दुई साताभित्र नयाँ सरकार बन्छ : नेता राई
१० पुष, २०७४
काठमाडौँ, पुस १० । नेकपा एमालेका नेता शेरधन राईले दुई साताभित्र नयाँ सरकार बन्ने बताउनुभएको छ । रिपोर्टर्स क्लब नेपालले आज यहाँ आयोजना गरेको साक्षात्कारमा नेता राईले सहमतिमा अध्यादेशको विवाद टुङ्गो लागेर निर्वाचनको सम्पूर्ण नतिजा आएपछि दुई साताभित्र नयाँ सरकार बन्ने बताउनुभएको हो । “राष्ट्रपतिलाई विवादमा ल्याउने काम वर्तमान सरकारले गरेको छ, राजनीतिक सहमतिमा अध्यादेश टुङ्गो लगाउनुपर्छ”, उहाँले भन्नुभयो । राष्ट्रियसभा गठन अध्यादेशबारे पार्टीभित्र भएको सहमति काँग्रेसले तोडेको उहाँको भनाइ थियो । नेता राईले मुलुकलाई स्थिर, सुशासन र शान्तिको बाटोमा लैजान जनताले वाम गठबन्धनलाई बहुमत दिएको भन्दै नेकपा (एमाले)का अध्यक्ष केपी शर्मा ओलीको नेतृत्वमा नयाँ सरकार बन्ने स्पष्ट पार्नुभयो । पूर्वमन्त्री राईले नेकपा (एमाले) र नेकपा (माओवादी केन्द्र) बीच पार्टी एकताबारे छलफल अगाडि बढिसकेको भन्दै पार्टी नेतृत्व कसले गर्ने भन्नेबारे समझदारीमा निर्धारण हुने स्पष्ट पार्नुभयो । प्रदेश नं १ को मुख्यमन्त्रीका रुपमा समेत हेरिनुभएका नेता राईले उक्त प्रदेशमा भएका प्राकृतिक सम्पदाको प्रयोग गरेर नमूना प्रदेश बनाउने बताउनुभयो । “प्रदेश नं १ को विकासका लागि मैले गुरुयोजनासमेत बनाइसकेको छु”, उहाँले भन्नुभयो ।
फेशन आइडलको उपाधि रुस्मिता र सुशान्तलाई
१० पुष, २०७४
जानिराखौं महले बढाउँछ यौन क्षमता
१० पुष, २०७४
चलचित्र ‘ह्याप्पी डेज’ को ट्रेलर सार्वजनिक
१० पुष, २०७४
धुलिखेलमा पर्यटकका लागि प्याकेज
१० पुष, २०७४
धान उत्पादनमा कमी
१० पुष, २०७४
विमानस्थलको जग्गा सम्याउने काम तीव्र गतिमा
१० पुष, २०७४
जनादेशभित्र वाम आदेश पनि छ : श्रेष्ठ
१० पुष, २०७४
ग्यास उद्योग जोखिममा
१० पुष, २०७४