प्रचण्डलाई खुमलटारमा स्थानीयबाट स्वागत(तस्बिर)
काठमाडौं ।नेकपा(माओवादी) केन्द्रका अध्यक्ष तथा प्रधानमन्त्री पुष्पकमल दाहाल ‘प्रचण्ड’ निजी निवास सरेका छन्। संसद्मा विश्वासको मत नपाएका प्रचण्डले शुक्रबार नै बालुवाटार छाडेका हुन् । उनी संसद्बाट विश्वास राष्ट्रपति कार्यालय शीतलनिवास गएका थिए। त्यहाँबाट उनी सिधैँ खुमलटार लागेका हुन् । उनलाई खुमलटारमा स्थानीय संघसंस्थाका प्रतिनिधि तथा कान्तिनगर टोल विकास समितले स्वागत गरेको सचिवालयले जनाएको छ। राष्ट्रपति रामचन्द्र पौडेलले नेपालको संविधानको धारा ७७ को उपधारा ३ बमोजिम अर्को मन्त्रिपरिषद् गठन नभए सम्म प्रधानमन्त्री प्रचण्डको मन्त्रिपरिषद्ले कार्य सञ्चालन गर्ने गरी तोकेका छन् ।
