अवैधरुपमा काममा लगाइएको कमलरी बालिकाको उद्धार गर्न माग
३१ जेठ, २०७५
कञ्चनपुर । कञ्चनपुरका मुक्त कमलरीहरुले अवैधरुपमा काममा लगाइएका कमलरीको उद्धार गर्न माग गरेका छन् । मुक्त कमलरी विकास मञ्चमा आबद्ध मुक्त कमलरीले अवैधरुपमा घरेलु कामदारका रुपमा राखिएका कमलरी बालिकाहरुको उद्धार गर्न माग गरेका हुन् । “सरकारले कमलरी प्रथाको अन्त्यको घोषणा गरेपनि केही मालिकहरुले अवैधरुपमा घरमा राखेका छन् ” मञ्चका उत्प्रेरक अञ्जु चौधरीले भन्नुभयो, “सरकारले घरमा कमलरी राख्न नपाउने गरी कानूनी व्यवस्था गरेको छ तर पनि अझै कमलरी बालिका मालिकको घरबाट मुक्त हुन सकेका छैनन् ।” मञ्चका अनुसार कञ्चनपुरमा हाल छजना मुक्त कमलरीले मालिकका घरमा काम गर्दै आएका छन् । मञ्चले उनीहरुलाई छिटोभन्दा छिटो उद्धार गर्न माग गरेको हो । गैर कानूनीरुपमा राखिएका मुक्त कमलरीलाई उद्धार गर्न प्रशासन कार्यालयमा समेत दबाब दिइएकामा प्रमुख जिल्ला अधिकारी कुमारबहादुर खड्काले छिटो उद्धार गर्ने आश्वासन दिएको मुक्त कमलरी विकास मञ्चका उत्प्रेरक चौधरीले बताउनुभयो । मञ्चका अनुसार बेलौरी नगरपालिकामा ४ र बेदकोट नगरपालिकाको लालपुरबाट एकजना कमलरी उद्धारको सूचीमा छन् । केही दिनअघि मञ्चले भीमदत्त नगरपालिका वडा नं २ महोलियाबाट एक कमलरीको उद्धार गरेको थियो । उक्त मञ्चले सबै मुक्त कमलरीलाई छिटो परिचयपत्र उपलब्ध गराउनुपर्ने माग गर्दै भूमि सुधार कार्यालयमा ज्ञापनपत्र पनि दिएको छ । मञ्चले ९०० कमलरीलाई परिचयपत्र दिन माग गरेको हो । रासस
४० प्रतिशतले हवाई यात्रा गर्ने घटे
३१ जेठ, २०७५
छतबाट खसेर सहचालकको मृत्यु
३१ जेठ, २०७५
श्रीमानको हत्या गरी श्रीमती फरार
३१ जेठ, २०७५
गुड्दागुड्दै अटोरिक्सामा आगलागी
३१ जेठ, २०७५
हरि र रामविचको रमाइलाे कुराकानी
३१ जेठ, २०७५
चरेशसहित एक पक्राउ
३१ जेठ, २०७५
आधुनिक दासता र गरिबीविरुद्ध नयाँ कार्यक्रम
३१ जेठ, २०७५
घुस्याहा इञ्जिनियर र प्राविधिक बर्खास्त !
३१ जेठ, २०७५
फेरी विवादमा तानिइन् सनी
३१ जेठ, २०७५
नगर कार्यपालिकामा अख्तियारको छापा
३१ जेठ, २०७५