधिकारी, अनुशासन आयोग र स्थायी समिति सदस्य गरी २५ जनाले धारणा राखेका थिए ।