छुर्पीको मूल्यमा गिरावट, जापान र अमेरिका निर्यात हुन छाड्यो
७ फागुन, २०७४
इलाम, फागुन ७ । छुर्पीको मूल्यमा गिरावट आएपछि इलामका व्यापारी तथा किसान मारमा परेका छन् । जापान, अमेरिकालगायतका मुलुकमा निकासी हुने गरेको छुर्पीबाट मनग्य आम्दानी गर्दै आएका व्यवसायीहरु मूल्यमा गिरावट आएपछि मारमा परेका हुन् । अमेरिका, जापान जस्ता देशमा कुकुरलाई खुवाउन प्रतिमहिना तीन टन नेपालको छुर्पीको माग हुने गरेको थियो । विगतमा यसको माग धान्न नै धौ–धौ पर्ने गरेका डेरी उद्योगलाई अहिले भने सुक्खा लागेको छ । हिमालय डक च्यु कलेक्सन सेन्टर काठमाडौं र सिल्भर लिंक आइएनसी प्रालि कलेक्सन सेन्टर काठमाडौंले इलामको छुर्पी खरिद गरेर निकासी गर्दै आएका थिए । उनीहरुले केही महिनाअघिसम्म प्रतिकेजी एक हजार रुपैयाँले छुर्पी खरिद गर्ने गरेका थिए । तर अहिले छुर्पीको मूल्य घटेर प्रतिकेजी ७ सय रुपैयाँमा झरेको छ । नेपालको छुर्पी गुणस्तरहीन भएको भन्दै अमेरिका र जापानले लिन आनाकानी गर्न थालेपछि मूल्यमा गिरावट आएको हो । छुर्पी खाएपछि कुकुरको रौं झर्ने, विरामी हुने जस्ता समस्या देखा परेको भन्दै अमेरिका, जापान जस्ता देशले नेपालको छुर्पी लिन नमानेकाले केही समय अघिबाट छुर्पी निकासीमा समस्या आएको व्यापारीहरुको भनाइ छ । बजारीकरणमा प्रतिस्पर्धा भएपछि व्यापारीले गुणस्तरहीन छुर्पीसमेत संकलन गरी निकासी गरेकाले मागमा गिरावट आएकोे इलामका छुर्पी ब्यापारी ईश्वरी अधिकारीले जानकारी दिए । इलाममा ५६५ वटा दुग्द्यजन्य डेरी, चिज उद्योग दर्ता रहेको घरेलु तथा साना उद्योग विकास समितिले जनाएको छ ।
एउटै फुटबल खेलमा १० वटा रातो कार्डको कीर्तिमान
७ फागुन, २०७४
स्थानीय तहका कानून राजपत्रमा प्रकाशित
७ फागुन, २०७४
आहार र बासस्थान संकटमा परेपछि हराउन थाले गिद्ध
७ फागुन, २०७४
आज प्रजातन्त्र दिवस, टुँडीखेलमा विशेष कार्यक्रम
७ फागुन, २०७४
स्थानीय तहका लागि ३० नमुना कानुन् तयार
७ फागुन, २०७४
कांग्रेस संसदीय दलमा देउवासँग भिड्दै सिंह
७ फागुन, २०७४
त्रिविमा सेमेस्टर सिस्टम कि फि उठाउने सिस्टम ?
७ फागुन, २०७४
संघीय संसदमा ३४ प्रतिशत महिला
७ फागुन, २०७४
टी-ट्वेंटी क्रिकेट म्याच: जीत भारतको पोल्माटा
७ फागुन, २०७४