जेनजी प्रदर्शनमा प्रहरीको गोली लागेर कम्तिमा १६ जनाको मृत्यु
काठमाडौं । जेनजी प्रदर्शनमा प्रहरीले अत्यधिक बल प्रयोग गर्दा ज्यान गुमाउनेको संख्या कम्तिमा १६ जनाको मृत्यु भएको छ । सयौँ घाइते भएका छन् । काठमाडौंको नयाँ बानेश्वर क्षेत्रमा प्रहरीले अत्यधिक बल प्रयोग गर्दा मृत्यु हुनेको संख्या १६ पुगेको हो । ट्रमा सेन्टरमा मात्रै ६ जनाको मृत्यु भएको अस्पतालले पुष्टि गरेको छ। त्यस्तै एभरेस्ट अस्पतालमा ५ जनाको मृत्यु भएको छ। यो सहित उपचारका लागि सिभिल अस्पतालमा पुर्‍याइएका मध्ये ३ प्रदर्शनकारीको मृत्यु भएको अस्पताल प्रशासनले जानकारी दिएको छ। त्यस्तै काठमाडौँ मेडिकल कजेलमा १ जना जनाको मृत्यु भएको छ। त्यस्तै टिचिङ अस्पतालमा १ जनाको मृत्यु भएको अस्पतालका प्रवक्ता डा गोपाल सेडाइँले जानकारी दिएका छन् ।
