आर्थिक रुपमा कमजोर वायुसेवा निगमको अवस्था अध्ययन गर्न समिति गठन
काठमाडौं । सरकारले राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) को संरचनागत र व्यवस्थापकिय पक्षको अध्ययन गर्न समिति गठन गरेको छ । संस्कृति, पर्यटन तथा नागरिक उड्यनमन्त्री सुदन किरातीका अनुसार नेपाल राष्ट्र बैंकका पूर्वगभर्नर दिपेन्द्रवहादुर क्षेत्रीको अध्यक्षतामा पाँच सदस्यीय समिति गठन गरिएको हो । समितिमा ओम गुरुङ्ग (क्याप्टेन) टिकाराम राई (सञ्चारकर्मी), पियस आनन्द (वरिष्ठ चार्टड एकाउन्टेन्ट) र सहारा न्यौपाने रहेका छन् । निगमको संरचनागत र व्यवस्थापकीय पक्षको अध्ययन गरी सिफारिस गर्न अध्ययन समितिले अध्ययन प्रतिवेदन तयार गरी मन्त्रालयमा पेश गर्नेछ । आर्थिक रुपमा निक्कै कमजोर रहेको निगमले जहाज खरिदबापतको करिब ५० अर्ब ऋणभार बहन गरिरहेको छ ।
