बाढी पीडितकाे पक्षमा काम गर्ने प्रचण्डकाे प्रतिवद्धता
सिमरा, भदौ २४ । नेकपा माअाेवादी केन्द्रका अध्यक्ष प्रचण्डले तराई मधेशका बाढी पीडितका पक्षमा काम गर्ने प्रचण्डकाे प्रतिवद्धता जनाएका छन् । शनिबार बिहान सिमरा-२३ मा अायाेजित चुनावी सभामा बाेल्दै प्रचण्डले भने, “म चुनावी अभियानमा मात्र छैन, बाढी पीडितकाे अवस्था, क्षति, राहत र पूनर्स्थापनाका लागि पनि क्रियाशील छु। तपाईहरुकाे यहाँकाे अवस्था पनि म निरीक्षण गर्नेछु। हामीले बाढी पीडितका लागि प्याकेज बनाउन मैले सरकारलाई भनिरहेकाे छु, यसका लागि माअाेवादी केन्द्रले विशेष भूमिका खेल्नेछ।” “माअाेवादी केन्द्र मात्रै देशकाे मुक्तिकाे एक मात्र पार्टी हाे, अार्थिक विकास र समृद्धिकाे पार्टी हाे”, प्रचण्डले भने, “मधेशकाे मुक्ति चाहने पार्टी माअाेवादी नै हाे। मेराे मधेश र मधेशी जनतासँग प्रेम थियाे। तर, बीचमा भिलेन अाएर मेराे प्रेमिकालाई झुक्याउन खाेज्याे। प्रेमिका भ्रममा परिनँ। अहिले भिलेनकाे भ्रम खत्तम भएकाे छ। मधेश र मधेशी जनताकाे प्रेमी प्रचण्ड र माअाेवादी नै हाे भन्ने जनताले बुझेका छन्।”
