काठमाडौं, असार १०।  एनसेल प्राइभेट लिमिटेडसँगको सहकार्यमा हुवावे टेक्नोलोजिज्ले एनसेलको डेटा सेवा बण्डलिङ्ग र विषेश रुपमा डिजाइन गरिएको पि टेन प्लस क्यामरा लेन्स किट उपहार सहित आफ्नो नयाँ पि टेन प्लस स्मार्टफोन  नेपाली बजारमा सार्वजनिक गरेको छ । विश्व प्रसिद्घ क्यामेरा उत्पादक लेइकासँगको सहकार्यमा उत्पादन गरिएको पि टेन प्लस एक स्टाइलिस र आधुनिक स्मार्टफोन हो जसले व्यावसायिक स्टुडियोको जस्तो क्यामरा इफेक्टस् दिंदै फोटोलाई अझै राम्रो बनाउँछ । नवीन प्रविधिको नमुनाको रुपमा यसमा हुवावे सुपरचार्ज जस्ता विषेशता रहेका छन् जसले पि टेन प्लसलाई सबै भन्दा एडभान्स फोटोग्राफी स्मार्टफोन बनाएको छ । एनसेल र हुवावेबीचको डिभाइस र डेटा सेवा बण्डलिङ्ग साझेदारी अन्तर्गत पि टेन प्लस स्मार्टफोन खरिद गर्ने ग्राहकहरुले हरेक महिना एनसेलको १ जिबि डेटा १० महिनासम्म निःशुल्क पाउँनेछन् । यो सहकार्यले ग्राहकलाई विषेश लाभ सुनिश्चित गर्दै उनीहरुलाई उत्कृष्ट डेटा सेवाको अनुभव प्रदान गर्ने विश्वास एनसेल र हुवावेले लिइएको छ । नेपालको अग्रणी जिएसएम मोबाइल सेवा प्रदायक कम्पनी एनसेलसँग सहकार्य गरी आफ्नो अत्याधुनिक स्मार्टफोन किन्ने ग्राहकलाई निःशुल्क एनसेलको डेटाका प्रदान गर्न पाएकोमा आफु खुसि रहेको हुवावे टेक्नोलोजिज्ले बताएको छ । हुवावेले पि टेन प्लसका ग्राहकका लागि ३ महिना अवधि रहेको मोबाइल डिस्प्ले स्क्रिन बिमा, काठमाडौंमा डोर टु डोर र भिआइपी टु आवर आफ्टर सेल्स सर्भिस लगायतका विषेश सुविधाहरु प्रदान गरेको छ । बण्डलिङ्ग अन्तर्गतको डेटाको सेवाको मजा लिन हुवावे पि टेन प्लस ग्राहकले उतm मोबाइलमा एनसेलको सिम राखी अंग्रेजीमा एनसेल टाइप गरी १७१०० मा एसएमएस पठाउनु पर्नेछ । त्यस पश्चात ग्राहकले अफर अन्तर्गतको डेटा पाउने र फोरजी लगायतको दु्रत गतिको इन्टरनेट सेवाको मजा लिदै आफ्ना कार्यहरु उच्च गतिमा गर्न सक्नेछन् । एनसेलले जेठ १८ बाट काठमाडौं उपत्यका, नगरकोट, बनेपा र धुलिखेलमा फोरजी सेवा सुचारु गरिसकेको छ । साथै, कम्पनीले सन् २०१७ को अन्त्य सम्ममा कुल जनसंख्याको १५ प्रतिशतमा फोरजी पु¥याउने लक्ष्य लिई कार्य गरिरहेको । कम्पनीले आफ्नो ‘इन्टरनेट सबैका लागि’ थिम अन्र्तगत ग्रामिण र दुर्गम क्षेत्रमा रहेका ग्राहकलाई उच्च गतिको मोबाइल ब्रोडव्याण्डमा पहुँच सुनिश्चित गर्नका लागि थ्रिजी नेटवर्कको विस्तार पनि गर्दैछ । ‘‘हामीले मोबाइल ब्रोडब्याण्डमा ग्राहकको पहुँच बढाउदै डिजिटल नेपाल निर्माणको परिकल्पनालाई साकार बनाउन योगदान पुर्याउने प्रतिबद्घता बमोजिम अबको ६ महिनामा कुल जनसंख्याको १५ प्रतिशतमा फोरजी सेवा उपलब्ध हुने गरी फोरजी नेटवर्कको विस्तार गर्दैछौ र थ्रिजी सेवाको पहुँच पनि एक वर्षमा दोब्बर बनाउदै कुल जनसंख्याको ६० प्रतिशतमा पुर्याउँदै छौं । मोबाइल ब्रोडव्याण्ड र ग्राहक अनुभवमा मोबाइल डिभाइसले महत्वपुर्ण भुमिका निर्वाह गर्दछ किनकी डिभाइसको माध्यमबाट ग्राहकले विविध सेवा तथा अवसरहरु उपयोग गरी लाभ लिने हो । त्यसैले नविन विषेशता र क्षमता भएका स्मार्टफोनहरुमा पहुँच हुनु महत्वपुर्ण हुन्छ । हुवावेसँग सहकार्य गर्दै ग्राहकका लागि आफ्नो डेटा सेवा उपलब्ध गराउदा हामी हर्षित छौं । यसले ग्राहकलाई थप मूल्य तथा विभिन्न अवसरहरुको लाभ प्रदान गर्ने विश्वास छ,” एनसेलका प्रबन्ध निर्देशक साइमन पर्किन्सले भने । पि टेन प्लस मोडल अन्र्तगतका स्माटफोन ६४ जिबि आन्तरिक मेमोरी रहेको छ भने यी आकर्षक सुनौलो, कालो र चाँदीको रङ्गमा उपलब्ध छन् । एनसेलको १० जिबि डेटा, विषेश डिजाइन रहेको पि टेन प्लस क्यामेरा लेन्स किट, डिस्प्ले स्क्रिनको तीन महिनाको बिमा, सिटिसी मलमा रहेको हुवावे सर्भिस सेन्टरबाट २ घण्टा भित्र प्रदान गरिने बिक्रि पछिको भिआईपि सेवा र घर(घर गई हुवावेका प्रतिनिधीहरुले प्रदान गर्ने विक्री पछिको सेवा सुविधाले पि टेनलाई अझ विशेष बनाएको छ । पि टेन प्लस स्मार्टफोनमा स्टुडियोको जस्तो रि(लाइटिङ्, राम्रा फोटो निकाल्नका निमित्त थ्रिडी फेसियल डिटेक्सन प्रविधि, स(साना विवरणहरु समेत उतार्न सक्ने रियर क्यामेरा, हाइब्रिड जुम, दु्रतगतिमा पावर चार्ज लगायतका विशेषताहरु रहेका छन् । हुवावेले पि टेन प्लसका साथ साथै नेपाली बजारलाई लक्षित गर्दै अन्य विभिन्न मोवाइल सेटहरु पनि सार्वजनिक गरेको छ । हुवावेले आफ्नो वाई सिरिज अन्र्तगत नवआगन्तुक स्मार्टफोन ग्राहक देखि युवाको चाहनालाई ध्यानमा राख्दै नयाँ स्मार्टफोनहरु भित्राएको छ । हुवावेले २०१७ सिरिजको नयाँ पुनरावृत्ति अन्तर्गत वाई थ्रि २०१७ र वाई फाइभ २०१७ मोडेलका मोवाइल सेट ल्याएको छ । साथै युवा वर्गलाई लक्षित गर्दै वाई सेभेन प्राइम ल्याएको छ जुन् स्मार्टफोन २०१६ मा ल्याइएको र एकदमै रुचाइएको वाई सिक्स मोडलको नयाँ संस्करण हो ।

२०७३ साउन १९ गते नेपालको राजनीतिको विरासत तोड्दै प्रचण्ड दोश्रोपटक प्रधानमन्त्री बने । राजनीतिमा देखिएको बेईमानी र अविश्वासलाई चिर्न सत्तारोहण गर्दा प्रचण्डका सवालमा विभिन्न कोणबाट टिका टिप्पणी भए, जिम्मेवार मिडिया र मिडियाकर्मिले प्रचण्डलाई सरापे, सत्ताका लागि प्रचण्डको पुरक परीक्षा भनेर टिप्पणी समेत गरे । प्रजातान्त्रिक पद्धतिमा यस्ता टिप्पणीहरु नसुहाउँदा नसुहाउँदै पनि कतिपय नागरिक अगुवा, बौद्धिकलगायतले सत्ता गुमाउँदाको पीडाले छट्पटिएको पंक्तिले प्रचण्डलाई तल्लोस्तरको तथानाम गाली गरे, प्रचण्डका कृपापात्रहरु एकाएक राष्ट्रवादी बने प्रचण्ड भारतपरस्त र अराष्ट«वादी बनाइए । नाटकीयरुपमा प्रचण्डलाई राष्ट्रियताविरुद्धको पात्रको रुपमा चित्रण गरे, नेपाली उर्खलमाउलो राजनैतिक पंक्तिको राजनीतिक मुद्धा नै प्रचण्डलाई गाली गर्दै भोट बटुल्नतिर लागे । दावीका साथ भन्न सकिन्छ, माओवादी पार्टी बाहेका पार्टीले स्थानिय चुनावमा जति मत ल्याएका छन् तिनीहरुले प्रचण्डलाई गाली गरेरै पाएको भोट, मधेशीलाई गाली गरेरै पाएको भोट हो । यसको हिसाव किताव गर्ने जिम्मा ईतिहासलाई छौडौ । प्रधानमन्त्री बन्नुपूर्वका सबै मिथ्याहरु प्रचण्डले गलत सावित गर्यो, प्रचण्डप्रतिका बाछिटाहरु गलत प्रमाणित हुँदा प्रचण्डले गौरवका साथ सत्ता छोडे, प्रजातान्त्रिक र संसदिय व्यावस्थामा प्रचण्डले अर्को सुन्दरता थपिदिए, प्रधानमन्त्रीको कुर्चिबाट बाहिरिदै गर्दा निस्कलंक मात्र होईन नैपाली राजनीतिलाई प्रचण्डले गर्भ गर्न लायक बनाए । हुन त युगनायक प्रचण्डको योगदानको विभिन्न बहानामा अवमुल्यन गर्ने खल पात्रहरुको कमी छैन यहाँ । एकाध पार्टीको राजनीतिक एजेन्डा नै प्रचण्डलाई गाली गर्नु मै सीमित छ । मरेको लासमा राजनीति गर्दै देशलाई फेरि युद्धमा धकेल्ने षड्यन्त्र बाहेक जनतालाई भन्ने र जनताको लागि काम गर्ने राजनीतिक मुद्धा नै छैन यो देशका राष्ट«वादीहरुसँग । मुलुकलाई विभिन्न वाहानामा अनिर्णित बनाई राख्ने राजनीतिक अवसरवादीहरु, उत्पीडितहरुलाई राजनैतिक पहुँचमा आउन नदिने षड्यन्त्र हिजोदेखि नै गर्दै आएका हुन । महिलालाई विभेदको दृष्टिले हेर्ने, जनजातीलाई देशका शत्रु देख्ने, मधेशीलाई विहारी देख्ने, दलितहरु माथि राजनैतिक अंकुश लगाउनेहरुले राजनीतिलाई अस्वस्थ बनाउन खोज्ने, विषयुक्त भावनात्मक राजनीतिको विकास भएको छ । पहिलो स्थानिय चुनावको परिणामले परिवर्तका पक्षधर, अधिकारका पक्षधरलाई चिन्तित बनाएको छ सचेत बनाएको छ । जनता र समाजलाई सोध्न चाहान्छु– नेपाली समाजले प्रचण्डले दिन बाँकी के रह्यो ? प्रचण्डले नेपाली समाजलाई योभन्दा बढि के दिन सक्छन् ? प्रचण्डले सिंगो परिवर्तनककौ नेतृत्व मात्र गरेनन् आत्मासम्मान गुमाएका दलित समुदायको आत्ममा अलिकति भए पनि आत्मसम्मान प्रचण्डकै अभियानले भर्यो । महिला आन्दोलनलाई इज्जतिलो आन्दोलन प्रचण्डकै अभियानले बनायो । मधेशीहरुको उत्पिडनविरुद्ध प्रचण्डकै अभियान गर्जियो, समाजमा विद्धमान कुरितिका विरुद्ध प्रचण्डकै अभियान बोल्यो । कर्णालीका आवाज प्रचण्डकै अभियानले बुलन्द पार्यो । सामन्त र दलालका किल्लाहरु प्रचण्डकै अभियानले भत्कायो । एकात्मक राज्य र शासनका विरुद्ध प्रचण्डकै अभियानले प्रतिकार गर्यो । नेपालमा संविधान सभाको चुनाव प्रचण्डकै अभियानबाट सफल भयो । संघिय नेपालको अवधारणा प्रचण्डकै नेतृत्वमा सफल भयो, धार्मिक विभेदको अन्त्यको नेतृत्व प्रचण्डले नै गर्यो । सिंहदरवारको अधिकार गाउँलाई पु¥याउने गरी स्थानिय संख्याको खाका प्रचण्डकै पार्टीको हो । राष्टिय एकता सहितको स्थानिय निर्वाचन प्रचण्डले नै गर्यो । नेपाली राजनीति प्रतिको अविश्वासलाई प्रचण्डलै नै विश्वासमा परिणत गरेका हुन् । के यो प्रचण्डको गल्ति हो, कम्जोरी हो ? साँच्चै प्रचण्डको योगदानको मुल्यांकन नेपाली जनता, नेपाली समाज र राजनीतिले गर्न नसकेको हो कि नजानेको हो ? जनताले प्रचण्डको गुणलाई, योगदानलाई सम्मान गर्न नसक्दा माओवादी र प्रचण्डको हार मात्रै भएन स्थानियसत्ता, स्थानिय तहको सम्मान हुन सकेन । त्यसैले भन्न मन लाग्छ, प्रचण्ड हजारौ सहिदको ज्युदो अग्रज, वेपत्ता, अंग भंग योद्धाहरुको सपना, निमुखाहरुको सहारा, उत्पीडितहरुको गुरु, इतिहास निर्माता, न्यायको धरोहर र नेपाली राजनीतिको गर्वको सगरमाथा, रक्तरंजित इतिहास, सहिद आमाको ज्युँदो छोरा हो, युगको नायक, कसैले नामेट पार्न नसक्ने वीरताको इतिहास हो । प्रचण्ड उत्पिडितहरुको धरोहर हौ । वर्तमान नेपाली राजनीतिले प्रचण्ड नेतृत्वलाई निर्विकल्प र बहुआयामिक राजनीतिक प्रतिभा भएको राजनीतिज्ञको रुपमा देख्न थालेको छ । निरंकुशताले राजनीतिलाई निल्दा प्रचण्ड राजनैतिक संरक्षक बने । राजनीतिलाई छिछि र दूरदूर अवस्थामा पुर्याएको वेला प्रचण्डले राजनीतिलाई गौरवान्वित राजनीतिको रुपमा विकास गरे । जनतामा चेतनाको कमिले जनता आहात भएको वेला आफ्नै मृतृ बोकेर राजनैतिक अभियान्ता बनेृ । जनता अधिकार विहिन हुँदा जनअभियान्ता बन्यौ प्रचण्ड । विश्वलाई आधुनिक लोकतन्त्रको प्रेरणा नेपाली भूमिबाट प्रचण्डले सिकाए वर्तमानमा देशको जिम्मेवार अविभावक भएको प्रमाणित गरेर सत्तावर्हिगमन भई रहँदा प्रचण्ड साच्चै प्रचण्ड सावित भएका छौं । प्रचण्डले सबै गलत प्रवृतिलाई इतिहासमा थन्काई दिँदा प्रचण्डप्रति सहानुभूति दिन प्रचण्डको योगगदानको कदर गर्न किन कन्जुसाई ? सुन्दर घर, प्रिय सन्तान, जीवन संगिनी र आफन्तको मायालाई इच्छालाई तिलाञ्जलि दिएर जनताका खातिर सामन्तहरुको सातो जाने अभियान चलाउँदा जंगली भन्नसम्म भ्याए सामन्तका एजेन्टहरुले । जे होस् प्रचण्डले बैरीहरुको अत्यन्त तल्लो स्तरका गालीहरु सहेर पनि नेपाली जनताका सपनाहरु संस्थागत गरेरै छोडे, प्रचण्डको महान विजय यहि हो । प्रचण्डको साहस, योगदान र उत्तरदायीत्वमा सहयोग र साथ दिनेहरु धन्यवादका पात्र बनेका छन । प्रचण्डको पार्टीले हार्दा र दलित, महिला, जनजाती, मधेसी थारुका अभियान्ताहरु निरास बन्दा पनि सिंगो देश र प्रचण्डका स्वपनिल एजेन्डाहरुले भने जितेको छ । प्रचण्डका मुद्धाहरु स्थापित हँुदा प्रचण्डले हारमा पनि विजयको उत्सव बनायो । त्यसैले म प्रचण्डको महान्तालाई सम्मान गर्छु । प्रचण्डले राजनीतिलाई सिकाएका छौं । यो नै तिम्रो राजनीतिक महानता हो । प्रचण्डका मुद्धालाई आफ्नो मान्दै गर्दा प्रचण्डप्रति कसरी अन्याय गर्न सक्नु भयो ? प्रचण्डले विदेशी हस्तक्षपलाई कहिल्यै स्विकार गरेनन् । आफूले हार्दा देशलाई हार्न दिएन्न, पार्टीले हार्यो देशको सार्वभौम सत्तालाई बचाई राखौ । आफू थाक्दा पनि देशलाई गति दिई राख्यौ । प्रचण्डका कृपा पात्रहरु प्रधानमन्त्री बने । प्रचण्डकै कृपा पात्रहरु राष्ट्रवादी कहलिए तर प्रचण्ड डगमगाएनन् । पहिलो प्रधानमन्त्रीकालमा प्रचण्डले क्षमता देखाउन नपाउँदै जनतामा आउँदा जनतालाई नमिठो लागेको थियो, साँच्चै प्रचण्डको कुशलता लडाकु कमाण्डरको मात्र थियो त रु पछिल्लो नौ महिने अवधिमा युद्ध नायकको छविलाई विकासवादी नेताको रुपमा रुपान्तरित गर्न भ्याए, धेरै प्रश्नहरुको उत्तर प्रचण्डका कामले नै बताईसकेको छ । देशलाई अप्ठ्यारो पर्दा प्रचण्डको आवश्यकता अड्किन्छ । देशलाई आवश्यक हुँदा प्रचण्ड फेरि गर्वका साथ राष्ट्रिय नेतृत्वमा आउने छन् जनता र राजनीतिबीच देखिएको राजनैतिक अविश्वासको पर्दालाई चिर्दैछन । आज प्रचण्डले जनताको विश्वासलाई प्रमाणित गरि दिएका छन् । राष्टिय एकतादेखि अर्थतन्त्रमा देखिएको सिथिलतालाई प्रचण्डले काँधमा बोकेर इतिहास रचेको छ । नेपाली राजनीतिमा देखिएको अविश्वासलाई चिर्दै राजनीतिक क्रमभंग गरेको छ, प्रचण्ड साँच्चै एक चोटी फेरि महान् सावित भएका छन् । के प्रचण्डले सपना नबाँडेर काम गर्दा गल्ति गरेको हो ? प्रचण्डका कृपा पात्रहरु प्रधानमन्त्री बने । प्रचण्डकै कृपा पात्रहरु राष्ट्रवादी कहलिए तर प्रचण्ड डगमगाएनन् । यही हो प्रचण्डको महानता । प्रचण्डले कसैले नसोचेको कुरा सोचे गरे । कसैले नचाहेको कुरा चाहे र पो हामीले प्राप्त गरेका परिवर्तन संस्थागत गर्न सफल भयौ यहि हो प्रचण्डको महानता । परिवर्तनहरु प्रचण्डका मुद्धाहरु संस्थागत हुँदै गर्दा प्रचण्डलाई हराउन खोज्नु प्रचण्डप्रतिको अन्याय होइन र ? अहिले मधेशका विरोधीहरु, पहिचानका विरोधीहरु, दलित अधिकारका विरोधीहरु, थारु अधिकारका विरोधी स्यालहरु सुनिएका छन् यिनको आवाज पनि ठूलो भएको छ, महिलाको अधिकारका विरुदको अभियान कतै हेर्न पर्दैन भरतपुरको निर्वाचनलाई हेरै पुग्छ, । जहाँ रेणुलाई प्रयाग गरेर प्रचण्डमाथि प्रहार जस्तो देखिए पनि यो समग्र महिला अधिकार माथिको प्रहार, उत्पीडितहरुको अधिकार प्राप्तिमाथिको प्रहार भनि बुझन गाह्रो छैन । कहिले रेणुको नाममा कहिले प्रकाशको नाममा प्रचण्डलाई गाली गर्ने नैतिकता कहाँबाट जन्मिन्छ ? तर्क विहिनहरुले तल्लो स्तरको व्यक्तिगत र पारिवारिक गाली गलौज र प्रहारमा उत्रिने यो कस्तो राजनितिक प्रवृति हो, बुझ्न सकिएन, यो प्रचण्ड प्रतिको महाअन्याय होईन र ? गर्वका साथ भन्दा एक चोटी फेरि प्रचण्डको अभियान महान् र सान्दार सावित भएको छ, कुनै बेला सिंगो नेपाली जनताले बुझ्नेछन् र भन्ने छन्, महान प्रचण्ड आउ फेरि महान बन महान देश बनाउ । सहिदको सपना पूरा हँुदै गर्दा प्रचण्ड सहिद पुत्र सावित मात्र होइन, प्रचण्ड प्रचण्ड नै सावित भएको हो । अव फेरि देशको राजनीति बनाएका महान् प्रचण्डलाई देश बनाउने जिम्मा दिएर चुनौती दिउ, हिजो प्रचण्डका सामुका चुनौतीहरु सम्मानित रुपमा अवशरमा परिणत गर्ने क्षमता भएको प्रचण्डलाई फेरि एकचोटी चुनौती दिउ, युगको हिरो र सहिदको सम्मानित छोरो प्रचण्डप्रतिको सम्मान यहि हुनेछ । अन्तमा भन्न चाहान्छु, प्रचण्ड तिमी महान् थियौ, महान् छौ र इतिहासले तिम्रो महानताको सिरोधार्य गर्नेछ, भविष्यले तिम्रो गीत गाउनेछ ।

नयाँदिल्ली, जेठ २० । पूर्बी भारतको विहार प्रदेशको एउटा परीक्षामा सर्वोच्कृष्ट अङक ल्याएका एक जना विद्यार्थी प्रहरी नियन्त्रणमा परेका छन् । उमेर ढाँटेको अभियोगमा ती विद्यार्थीलाई पक्राउ गरी अनुसन्धान सुरु गरिएको प्रहरी अधिकारीहरुले जानकारी दिएका छन् । गणेश कुमार नामका एक विद्याथीले यस वर्षको कक्षा १२ को बोर्ड परीक्षामा विहान प्रदेश मै सबैभन्दा धेरै अङ्क ल्याएका थिए । दुई सन्तानका बाबुसमेत रहेका उनले आफ्नो उमेर ४२ वर्ष भएपनि ढाँटेर २४ बनाएको अभियोग लगाइएको छ । “उहाँले विहार विद्यालय परीक्षा बोर्डमा आफ्नो उमेर ढाँटेर दुरुपयोग गरेको पाइएको छ,” एक जना वरिष्ठ प्रहरी अधिकारीले शनिबार भन्नुभयो । बोर्डका अध्यक्ष आनन्दकिशोरले सञ्चारकर्मीहरुसँग भन्नुभयो, “कुमार, जो कक्षा १२ को परीक्षामा सबै भन्दा धेरै अङक ल्याउनुभएको थियो, उहाँको उमेरका बारेमा टिप्पणी गर्दै उजुरी परेपछि उहाँलाई प्रहरीले पक्राउ गरेको हो ।”

काठमाडौं, वैशाख २० । नेपाल कम्युनिष्ट पार्टी (माओवादी केन्द्र) को प्रदेश नं.३ को ८ वटा जिल्लाभित्रका म.न.पा., उपमनपा, नपा, गापा क्रमशः मेयर उपमेयर अध्यक्ष–उपाध्यक्षका उम्मेदवारहरुको विवरण– सिन्धुली कमलामाई नगरपालिकाका मेयर सावित्री देवी पाण्डे उपमेयर सावित्रा श्रेष्ठ सिन्धुली दुधौली नगरपालिका मेयर दिनेश अधिकारी दनुवार उपमेयर ईन्दीरा काफ्ले सिन्धुली कोखाजोर गापा अध्यक्ष ज्वालाप्रसाद न्यौपाने, उपाध्यक्ष सुष्पा भुजेल सिन्धुली ग्याङखेल गापा अध्यक्ष शंकरमान ग्घालाङ, उपाध्यक्ष कान्छीमाया ग्घालाङ सिन्धुली तिनपाटन गापा अध्यक्ष धनबहादुर पुलामी, उपाध्यक्ष जानुका तिमल्सिना सिन्धुली फिकल गापा अध्यक्ष खड्ग रजन मगर, उपाध्यक्ष वैद्य माओवादीबाट लोकेन्द्र काफ्ले सिन्धुली मरिन गापा अध्यक्ष पानिराज बंजन, उपाध्यक्ष संगिता माझी सिन्धुली सुनकोसी अध्यक्ष दिपा बोहरा दाहाल, उपाध्यक्ष दिर्घ घिसिङ सिन्धुली हरिहरगडी गापा अध्यक्ष काईसींह लामा, उपाध्यक्ष अनिता राई चितवन भरतपुर मनपा मेयर रेणु दाहाल, उपमेयर सुरेन्द्र गुरुङ चितवन रत्ननगर नपा मेयर पुर्णबहादुर आपागाई, उपमेयर संगिता भट्टराई उप्रेती चितवन खैरेनी नपा मेयर एकराज डल्लाकोटी, उपमेयर रेवती उप्रेती चितवन राप्ती नपा मेयर रामचन्द्र पाठक, उपमेयर कल्पना लामा चितवन माडी नपा मेयर ठाकुरप्रसाद ढकाल, उपमेयर सरिता महतो चितवन ईछ छ्रा कामना गापा अध्यक्ष प्रताप गुरुङ, उपाध्यक्ष सावित्री सिलवाल नुवाकोट बिदुर नपा मेयर लीलानाथ न्यौपाने, उपमेयर सुभद्रा नेपाल नुवाकोट बेलकोटगडी नपा मेयर जगतबहादुर गरुङ, उपमेयर कबीता ढुङ्गाना नुवाकोट ककनी गापा अध्यक्ष मानबहादुर लामा, उपाध्यक्ष सीता लामा नुवाकोट मेघाङ्ग गापा अध्यक्ष रामेश्वर खड्का, उपाध्यक्ष चिजामायाँ तामाङ नुवाकोट शिबपुरी गापा अध्यक्ष मीनबहादुर तामाङ, उपाध्यक्ष सुशिला थापा नुवाकोट किस्पाङ गापा अध्यक्ष अर्जुनप्रसाद न्यौपाने, उपाध्यक्ष सानुमाया तामाङ नुवाकोट तार्केश्वर गापा अध्यक्ष राजेन्द्र न्यौपाने, उपाध्यक्ष कमल कुमारी तामाङ नुवाकोट सुर्यगडी गापा अध्यक्ष पुष्प लामिछाने, उपाध्यक्ष कोपीला गुरुङ नुवाकोट दुप्चेश्वरी गापा अध्यक्ष लालबहादुर तामाङ, उपाध्यक्ष सीता थापा नुवाकोट तादी गापा अध्यक्ष मानसिंह तामाङ, उपाध्यक्ष गमला श्रेष्ठ नुवाकोट लिखु गापा अध्यक्ष धर्म अधिकारी, उपाध्यक्ष रेखा भण्डारी नुवाकोट पन्चकन्या गापा अध्यक्ष रमेश तामाङ, उपाध्यक्ष प्रकृति रिजाल धादिङ निलकण्ठ नपा मेयर सोभा डंगोल, उपमेयर मनराज भण्डारी धादिङ धुनीबेसी नपा मेयर दिपक लामिछाने, उपमेयर सावित्री आचार्य धादिङ रुबीभ्याली गापा अध्यक्ष रामसिंह तामाङ, उपाध्यक्ष अमृता गुरुङ धादिङ खनायावास गापा अध्यक्ष सेतेमान तामाङ, उपाध्यक्ष कृष्णा मोक्तान धादिङ गंंगा जमुना गापा अध्यक्ष नवराज, अधिकारी उपाध्यक्ष खीना मगर धादिङ त्रिपुरासुन्दरी गापा अध्यक्ष दलबहादुर बुर्लाकोटी, उपाध्यक्ष सुमित्रा भण्डारी धादिङ नेत्रावती गापा अध्यक्ष ठाकुर गुरुङ, उपाध्यक्ष उर्मीला तामाङ धादिङ सिध्दलेक गापा अध्यक्ष पुष्प थपलिया, उपाध्यक्ष संझना पण्डित धादिङ गल्छी गापा अध्यक्ष बिक्रम तामाङ, उपाध्यक्ष सरिता मगर धादिङ ज्वालामुखी गापा अध्यक्ष, लक्ष्मी थापामगर,  उपाध्यक्ष विष्णु श्रेष्ठ धादिङ बेनीघाट बोराङ्ग गापा अध्यक्ष पित्त बा.डल्लाकोटी, उपाध्यक्ष संगीता कडेल धादिङ गजुरी गापा अध्यक्ष गणेशलाल श्रेष्ठ, उपाध्यक्ष चेलीमाया तामाङ धादिङ थाँक्रे गापा अध्यक्ष यन्त्रबहादुर थापा, उपाध्यक्ष मकवानपुर हेटौंडा उमनपा मेयरकुमारी मोक्तान, उपमेयर बलराम लामा मकवानपुर थाहा नपा मेयर लवसेर विष्ट, उपमेयर सकुन्तला गोपाली मकवानपुर बागमती गापा अध्यक्ष सर्केस घ्लान मधु, उपाध्यक्ष बच्चु खड्का गोले मकवानपुर बकैया गापा अध्यक्ष भक्तबहादुर खत्री, उपाध्यक्ष लक्ष्मी पाख्रीन मकवानपुर गडी गापा अध्यक्ष भिम पाख्रीन, उपाध्यक्ष राधिका तिमलसीना मकवानपुर मनोहरी गापा अध्यक्ष रामहरी सुबेदी, उपाध्यक्ष चन्द्रकला खनाल मकवानपुर राक्सीराङ गापा अध्यक्ष युसाई प्रजा, उपाध्यक्ष पुर्णीमा दोङ मकवानपुर कैलाश गापा अध्यक्ष नरेन्द्र रिजाल, उपाध्यक्ष बिन्दामायाँ तितुङ मकवानपुर ईन्द्रसरोवर गापा अध्यक्ष बिक्रमसिंह मोक्तान, उपाध्यक्ष चनुमाया भोलाङ रामेछाप मन्थली नपा मेयर तारानारायण श्रेष्ठ, उपमेयर रमादेबी घिमिरे रामेछाप रामेछाप नपा मेयर शिशिर खड्गी, उपमेयर ईन्दिरा बखरेल रामेछाप उमाकुण्ड गापा अध्यक्ष मदन कालीकोटे, उपाध्यक्ष लक्ष्मी तामाङ रामेछाप गोकुलगंगा गापा अध्यक्ष प्रेमकुमार कार्की, उपाध्यक्ष रमा कार्की रामेछाप खाँडादेबी गापा अध्यक्ष शिवकुमार कार्की, उपाध्यक्ष सुकमायाँ माझी रामेछाप लिखु गापा अध्यक्ष धुर्बकुमार कार्की, उपाध्यक्ष बन्धना श्रेष्ठ रामेछाप दोरम्बा गापा अध्यक्ष कमानसिंह मोक्तान उपाध्यक्ष कृषीला तामाङ रामेछाप सुनपती गापा अध्यक्ष धावा लामा, उपाध्यक्ष गीता बिष्ट रसुवा उत्तरगया गापा अध्यक्ष मेगनाथ घिमीरे, उपाध्यक्ष रेनुमायाँ गुरुङ्ग रसुवा नौकुण्ड गापा अध्यक्ष फुलमायाँ वाईबा, उपाध्यक्ष केशबप्रसाद पौडेल रसुवा कालिका गापा अध्यक्ष उध्दव रिजाल, उपाध्यक्ष शिला मगर रसुवा गोसांईकुण्ड गापा अध्यक्ष उपाध्यक्ष फुर्बा तामाङ्ग रसुवा पावर्तीकुण्ड गापा अध्यक्ष फुर्पु तेनजेन तामाङ, उपाध्यक्ष तारा तामाङ दोलखा नेकपा (माओवादी केन्द्र र नेपाली काग्रेस तालमेल दोलखा गौरीशंकर गाउपालिका अध्यक्ष निमा लामा (माओवादी केन्द्र) उपाध्यक्ष कमलबिक्रम खड्का नेपाली काङ्ग्रेस दोलखा बिगु गाउपालिका अध्यक्ष युधिश्ठिर खड्का नेपाली काङ्ग्रेस उपाध्यक्ष संजिब ओलि (माओवादी केन्द्र) दोलखा कालिन्चोक गाउपालिका अध्यक्ष कुलबहादुर खड्का (माओवादी केन्द्र) उपाध्यक्ष गोपिलाल थामी नेपाली काङ्ग्रेस दोलखा बैत्यश्वर गाउपालिका अध्यक्ष छवि लामा (नेपाली काङ्ग्रेस), उपाध्यक्ष रबिचन्द्र आचार्य (माओवादी केन्द्र) दोलखा तामाकोशी गाउपालिका अध्यक्ष साबित्रा केसी साबित्रा केसी रामचन्द्र पोखरेल नेकपा (माओवादी केन्द्र) दोलखा मेलुङ गाउपालिका अध्यक्ष सीता तामाङ, उपाध्यक्ष कृष्णबहादुर कार्की दोलखा शैलुङ गाउपालिका अध्यक्ष रिमालबाबु श्रेष्ठ उपाध्यक्ष देबकुमारी शाही दोलखा भिमेश्वर नगरपालिका मेयर मोहन थापा, उपमेयर कमला कार्की दोलखा जिरी नगरपालिका मेयर गेल्बु शेर्पा, उपमेयर चित्रमाया दाहाल

रोल्पा, चैत १५ । लिवाङ–६ का रुपलाल ओली काँक्रो, गोलभेँडा, फर्सी, च्याउलगायत बेमौसमी तरकारीखेती गरेर एउटा याममा रु तीन लाखसम्म आम्दानी गर्नुहुन्छ । उहाँले वार्षिक रु १६ तिरेर भाडामा जग्गा लिई व्यवसाय गर्दै आउनुभएको छ । जिल्लास्थित एक गैरसरकारी संस्थामा कार्यालय सहयोगीका रुपमा समेत काम गर्दै आउनुभएका ओली बिहान बेलुका तरकारीखेती गर्नमै व्यस्त रहनुहुन्छ । जागिरलाई अस्थायी र कृषिलाई स्थायी पेसा मान्दै आउनुभएका उहाँले कृषिबाट मनग्य आम्दानी गरिरहनुभएको छ । यस्तै धवाङ– ३ का ऋषिराम रोका लिवाङमा अलैँचीखेती गर्नुहुन्छ । उहाँले अलँैचीखेतीबाट वार्षिक रु १४ लाख बढी आम्दानी गर्दै आउनुभएको छ । विगतमा राजनीति प्यारो लागे पनि अहिले कृषि पेसा प्यारो लाग्ने गरेको उहाँ बताउनुहुन्छ । गत वर्षसम्म जग्गा भाडामा लिई नर्सरी स्थापना गर्नुभएका रोकाले अहिले आफँै जग्गा खरिद गरी व्यवसाय गरिरहनुभएको छ । उहाँले देवदार, श्रीखण्ड, खोटे सल्ला, सागुन, सुगन्ध कोकिला, टिमुर, अलैँची, किबी, राई खनियोलगायत प्रजातिको नर्सरी स्थापना गर्नुभएको छ । रोल्पा, सल्यान, प्यूठान, दैलेखलगायत जिल्लाबाट समेत बिरुवाको माग आउने गरेको उहाँले बताउनुभयो । जिल्ला कृषि विकास कार्यालयले रोकालाई अलैँची नर्सरीका लागि अनुदान उपलब्ध गराएको हो । उत्पादित बिरुवा कार्यालयले नै खरिद गर्ने गरेको उहाँ बताउनुहुन्छ । यस्तै लिवाङमा रहेको सिर्जनशील कृषि महिला सहकारी संस्थाले यस वर्ष मकैको बीउ बिक्री गरेर रु एक लाख ५० हजार आम्दानी गरेको छ । बीउ उत्पादनबाट प्राप्त आम्दानीले सहकारीमा आबद्ध सदस्यलाई आर्थिक रुपमा सबल बनाउन मद्दत पुगेको सिर्जनशील कृषि महिला सहकारी संस्थाका अध्यक्ष हिरा घले बताउनुहुन्छ । जिल्लाका अन्य कृषि सहकारीले समेत बीउ उत्पादन गर्दैआएका छन् । यस वर्ष खाद्य सुरक्षा परियोजनाको सहयोगमा जिल्लाका गैरीगाउँ, घर्तीगाउँ, जंकोट, जैमाकसला, वडाचौर, मिझिङ, जुगार, लिबाङलगायतका ठाउँमा २८ वटा कृषक पाठशाला सञ्चालन गरेको छ । कृषकलाई प्राविधिक सीप हस्तान्तरण गर्ने, समूहलाई सशक्तीकरण गर्ने र कृषकको जीविकोपार्जनमा सुधार गर्ने उद्देश्यका साथ कृषक पाठशाला सञ्चालन गरेको वरिष्ठ कृषि विकास अधिकृत लालकुमार श्रेष्ठले बताउनुभयो । अधिकांश पुरुष वैदेशिक रोजगारीमा गएका कारण कृषक पाठशालामा महिलाको सहभागिता अत्यधिक रहेने गरेको छ । जिल्ला कृषि विकास कार्यालयका अनुसार जिल्लाको करिब चार हजार ८९० हेक्टर क्षेत्रफलमा धानखेती गरिन्छ । सो क्षेत्रफलका लागि २४५ मेट्रिक टन बीउ आवश्यक पर्छ । जिल्लामा ४० मेट्रिक टन धान उत्पादन हुन्छ । यसैगरी १२ हजार ६६० हेक्टरमा उत्पादन गरिने मकैका लागि २५४ मेट्रिक टन बीउ आवश्यक पर्छ । जिल्लामा २९ मेट्रिक टन मकै उत्पादन हुन्छ । यस्तै आठ हजार ५७० हेक्टर क्षेत्रफलमा लगाइने गहुँका लागि एक हजार २८ मेट्रिक टन बीउ आवश्यक पर्छ । करिब २७ मेट्रिक टन गहुँ उत्पादन हुन्छ ।

काठमाडौं, चैत ३ । दोस्रो नेपालगन्ज गोल्डकपको उपाधी रुपन्देही ११ ले जितेको छ । बिहीबार भएको फाइनलमा संकटा क्लबलाई टाइब्रेकरमा हराउँदै रुपन्देहीले उपाधी जितेको हो । निर्धारित समयमा १–१ गोलको बराबरी भएपछि खेलको निर्णय टाइब्रेकरबाट गरिएको थियो । ६५ मिनेटमा पेनाल्टिबाट संकटाले अग्रता लिएपनि ८८ औँ मिनेटमा रुपन्देहीले बराबरी गोल गरेपछि खेल टाइब्रेकरमा धकेलिएको हो । प्रतियोगिताको विजेता रुपन्देहीले पाँच लाख र उपविजेता संकटाले साढे दुई लाख रुपैयाँ पुरस्कार पाएका छन् ।

काठमाडौं, फागुन २५ । सामाजिक संजाल फेसबुक प्रयोग गरेर नेपालमा ठगी बढ्दै गएको प्रहरीले जनाएको छ। फेसबुक प्रयोग गरेर ठगी गर्ने गिरोह पछिल्लो समय नेपालमा पनि सक्रिय भएको भन्दै महानगरीय अपराध महाशाखाले सचेत रहन सबैसँग आग्रह गरेको छ। भ्यालेन्टिनो स्मिथ, म्याक स्थिम, अप्रिल स्मिथ, भेलभेट नाम गरेका फेसबुक आइडीबाट ठगी भइरहेको भन्दै यी फेसबुक आइडी र नचिनेको मानिसहरुलाई साथी नबनाउन अपराध महाशाखाले अनुरोध गरेको हो। विदेशी नाम गरेका यी फेसबुक आइडीबाट ६० भन्दा महिला प्राय ठगीमा परेको पाइयो,ु एसपी प्रकाशजंग कार्कीले भने, ुनचिनेका मानिसहरुलाई साथी बनाउदाँ धेरै महिलाले लाखौं रुपैयाँ गुमाउनु परेको छ। विदेशी नामबाट खोलेका फेसबुक आइडीबाट रिक्वेष्ट पठाउने, च्याट गर्ने, लामो समय कुरा गरेपछि उसको बानी व्यवहार पत्ता लगाउने र सोही अनुसारको व्यवहार देखाई ठगी भइरहेको कार्कीले बताए । कतिपयसँग भारतबाट फोन गरेर आफन्त बिरामी भएको नाटक गरेर पैसा माग्ने, कतिपयलाई आइफोन, घडी र महँगा उपहारको लोभ देखाएर ठगी गरेको भेटिएको एसपी कार्कीले बताए । सहयोग गर्न चाहनेलाइ भारतमा रकम पठाउन नेपालबाट मिल्दैन भन्दै नेपालीकै खाता दिने गरेको प्रहरीले पत्ता लगाएको छ। ‘फेसबुकबाटै बनाएको साथीलाई तपाईँको खातामा पैसा आउँछ, जम्मा गरेर मलाई पठाइदिनुस न है भन्दै ठगी गरेको प्रयोग गरेको भेटियो’, कार्कीले भने। प्रहरीले यस्तै प्रकृतिबाट ठगी गर्ने ५ जनालाई पक्राउ गरेको छ । पक्राउ पर्नेमा ब्लु स्काइ म्यानपावरका मुख्य संचालक प्रेम कटुवाल, सपना ढुंगाना, कृष्णा गुरुङ, रिता न्यौपाने, खेम मानन्धर र मोतिरमण भट्टराइ रहेका छन् । नेपालबाट ठगीमा परेका महिलाहरुले सपना, कृष्णा, रिताको खातामा रकम पठाइदिएका थिए। उनीहरुको खातामा जम्मा भएको रकम ब्लु स्काइ म्यानपावरका लेखापाल मानन्धरको खाता हुदैँ कटुवालको खातामा जम्मा भएको प्रहरीले बताएको छ। विभिन्न लोभ देखाएर धेरै सोझा साझा गृहिणीहरु ठगीमा परेका छन्, एसपी कार्कीले भने, अझ धेरै फस्ने सम्भावना हुदाँ सबै सचेत हुन आवश्यक छ। नचिनेको फेसुबक आइडीबाट रकम माग गरे, मागेको रकम पठाइदिएको भए, विभिन्न उपहार आउने लोभ देखाएर ठगी गरेको भए अपराध महाशाखामा गएर उजुरी गर्न प्रहरीले सबैसँग अनुरोध गरेको छ।

काठमाडौं, फागुन १९ । त्रिभुवन विश्वविद्यालय अन्तर्गतका क्याम्पसहरुमा स्वतन्त्र विद्यार्थी युनियन (स्ववियु) चुनावको नतिजा आउने क्रम जारी छ । अहिले विहान प्राप्त जानकारी अनुसार सानो ठिमी शिक्षा क्याम्पस र थापाथली इन्जिनियरिङ क्याम्पसमा माओवादी केन्द्र निकट अखिल क्रान्तिकारीले प्यानलै विजयी हासिल गरेको छ । त्रिविको कार्यतालिका अनुसार ती क्याम्पसहरुमा बुधबार स्ववियु चुनाव भएको थियो । सानो ठिमी शिक्षा क्याम्पस भक्तपुरमा क्रान्तिकारीका रमेश खड्का अध्यक्षमा विजयी भए यस्तै थापाथली इन्जिनियरिङमा क्रान्तिकारीबाटै प्रज्ज्वल खत्री सहितको प्यानलै जितेको क्रान्तिकारीका प्रवक्ता सुरेन्द्र बस्नेतले जानकारी दिए । त्रिवि अन्तर्गतको केही ठूला क्याम्पसमा भने स्ववियु चुनाव स्थगन भएको छ । रत्न राज्य लक्ष्मी क्याम्पस, त्रिचन्द्र क्याम्पस, पाटन सयुक्त क्याम्पस, मीनभवन क्याम्पस, शंकरदेव क्याम्पस अस्कल क्याम्पस र सरस्वती क्याम्पसमा चुनाव स्थगित भएको छ । अन्य क्याम्पसमा भने बुधबार चुनाव भएको हो ।

बाँके, फागुन १६ । बाँकेको कोहलपुरस्थित बागेश्वरी बहुमुखी क्याम्पसमा आगलागी भएको छ । क्याम्पस प्रमुखको कार्यकक्षमा आइतबार राति अपरिचित समूहले लगाएको उक्त आगलागीबाट कोठामा भएका फर्निचर तथा अन्य सामानहरु पनि जलेर नष्ट भएका क्याम्पस प्रमुख शिशिर शर्माले बताए । आगामी १८ गतेका लागि तोकिएको स्ववियु निर्वाचनका विषयमा छलफल गर्नका लागि क्याम्पस संचालक समितिको बैठक बोलाएको क्याम्पस प्रमुखले बताए । क्याम्पसमा स्ववियु निर्वाचनका लागि उम्मेद्वारी दर्ता भएपनि अखिल बाहेकका संगठनमा भने आन्तरिक विवाद रहँदै आएको छ ।

नयाँ दिल्ली, फागुन २ । अखिल भारत नेपाली एकता मञ्चको छैठौं क्षेत्रीय सम्मेलन दिल्लीमा सम्पन्न भएको छ। सम्मेलनले ज्ञान बहादुर के.सी.को अध्यक्षतामा ५१ सदस्यीय क्षेत्रीय कार्यसमिती गठन गरेको छ। तीन दिनसम्म चलेको सम्मेलनमा दिल्ली, हरियाणा, उत्तर प्रदेश, उत्त्तराखंड र छत्तीसगढ़ का प्रतिनिधिहरुको सहभागिता थियो । कार्यक्रमलाई पूर्व उपप्रधानमन्त्री तथा नेकपा माओवादी केन्द्रका नेता नारायणकाजी श्रेष्ठले उद्घाटन गरेका थिए । कार्यक्रममा एकता मंञ्का विभिन्न तहका नेता तथा कार्यकर्ताको एक हजार भन्दा माथि को उपस्थिति थियो । साथै अन्य जनवर्गीय संघ संगठन तथा सामाजिक संस्थाका प्रतिनिधिको पनि उपस्थिति थियो । कार्यक्रम अखिल भारत नेपाली एकता मंचका केन्द्रिय सचिब श्री आर।बि। खड्काको अध्यक्षता, पुर्व उपप्रधानमन्त्री तथा पार्टी उपाअध्यक्ष नारायणकाजी श्रेष्ठको प्रमुख आतिथ्य, साथै माओवादी केन्द्र का सचिवालय सदस्य बिहmबल पन्त ,पोलिट ब्यूरो सदस्य टीबी पाठक , अखिल भारत नेपाली एकता मंच का केन्द्रीय सदस्य इशरी भण्डारी , केंद्रीय महासचिब सीतल मलाती, केंद्रीय सचिब सुरेन्द्र देवकर , उषा थापा, जितेन्द्र पुन, राम बहादुर थापा केंद्रीय सदस्य किशन बोहरा , मानु , तिलक बिक , किशन परसाई , तूल बहादुर थापा लगायत केंद्रीय टीम ले सम्बोधन गरेका थिए । कार्यक्रम उप–संयोजक श्री शिवचन्द्र सोडारीको स्वागत मन्तव्य र एकता मंच का नेता खगेन्द्र ढकालको संचालनमा सम्पन्न भएको थियो । बीचबीचमा रोचक नेपाल बाट जनवादी कलाकार झंकार बुढा मगर ले गीत गएर सांस्कृतिक कार्यक्रमले दर्शकहरुमा उत्साह र उमंग थपेको आरबी खडकाले बताए । पन्जाबी बाग, शिव मन्दिर दिल्ली स्थित सम्पन्न कार्यक्रममा एकता मंच का युवाहरु र नेपाली देश भक्त आवाजले स्वयम सेवकको भूमिका निभाएको थियो ।

फागुन १ । एकीकृत नमुना निर्माणमा लागेको धुर्मस–सुन्तली फाउन्डेसनलाई होटल व्यवसायीको तर्फबाट रु एक लाख सहयोग गरिएको छ । महोत्तरीको बर्दिबासमा मुसहर बस्ती एकता वस्ती निर्माणमा जुटेको धुर्मुस–सुन्तली फाउन्डेसनलाई सहयोगार्थ होटल व्यवसायी हिरा गौतमले शनिबार रु एक लाख रकम प्रदान गरेका हुन् । होटल व्यवसायी गौतमले इँटा टाउकामा बोकेका ‘धुर्मुस’लाई चेक हस्तान्तरण गर्दै भने, – “म पनि यो पुण्य काममा थोरै सहभागिताले मिसिन आएको छु ।” बस्ती निर्माणका लागि अस्ट्रेलियाबाट रु ६५ लाख सहयोग प्राप्त भइसकेको छ । “सहयोगी मनहरुकै साथ र सहयोगले हामी निरन्तर राष्ट्र निर्माणको अभियानमा लागिरहेका हौँ” धुर्मुसले भने, “मुसहर बस्तीको निर्माण सम्पन्न गरी वैशाख १ गते वर्षौैंदेखि घरबारविहीन मुसहरलाई नयाँ घरमा प्रवेश गराउँदैछौँ ।” रु चार करोड ७८ लाखको लागतमा ५० घर मुसहरका लागि वस्ती निर्माण गर्न लागिएको हो । गत पुस २५ गते महजोडीले शिलान्यास गरेसँगै निर्माण सुरु भएको बस्तीको अहिलेसम्म ३५ प्रतिशत काम सकिएको छ ।

माघ २८ । सेक्स भन्ने वित्तिकै धेरैले नाक खुम्चाउछन् । धेरै लजाउछन् । अझै पनि नेपाली समाजमा सेक्सको बारेमा खुलेर बोल्च चाहन्नन् मानिसहरु । सेक्स प्राकृतिक कुरा हो, यो अत्यावश्यक छ । धेरै खाना खाने मानिसलाई यौन चाहना पनि बढी हुने एक अध्ययनले जनाएको छ । अमेरिकामा गरिएको सो अध्ययनले सात दिनसम्म सेक्स नगरी बस्नु र अर्को सात दिन खाना नखाई बसेमा त्यसको उत्तर आफैले पाउन सकिने अध्ययनमा उल्लेख छ । खाना न नखाने हो भने सेक्सको चाहाना विस्तारै आफै घट्दै जाने बताइएको छ । नेपालमा विभिन्न महिला तथा पुरुषहरु व्रत बस्ने गर्दछन् । कहिलेकाँहीको व्रतले शरीरलाई स्वस्थ बनाउन सहयोग गर्ने भएपनि सधैंजसो गरिने ब्रतले भने उनीहरुलाई हानी पु¥याउँदछ । लामो समयसम्म बसिने ब्रतले उनीहरुमा यौन चाहना पनि घट्न सक्ने अध्ययनले जनाएको छ । नियमित ब्रतको नाममा खाना नखाँदै बस्दा उनीहरुमा शक्ति कम हुँदै जाने र त्यसले गर्दा सेक्सप्रतिको चाहना पनि कम हुँदै जाने देखिन्छ । त्यसैले खाना नै सबै शारीरिक चाहानाको जड भएको सो अध्ययनले बताएको छ ।

काठमाडौं, चर्चित कलाकार दयाहाङ राईले अभिनय गरेको नयाँ चलचित्र “सेतो सूर्य” युट्युबमा सार्वजनिक गरिएको छ । मंसिर २४ गते रिलिज गरिएको चलचित्रमा दयाहाङ राई, अशोक मगराती, रबिन्द्र सिंह, सुमि मल्ल, अम्रित परियारले अभिनय गरेका छन् । दीपक रौनियारको निर्देशनमा बनेको चलचित्रमा सत्ता र संस्कारको बिरोध गर्दा झेल्नुपरेको संघर्ष देखाइएको छ । चलचित्रमा माओवादी शान्ति प्रक्रियामा आएपछिको झझल्को देख्न सकिन्छ । बिभिन्न राष्ट्रिय तथा अन्तर्राष्ट्रिय अवार्डबाट चलचित्र सम्मानित भएको छ । हेर्नुस् चलचित्र

सामान्य भाषामा हामी मानिसहरु बाटोमा हिड्दा हिँड्दै चक्कर लाग्नु वा फन्फनी घुमाउने अवस्थालाई रिँगटा लाग्नु भन्दछौं । यो पनि एकप्रकारको खतरनाक रोग हो । मानिसहरुलाई रिँगटा लाग्दा चारैतिर घुमेको जस्तो महसुस हुन्छ । यो रोग भएका मानिसहरुले लापरबाही गर्नु हुँदैन । रिँगटा लाग्ने जो कोहीलाई पनि हुनसक्छ । यो भिन्न तरिकाले गर्दा रिँगटा लागी बेहोश हुन सक्छ । कमजोरी भएमा, मुटुरोगी, ब्लड प्रेसर भएमा, तनाव वा अनावश्यक धेरै कुरा सोचेमा, रक्तसञ्चार र रगतमा कमी, बढी वा कम रक्तचाप, अत्याधिक शारीरिक वा मानसिक थकान, डर र टाउको चोट लगायतका कारणले रिँगटा लागी बेहोश समेत हुनसक्ने बढी सम्भावना हुने गर्दछ । मुटुको धड्कन असामान्य, आँखाको कमजोरी, मष्तिस्कमा रगतको कमी, नशा फाट्ने, ब्रेन ह्यामरेज, ब्रेन ट्युमर, खाने कुरा तथा औषधिको एलर्जी, माइग्रेन, व्रत बसेर शरीर कमजोर भएमा, अत्याधिक अल्कोहल सेवनले रिंगटा लाग्न सक्छ । टाउको घुम्नु, शरीर हल्लेको अनुभव हुनु, आँखाको अगाडि अध्यारो छाउनु, अनुहार फिक्का र शरीर चिसो हुनु, कमजोर भई चक्कर लागेर लड्नु, शरीर शून्य हुनु, उल्टी आउनु, कानमा बज्नु, बोल्न कठिनाइ हुनु । यस्तो छ रिँगटा लाग्नुको लक्षण– के खाने समयमै खाना खाने । एक गिलास दूध वा पानीमा ग्लुकोज मिसाएर पिउने । गर्मी भएमा अमलाको सर्वत पिउने । एक चम्चा तुलसीको रसमा २ वटा मरिच पिधेंर बिहान बेलुका खाने । के नखाने रक्सी, खैनी, नशालु पदार्थ नखाने । एलोपेथिक औषधि आफ्नो इच्छाले नखाने । अत्याधिक खाना नखाने के गर्ने रिँगटा लाग्ने बित्तिकै बस्ने । सुविधा भएमा ओछ्यानमा सुत्ने र आँखा बन्द गर्ने । निन्द्रा लाग्यो भने पर्याप्त सुत्ने । नियमित व्यायाम गर्ने र बिहान घुम्न जाने । मधुमेह नियन्त्रणमा राख्ने, एनिमियाको उपचार गर्ने । टाउकोमा बदामको तेलले मालिस गर्ने । आँखा कमजोर भए उचित चस्मा लगाउने । फिजियोथेरपिस्टसँग सिकेर सधैं कसरत गर्ने । के नगर्ने एक्लै घुम्न नजाने । अग्लो, होचो, अँध्यारो, चिप्लो बाटोमा नहिँड्ने । चिया, चुरोटरबिंडी नखाने । साइकल, स्कुटर, कार नचलाउने । बार्दलीलगायत कुनै अग्लो ठाउँबाट तल नहेर्ने । कठीन शारीरिक या मानसिक परिश्रम नगर्ने । आगो या पोखरीबाट टाढै रहने । खोला नतर्ने ।

प्रकृतिले पनि के के गर्छ । कहिले कस्तो प्राणी जन्माउँछ, कहिले कस्तो । यस्तै एउटा सिर्जना छ शिवराम र शिवनाथको रुपमा । शिवनाथ र शिवरामको जीवन देख्नेहरुको आँखामा आँसु नै आउँछ । दुबैको पेट र कमर जोडिएको छ । दुईवटा खुट्टामा दुईवटा टाउको । उनीहरु एक अर्कालाई हेर्न सक्छन् तर दुबैको पेटमुनिको भाग एउटा मात्रै छ । १२ वर्ष पुगे शिवनाथ र शिवराम । सामान्य गरीब परिवारमा जन्मिए उनीहरु । अहिले स्कूल जाने गर्छन् । भारतको रायपुरमा बस्ने उनको परिवार शुरुमा निकै दुखी भएपनि अहिले यसलाई नै नियती भनेर बसेका छन् । शिवराम र शिवनाथले आफ्ना सामान्य कामहरु आफै गर्छन् । लुगा लगाउने, नुहाउने, कपाल कोर्ने, पढाई र होमवर्क गर्ने काम सँगै गर्न सक्छन् । तपाई यो एभरेष्टदैनिकडटकममा पढ्दै हुनुहुन्छ । दुई भाई अहिले धेरै कुरा बुझ्ने भएका छन् । भन्छन्– “हामी छुट्टिन चाहन्नौं ।” डाक्टरहरुले अप्रेशन गरेर उनीहरुलाई अलग गर्न नखोजेका होइनन् तर प्रकृतिले जसरी जन्मायो, मर्दासम्म त्यसरी नै बाँच्ने उनीहरुको अठोटका अगाडि डाक्टरहरुको पनि केही चलेन ।