पहिलो पटक दीपेन्द्रलाई मौका
२३ फागुन, २०७३
काठमाडौं, फाल्गुन २३ । दीपेन्द्रसिंह ऐरीलाई समेट्दै नेपालले केन्यासँग हुने विश्व क्रिकेट लिग च्याम्पियनसिपका लागि आइतबार १४ सदस्यीय अन्तिम टोलीको घोषणा गरेको छ । पारस खड्काको कप्तानीमा नेपालले केन्यासँग आउने शनिबार र सोमबार त्रिवि क्रिकेट मैदान कीर्तिपुरमा खेल्दैछ । छनोट भएका खेलाडीमा पारस खड्का (कप्तान), ज्ञानेन्द्र मल्ल, आरिफ शेख, महबुब आलम, करण केसी, आसिफ शेख, सागर पुन, शरद भेषावकर, शक्ति गौचन, अविनाश कर्ण, सोमपाल कामी, सुनील धमला, दीपेन्द्र, वसन्त रेग्मी, विनोद भण्डारी र सन्दीप लामिछाने छन् । दिलीप नाथ, भुवन कार्की, अविनाश कर्ण र राजेश पुलामीलाई वैकल्पिकमा राखिएको छ । तेस्रो चरणको छनोटमा १९ खेलाडीमा समेटिएका आशिफ शेख वैकल्पिकमा पनि छैनन् । नेपालले अगस्टमा नेदरल्यान्ड्ससँग च्याम्पियनसिपमा पछिल्लो पटक खेलेको थियो । त्यसयता नेपाल पहिलो पटक अन्तर्राष्ट्रिय क्रिकेट खेल्न लागेको हो । नेदरल्यान्ड्स गएको टोलीका राजु रिजाल, राजेश पुलामी, विक्रम सोब र अनिल मण्डल यसपटक अन्तिम टोलीमा परेका छैनन् । राजु ३५ सदस्यीय टोलीमै थिएनन् । विक्रम र अनिल ३५ पछि अटाएनन् । महबुब र आरिफले राष्ट्रिय टोलीमा फर्किने मौका पाएका हुन् । २०१५ को नोभेम्बरमा पपुवा न्युगिनीसँगको च्याम्पियनसिप खेलपछि भेट्रान महबुब राष्ट्रिय टोलीमा फर्किएका हुन् । दीपेन्द्र र आरिफ दुवैले गत वर्ष बंगलादेशमा भएको आईसीसी यू–१९ विश्वकपमा राम्रो प्रभाव पारेका थिए । चार महिनाअघि दीपेन्द्रले श्रीलंकामा भएको एसीसी यू–१९ एसिया कपमा पनि राम्रो प्रभाव पारेका थिए । आरिफले २०१५ को जनवरीमा नामिबियामा भएको विश्व क्रिकेट लिग डिभिजन २ मा ‘डेब्यु’ गरेका थिए । त्यसयता उनी पहिलो पटक राष्ट्रिय टोलीमा समेटिएका हुन् । दीपेन्द्र र आरिफसँगै गतवर्ष यू–१९ विश्वकप खेलेका सुनील धमलाले राष्ट्रिय टोलीबाट डेब्यु गर्ने प्रबल सम्भावना छ । उनले उपकप्तान ज्ञानेन्द्र मल्लसँग मिलेर ओपनिङमा ब्याटिङ गर्ने लगभग निश्चित जस्तै देखिएको छ । केन्यासँगको खेलको अन्तिम तयारीका लागि नेपालले दिल्लीमा अभ्यास खेल खेलेको थियो । त्यहीं गरेको प्रदर्शनका आधारमा नेपाली टोलीको अन्तिम छनोट गरिएको हो । नेपालले दिल्लीमा ३ अभ्यास खेल खेलेको थियो । अन्तर्राष्ट्रिय क्रिकेट परिषद् (आईसीसी) ले नियुक्त गरेको छनोट समितिले खेलाडी छनोट गरेको नेपाली क्रिकेटका टेक्निकल एनालिस्ट रमन सिवाकोटीले प्रेस विज्ञप्तिमार्फत जनाएका छन् । छनोट समितिमा आईसीसी प्रतिनिधि वैंकटपति राजु, राष्ट्रिय टोलीका प्रशिक्षक जगत टमाटा र कप्तान पारस छन् । कप्तान पारस अस्वस्थ भएकाले भारत गएका थिएनन् ।
फेसबुकमा महिला ठगी गर्ने प्रकाउ
२३ फागुन, २०७३
दुग्ध किसान समाजद्वारा प्रधानमन्त्रीलाई सम्मान
२३ फागुन, २०७३
मेची–महाकाली अभियानमा मोर्चाको अबरोध, यातायात ठप्प
२३ फागुन, २०७३
‘धर्मको नाममा राजनीति गर्न पाईदैन’
२३ फागुन, २०७३
विद्युत् हुकिङ गर्दा करेन्ट लागेर मृत्यु
२३ फागुन, २०७३
एमालेमा जनलहर देखेर अरू दल आत्तिएः ओली
२३ फागुन, २०७३
विमानसम्बन्धि सूचना पाँच दिनभित्र दिन निर्देशन
२३ फागुन, २०७३
सुन तस्करी गरेर भरियाबाट करोडपति
२३ फागुन, २०७३
एमालेको अभियानमा अवरोध नगर्न आयोगको आग्रह
२३ फागुन, २०७३
एमालेको मेची महाकाली अभियानलाई विथोल्दै मोर्चा
२३ फागुन, २०७३
बढुवा सुरुसँगै सशस्त्र प्रहरीमा चर्को विवाद
२३ फागुन, २०७३
पोलियो खोप रोक्ने १८ कर्मचारी निलम्बनमा
२३ फागुन, २०७३
तस्करलाई सोधेर मात्र बिदामा बस्थे भन्सारका कर्मचारी
२३ फागुन, २०७३
जापानमा भएको हेलिकोप्टर दुर्घटनामा तीनको मृत्यु
२२ फागुन, २०७३