कलाकार अोम पुरीको निधन, बलिउड शोकमग्न
एजेन्सी । बलिउडका चर्चित कलाकार ओम पुरीको निधन भएको छ । ६६ वर्षीय पुरीको आज विहान ह्दयघातको कारण निधन भएको भारतीय सञ्चारमाध्यमहरुले जनाएको छ । उनको मृत्युको खबरले पुरै बलिउड शोकमा डुवेको छ । भारतीय प्रधानमन्त्री नरेन्द्र मोदीदेखि बलिउडका निर्देशक, कालकार र उनको फ्यान हरुले सामाजिक सञ्जाल ट्वीटरमा पुरीको निधनको शोक व्यक्त गरेका छन् । कलाकार अनुपम खेरले ट्वीट गर्दै अोम पुरीको निधनप्रति शोक व्यक्त गरेका छन्। सन् १९५० मा हरियाणामा ओमपुरीको जन्म भएको थियो । ‘अर्द्ध सत्य’, ‘जाने भी दो यारों’, ‘नसूर’, ‘मेरे बाप पहले आप’, ‘देहली ट’, ‘मालामाल वीकली’, ‘डॉन’, ‘रंग दे बसंती’, ‘दीवाने हुए पागल’, ‘क्यूँ १ हो गया ना’, ‘काश आप हमारे होते’ और ‘प्यार दीवाना होता है’ जस्ता सयौं चलत्रिमा उनले दमदार अभिनय गरेका छन् ।
