माओवादी र एमालेबीच ६०/४० को अनुपातमा चुनाबी तालमेल, ५ बजे पत्रकार सम्मेलन
काठमाडौं, असोज १७ । नेकपा माओवादी र नेकपा एमालेबीच आगामी निर्वाचनमा ६० र ४० को अनुपातमा आ–आफ्नै चुनाब चिन्हमा चुनाबी प्रतिस्पर्धा गर्ने सहमति भएको छ । यसको औपचारिक घोषणाका लागि साँझ ५ बजे पत्रकार सम्मेलन गरिने बताइएको छ । मंगलबार विहान भएको दुई दलका शीर्ष नेताहरुको बैठकले मंसिरमा हुने निर्वाचनमा आ–आफ्नै चुनाब चिन्हमा लिएर प्रतिस्पर्धा गर्ने सहमति भएको हो । साथै निर्वाचनमा ६० प्रतिशत स्थानमा एमाले र ४० प्रतिशत स्थानमा माओवादीले प्रतिस्पर्घा गर्ने गरी चुनाबी तालमेल समेत भएको नेता प्रकाश दाहालले एभरेष्ट दैनिकलाई बताए । दुई दलबीच भएको सहमति र आगामी कार्यक्रमका विषयमा जानकारी दिनका लागि आज साँझ ५ बजे राजधानीको कमलादीमा रहेका प्रज्ञा प्रतिष्ठानमा पत्रकार सम्मेलन हुने पनि नेता दाहालले जानकारी दिए । माअाेवादी र एमालेबीच मंसिरमा हुने निर्वाचनमा चुनाबी तालमेल गर्ने र अन्ततः पार्टी एकता गर्ने गरी पछिल्लो समय गम्भीर छलफल भईरहेको छ ।
