चुनाव बहिष्कार गर्ने विप्लव पार्टीको घोषणा
सर्लाही, चैत १७ । नेपाल कम्युनिष्ट पार्टीका महासचिव नेत्रविक्रम चन्द ‘बिप्लव’ले स्थानीय तहको निर्वाचन वहिष्कार गर्ने घोषणा गरेका छन् । सर्लाहीको हजरियामा बिहीबार एक कार्यक्रमलाई सम्वोधन गर्ने क्रममा महासचिव बिप्लवले आगामी वैशाख ३१ गते हुने स्थानिय तहको चुनावलाई आफ्नो पार्टीले प्रतिकार गर्ने बताएका हुन् । संसदीय व्यवस्थालाई आफूहरुले स्वीकार गर्न नसकिने बताउँदै नेता चन्दले संसदीय व्यवस्थालाई हटाई मुलुकलाई वैज्ञानिक साम्यवादी व्यवस्थामा लानुपर्ने तर्क दिएका थियो । जनआन्दोलनको भावना विपरीत गएको भन्दै माओवादी केन्द्रका अध्यक्ष पुष्पकमल दाहाल ‘प्रचण्ड’ र नयाँ शक्ति नेपालका संयोजक डा. बाबुराम भट्टराईलाई आरोप लगाउन समेत भ्याए । पुराना कम्युनिष्ट नेता चित्रबहादुर आलेको निजी आवास शिलान्याश गर्न विप्लव समूहका नेताहरु बिहीबार सर्लाही पुगेका थिए ।
