न्यानो बाढ्दै जीवन आचार्य
मोरङ । कोशी प्रदेशका पूर्वमन्त्री तथा माओवादी केन्द्रका सांसद जीवन आचार्यले चिसो मौसम शुरु भएपछि आफ्नो निर्वाचन क्षेत्रका वस्ति बस्तिमा पुगी न्यानो वितरण गर्दै आएका छन् । उनले चिसो र सितलहरका कारण समस्या नहोस् भनेर पाँच सय जनालाई कम्बल वितरण गरिसकेका छन् । शितलहरबाट बच्न उनले निर्वाचन क्षेत्र मोरङ–६(क)को ५ र बुढीगंगा–७ का पाँच सय जनालाई कम्बल वितरण गरेका छन् । निर्वाचन क्षेत्रमा विकासका परियोजना, विद्युतीय समस्या समाधान, जनताका गुनासाको सम्बोधन गर्दै आएका उनले सांसदको तलब भत्तालगायतका सुविधाको रकम निर्वाचन क्षेत्रमा खर्च गरेका हुन् । केही समय कोशी प्रदेशको मन्त्री हुँदा पनि उनले विकासका योजनालगायत जनताका गुनासालाई निरन्तर सम्बोधन गर्दै आइरहेका थिए ।
