काठमाडौंः  गायक एवं संगीतकार हरिदत्त फुलाराको ‘मिरमिरेको लाली’ बोलको नयाँ गीत सार्वजनिक भएको छ । उनको यो गीत शनिबार हाम्रो कथा नामक युट्युब च्यानलमार्फत् सार्वजनिक गरिएको हो । ‘मिरमिरेको लाली’ मा संगीत–स्वर गायकै फुलाराकै रहेको छ । यस्तै यो गीतलाई डा. अनिल बरालले लेख्दा महाराज थापाले एरेन्ज गरेका हुन् । यस्तै फुलाराको यो गीतलाई नरेश बिसी रेकर्ड र साजन शाहले मिक्सिङ गरेका छन् । ‘मिरमिरेको लाली’लाई एप्लस स्टुडियोमा रेकर्ड गरिएको हो । गीतको म्युजिक भिडियोमा विनोद न्यौपाने र विनु शाक्यको उत्कृष्ट अभिनय देख्न सकिन्छ । भिडियोलाई उत्सव दाहालले छायाँकन, विकाश दाहालले सम्पादन र युवराज वाइवाले निर्देशन गरेका हुन् । गायक फुलाराका यसअघि ‘म आउने प्रहर’, ‘हसायो मायाँले’, ‘सम्झनामा डुबायर’, ‘मैले मन पराएँ’, ‘गीत तिमी संगित तिमी’, ‘मेरो देश’, ‘सँगैसँगै हिँडे पनि’, ‘नक्कली’ लगायत बोलका गीत बजारमा आइसकेका छन् । ती गीतहरुलाई स्रोता–दर्शकले राम्रो रुचाएका छन् । झण्डै डेढ दशकदेखि नेपाली सङ्गीतमा लागि पर्दै आएका गायक फुलारा पछिल्लो समय अलग्गै पहिचान बनाउँदै गएका छन् । भारत, काँशी हिन्दु विश्व विद्यालयबाट शास्त्रीय संगीत अन्तर्गत गायन बिधामा माष्टर डिग्री गरेका गायक फुलारा पश्चिम नेपाल धनगढीका स्थानीय वासिन्दा हन् । उनले त्यहाँको सैनिक आवासिय महाविद्यालयमा दुई वर्ष संगीत प्रशिक्षकको रुपमा काम गरेपश्चात २०७१ सालबाट काठमाडौंलाई कर्मथलो बनाएर गीत, संगीतको क्षेत्रमा क्रियायाशिल रहँदै आएका छन्।

काठमाडौंः एक महिना नबित्दै गायिका स्मिता दाहालले अर्को नयाँ गीत बजारमा ल्याउने भएकी छिन् । उनले ‘मायालु तिमी कता छौ’ बोलको नयाँ गीत बजारमा ल्याउन लागेकी हुन् । स्मिताको यो गीत भोलि (मंगलबार) ४ बजे रिलिज हुँदैछ । ‘मायालु तिमी कता छौ’ मा स्मितासँगै आवाजमा राजनराज सिवाकोटीले साथ दिएका छन् । गीतमा दिनेश थपलियाको शब्द, राजनराज सिवाकोटीको संगीत रहेको छ । यस्तै स्मिताको यो गीतको म्युजिक भिडियोमा सरोज अधिकारी र आश्मा विश्वकर्माले अभिनय गरेका छन् । भिडियोलाई सरोज ओलीले निर्देशन, उदयराज पौडेलले एरेन्ज, श्यामस्वेत रसाइलीले मिक्सीङ र सन्देश शाहले सम्पादन गरेका हुन् । गीतमा कन्सेप्ट–कोरियोग्राफी विक्रम स्वाँरले गरेका छन् ।

काठमाडौँ, साउन ६ । ‘औधोगिक शान्ति नेपाल म्युजिक अवार्ड २०७६’ यही आउँदो भदौ २५ गते राष्ट्रिय नाचघर जमलमा हुने भएको छ ।उक्त अवार्डको लागि श्रावन महिनाभरि आवेदन फारम खुल्ला रहेको छ भने भदौको दोश्रो हप्ताभित्र टप ५ मनोनयन सार्वजनिक गरिने जानकारी आयोजक सस्थाका अधक्ष्य सन्दिप महतले जानकारी गराएका छन् । विगत लामो समयदेखि नेपालको विभिन्न जिल्लाहरुमा औधोगिक व्यापार मेला महोत्सब तथा सांगीतिक कार्यक्रम आयोजना गरी सयौं कलाकारहरुलाई स्टेज प्रदान आएको सस्था औधोगिक शान्ति नेपाल सस्थाले सांगीतिक क्षेत्रमा नया आयाम थप्नको लागि तथा सांगीतिक व्यक्तित्वहरुलाई सम्मान गर्नका लागि म्युजिकका विभिन्न विधातर्फ ‘औधोगिक शान्ति नेपाल म्युजिक अवार्ड २०७६’ गर्ने भएको हो । म्युजिक अवार्ड आबेदनको लागि दर्ता फारम खुल्ला रहेको छ । जसका लागि २०७५ बैशाखदेखि २०७५ चैत अन्तिमसम्मका गीत संगीत समावेश गरिने भएको छ भने नवप्रतिभाको हकमा २०७५ भित्र गीत निकालेको हुनुपर्ने छ । सन्दिप महतको अधक्ष्यतामा हुने यस अवार्ड कार्यक्रमको संयोजक तथा कार्यक्रम निर्देशक सुर्य चन्द रहेका छन् । उत्कृष्ट नवप्रतिभा, रचनाकार, लोक तथा दोहोरी गायक पुरुष–महिला, राष्ट्रिय गीत, पप–आधुनिक–प्ले व्याक सिंगर गायक र गायिका, भाषा भाषिका गीत म्युजिक भिडियो, एल्बम लगायत विभिन्न विधामा अवार्ड प्रदान गरिने छ  । औधोगिक शान्ति नेपाल सस्था कला साँस्कृतिक कार्यक्रम, ब्यापार मेला महोत्सवको लागि एक चिरपरिचित सस्था हो । देशभरका विभिन्न जिल्लामा गएर हजारौं बेरोजगार नागरिक, साना ठुला ब्यापारी, कलाकारदेखि स्थानिय बासिन्दा सम्मलाई प्रत्यक्षरुपमा रोजगारी प्रदान गर्दै राष्ट्रिय तथा स्थानीय उत्पादनलाइ प्रोत्साहन गर्दै उचित बजार व्यवस्थापन गर्दै आएको औद्योगिक शान्ति नेपाल सस्था एक युवाहरुको सस्थागत समूह हो । यस संस्थामा अध्यक्ष सन्दिप महत, उपाधक्ष्य राजकुमार खड्का, महासचिव शंकर गुरुङ, कोषाधक्ष्य प्रितम मल्ल, मिडिया तथा कलाकार संयोजक सुर्य चन्द तथा सचिवालय व्यवस्थापक बिनोद जैसवाल, कार्यालय सचिब बिमल सुर्खेती रहेका छन । स्थानिय धार्मिक, साँस्कृतिक तथा पर्यटन क्षेत्रलाइ समेत प्रवर्धन गर्दै आन्तरिक तथा बाह्य पर्यटनलाइ समेत वृद्धि गर्दै सस्थामा आबद्द युवाहरु गायक, गायिका, हाँस्य कलाकार, तथा अन्य कलाकारका समेत प्रिय बनेका छन । साँस्कृतिक मेला महोत्सवले गर्दा कलाकारहरुले समेत रोजगारी पाउदै आएका छन् । विभिन्न महोत्सव तथा सास्कृतिक कार्यक्रम गर्दै आएको सस्था औद्योगिक शान्ति नेपाल सस्थाले सांगीतिक क्षेत्रको बृहत्तर हितको लागि तथा सांगीतिक क्षेत्रमा समर्पित भएका व्यक्तित्वहरुको लागि सम्मान तथा अवसरको लागि ‘औद्योगिक शान्ति नेपाल म्युजिक अवार्ड २०७६’ गर्न लागेको हो । अवार्डमा नेपाली गीत संगीतको क्षेत्रमा योगदान पुर्याएका एक जना विशिष्ट व्यक्तिलाई लाईफ टाइम अचिभमेन्ट अवार्ड प्रदान गरिने छ भने नेपाल कला क्षेत्रमा कलम चलाउने पत्रकारलाई समेत सम्मान गरिने आयोजक संस्थाले जनाएको छ । यसका साथै समाजका विभिन्न प्रतिष्ठित व्यक्तिलाइ सम्मान समेत प्रदान गरिने भएको छ । औद्योगिक शान्ति नेपाल सस्थामा आवद्ध रहेर ब्यापार व्यवसाय गर्दै आएका पाँच उत्कृष्ट व्यापारीलाई समेत अवार्ड प्रदान गरिने कुरा सस्थाका उपाधक्ष्य राजकुमार खड्काले जानकारी गराएका छन् । “औधोगिक शान्ति नेपाल म्युजिक अवार्ड २०७६” को लागि आबेदन फर्म भर्न चाहने इच्छुक गायक गायिकाले क्रियटिभ इन्साइट मिडियाको कार्यालय बागबजारमा सम्पर्क गरेर आवेदन फर्म भर्न सक्नेछन् ।

काठमाडौं, साउन १ । अभिनेत्री शिल्पा पोखरेल अभिनित ‘उनकै कुरा हुन्छ’ बोलका गीतको म्यूजिक भिडियो सार्वजनिक भएको छ । भिडियो अभिनयमा शिल्पाको जोडी अमृत सुनार (अभी) बनेका छन् । राजकुमार बगरको शब्द, संगीत रहेको गीतमा सुरेन चन्दको एकल स्वर सुन्न सकिन्छ । भिडियो संगीत सागरले निर्देशन गरेका हुन् । रोहित कार्कीको छायाँकन तथा पदम सुवेदीको सम्पादन रहेको भिडियोमा माया प्रेमका प्रसङ्ग देखाउन खोजिएको छ ।

शेरेकी श्रीमतीः बिहान म तौलिया बेरेर बाथरुमबाट आउँदै थिए, एक्कासि हजुरको दाइ आइपुग्नुभयो, शेरेः लौ मरिछे, अनि ।।।।अनि के गरिस त ? श्रीमतीः अनि के गर्नु नि हिजो अस्ति जे गर्थें त्यही गरें नि।।।।।जेठाजु जस्तो मान्छे आउँदा।।।।।हत्त न पत्त तौलिया फुकालेर टाउको छोपे नि,।।।।म पनि कुल घरानकी छोरी पो हुँ त, अलिकति संस्कार त ममा पनि छ।।।।

काठमाडौं, असार २८ । चलचित्र विकास बोर्डको १९औं वार्षिकोत्सवका अवसरमा २०७६ असार २७ गते शुक्रबारका दिन राष्ट्रपतिको कार्यालय, शीतल निवासमा सम्माननीय राष्ट्रपति विद्यादेवी भण्डारीको प्रमुख अतिथ्यता तथा सञ्चार तथा सूचना प्रविधिमन्त्री गोकुल बाँस्कोटाको विशिष्ट आतिथ्यतामा निम्नानुसारका चलचित्रकर्मीहरुलाई वि.सं. २०७३, २०७४ र २०७५ सालको राष्ट्रिय चलचित्र पुरस्कार तथा दीर्घ साधना सम्मानबाट पुरस्कृत गरिएको छ । सो अवसरमा मन्त्रीबाट कार्यक्रमलाई स्वागत मन्तव्य दिएका थिए । कार्यक्रममा राष्ट्रपतिले समग्र चलचित्र क्षेत्रको विकास, विस्तार र प्रवद्र्धनका लागि यस पुरस्कार तथा सम्मान कार्यक्रमले प्रभाव पुग्ने र सबै चलचित्रकर्मीहरुमा थप हौसला र प्रेरणा मिल्ने अपेक्षा लिएको कुरा आफ्नो मन्तव्य राखे । अझ बढी चलचित्र क्षेत्रको विकास प्रवद्र्धन गर्नका चलचित्रकर्मीहरुमा हौसला दिने कुरा आफ्नो मन्तव्यमा राखे । राष्ट्रिय चलचित्र पुरस्कारबाट पुरस्कृत सबै चलचित्रकर्मीलाई जनही रु. २५,०००।– नगद राशी, प्रमाणपत्र र ट्रफीबाट सम्मान गरियो । साथै दीर्घ साधना सम्मानबाट सम्मानित हुने वरिष्ठ चलचित्रकर्मीहरुलाई जनही रु. ३५१,१११।– (तीन लाख एकाउन्न हजार एक सय एघार रुपैयाँ नगद राशी, ताम्रपत्र तथा दोसल्ला ओढाई सम्मानित गरियो । कार्यक्रममा तीन वर्षका जुरी सदस्य टोलीलाई प्रमाणपत्रबाट सम्मान गरियो । कार्यक्रमको शुरुवातमा नेपाली चलचित्रको विभिन्न कालखण्डका उत्कृष्ट गीतहरुमा आधारित रहेर तयार पारिएको नृत्य प्रस्तुति गरिएको थियो । यस प्रस्तुतिमा विगतदेखि वर्तमानसम्मका कलाकारहरुको संलग्नता रहेको थियो । यस नृत्यको संयोजन तथा निर्देशन वरिष्ठ नृत्य निर्देशकहरु– वसन्त श्रेष्ठ, राजु शाह, कमल राई, गोविन्त प्रभात, कविराज गहतराज, दिपेन्द्र तिमल्सिनाले गरेका थिए । कार्यक्रमको कृतज्ञता ज्ञापन तथा समापन बोर्ड अध्यक्षज्यूले गरेका थिए ।

काठमाडौं । हिन्दू महिलाको महान् चाड हरितालिका तीज आउने समय धेरै पनि बजारमा भने नयाँनयाँ तीज गीत सुनिन थालिसकेका छन् । यसैबीच गायक सूर्य खड्का, निर्मल क्षेत्री र गायिका सीता श्रेष्ठको स्वर रहेको ‘सारी फरर..’ बोलको तीज गीत बजारमा आएको छ । गीतमा अहिलेकी चर्चित मोडल अञ्जिली अधिकारीलगायतको नृत्य देख्न सकिन्छ https://youtu.be/dg-70wEC-7Y

एजेन्सी । अक्षय कुमार, सुनिल सेट्टी, नसिरुद्दीन शाह र रबिना टण्डन स्टार फिल्म मोहराले आफ्नो रिलिजको २५ वर्ष पुरा गरेको छ । फिल्मको एक्सन सिक्वेन्स र गीतहरु विशेष चर्चामा रहे । ‘ती चीज बडी हे मस्त मस्त’ र ‘टिप टिप बरसा पानी’ आज पनि बलिउडको सबैभन्दा चर्चित गीतमध्ये पर्छन् । यो गीतमा अक्षय कुमार र रबिना टण्डनको शानदार केमेस्ट्रि देखिएको थियो । रणवीर सिंहले यसै गीतसँग जोडिएको एउटा रोचक किस्सा सेयर गरेका छन् । रणवीरले राजिव मसन्दसँगको अन्तरवार्तामा भनेका छन्, ‘मेरा केजी कजिन क्यानडाबाट आएका थिए र सबैजना अक्षय कुमारका ठूला फ्यान । सबैले अक्षय कुमारलाई हेर्न जिद्दी गरिरहेका थिए । मेरा पिता बलिउडका केही निर्मातासँग नजिक हुनुहुन्थ्यो त्यसकारण हामीलाई अक्षय कुमारले रबिना टण्डनसँग टिपटिप बरसा पानीको सुटिङ गरिरहेको भन्ने कुरा थाहा पाउन गाह्रो भएन । उनी थप्छन्, ‘सुटिङ हेर्न हामी सबै गयौं । सेटमा रबिनालाई देखेर म हैरान भएँ । मैले आफ्नो जीवनमा यति सुन्दर युवती देखेको थिइनँ र उनलाई एकटक हेरिरहेँ । मलाई थाहै भएन कि रबिनलाई मेरो हेराइले असहज महसुस भइरहेको थियो । मलाई सेटबाट निकालिएपछि मात्रै यसबारे थाहा भयो । रणवीरले थपे, ‘म निकै मोटो थिएँ, दाँतमा ब्रेसेज बाँधिएको थियो र मेरो फुटबल खेलाडी रोनाल्डोजस्तो हेयरकट थियो । सेटबाट निकालिएपछि मलाई एकदम नरमाइलो लाग्यो किनभने म ठूलो आशा बोकेर सुटिङ हेर्न पुगेको थिएँ । मलाई उदास देखेर अक्षय कुमार म भएठाउँ आएका थिए र उनले मेरो हौसला बढाउनका लागि मेरो कपाल मनपरेको बताए ।’ अक्षयले यस्तो भनेपछि आफू फुरुङ्ग भएकमो रणवीरले बताए । त्यसपछि यी दुईले सँगै फोटो खिचेको तर रबिनासँग तस्बिर खिच्न असमर्थ भएको बताए ।

काठमाडौंं, असार १३ । गायक रुपक डोटेल र गायिका प्रविसा अधिकारी उत्कृष्ट ठहरिएका छन् । राजधानीको जमलस्थित राष्ट्रिय नाचघरमा आयोेजित ‘योङ माइन्डस् इन्टरटेनमेन्ट अवार्ड २०७६’मा गायनतर्फ भने रुपक र प्रविसा उत्कृष्ट ठहरिएका हुन् । कार्यक्रममा अभिनेत्री शिल्पा पोखरेल उत्कृष्ट मोडलसमेत घोषित भइन् । शिल्पाले पप तथा मोडन बिधामा उत्कृष्ट फिमेल अवार्ड हात पारेकी हुन् । यही विधाअन्तर्गत बेष्ट मोडल पुरुषको उपाधि भने अभिनेता बिनोद न्यौपानेले हात परे । योङ माइन्डस् इन्टरटेनमेन्ट आयोजक रहेको अवार्ड समारोह नेपाली गीत, संगीत तथा त्यसका श्रष्ठाहरुलाई सम्मान तथा पुरस्कृत गर्ने उदेश्यले आयोजना भएको थियो । अवार्डमा करिब ५ दर्जन कलाकर्मी तथा उनीहरुका श्रृजना र पत्रकार समेत पुरस्कृत भए । , को–को ले पाए अवार्ड दोहोरी तर्फ बेष्ट नवगायकः गणेश अधिकारी बेष्ट नवगायिकाः सिता श्रेष्ठ (इज्जत) बेष्ट नवगायिका इन्करेजमेन्ट अवार्डः रीना केसी (भंगेरी) बेष्ट नवसंगीतकारः अमित बाबु रोकाया (तगारो) बेष्ट नवगीतकारः समना शाही (शुभकामना) बेष्ट नवगीतकार इन्करेजमेन्टः प्रिया शेर्पा (आमा) बेष्ट शब्दः कस्तुप पन्त (डाली सुकेर) बेष्ट संगीकारः शिव हमाल (लाग्छ माया) बेष्ट संगीकार जुरी अवार्डः केसव सापकोटा बेष्ट गायिकाः सुरेस रमन अधिकारी बेष्ट गायकः सम्झना भण्डारी बेष्ट नव मोडल फिमेलः सुस्मिता सापकोटा बेष्ट नवमोडल फिमेलः गीता केसी बेष्ट नवमोडल मेलः विजय कुवर फिमेल बेष्ट नवमोडल मेल इन्नकरेजमेन्टः बिपेश घिमिरे बेष्ट मोडल फिमेलः सारिका केसी बेष्ट मोडल फिमेल जुरीः दीपासा बिसी बेष्ट मोडल मेलः असिर प्रताप जंग बेष्ट छायाकारः करण चैसिर बेष्ट सम्पादकः प्रविन भट्ट बेष्ट नवनिर्देशकः मौसम हिमाल बेष्ट निर्देशकः स्मृति तिमेल्सिना बेष्ट निर्देशक जुरीः कपिल लामा बेष्ट प्रोडक्सन हाउसः साई भिजन पप मोडन बेष्ट नवगायकः आशिस सचिन बेष्ट नवगायिकाः भावना आचार्य बेष्ट नवगायिका इन्करेजमेन्टः बिन्दु पौडेल बेष्ट नवगीतकारः दीपेन्द्र खड्का बेष्ट नवसंगीतकारः दीपक बिश्वकर्मा बेष्ट गतिकारः डा. डिआर उपाध्याय बेष्ट गीतकार जुरीः दीपक राज पाठक बेष्ट संगीतः दीपक बज्राचार्य मोडन तर्फ बेष्ट गायकः प्रमोद खरेल बेष्ट गायिकाः मल्लिका कार्की बेष्ट संगीतकारः सन्तोस श्रेष्ठ बेष्ट संगीतकारः नागेन्द्र श्रेष्ठ बेष्ट म्युजिक एरेन्जरः आशिश अभिरल बेष्ट म्युजिक एरेन्जर दोहोरीः हेमन्त शिशिर फिल्म तर्फ बेष्ट म्युजिकः दीपक शर्मा बेष्ट म्युजिक जुरीः अर्जुन पोखरेल बेष्ट गीतः गणेश शाह बेष्ट पाश्रगायिकाः प्रविशा अधिकारी बेष्ट पाश्र्र गायकः रुपक डोटेल बेष्ट गायिकाः सोना अमात्य बेष्ट गायिका जुरीः श्रृजना खत्री बेष्ट गायकः हिमाल सागर बेष्ट रेकडिष्टः कृष्ण कुमार महर्जन बेष्ट युगल गीतः प्रेम लाउने बेष्ट राष्ट्रिय गीतः पुष्प खनाल बेष्ट राष्ट्रिय गीत जुरीः कृष्ण प्रसाद दाहाल बेष्ट एल्बमः साहिली बेष्ट नवमोडल फिमेलः नग्मा श्रेष्ठ बेष्ट नवमोडल फिमेल इन्नकरेजमेन्टः पुनम थापा बेष्ट नवमोडल मेलः आकाश मगर बेष्ट नवनिर्देशक पप मोडनः प्रदीप रसाइली बेष्ट नवनिर्देशक पप मोडनः जस यका बेष्ट मोडल मेलः बिनोद न्यौपाने बेष्ट मोडल फिमेलः शिल्पा पोखरेल बेष्ट क्यामरामेनः बुद्ध थापा बेष्ट सम्पादकः बिकाश दाहाल बेष्ट भिडियो निर्देशकः प्रकाश धिताल बेष्ट र्यापरः अराज केशव इन्करेजमेन्ट अवार्ड मोडल सृजना बिसी मोडल कशिश दाहाल गायिका श्रृजना खत्री मोडल आश्मा गिरी फिल्मी गीतकार हरि उप्रेती गायक बिरेन्द्र श्रेष्ठ गायिका नारायणी थापा मोडल समिर खान मोडल अश्मिता पुरी मोडल बिकाश लामिछाने गायिका मोडल पुजा गुरुङ ‘लाइफटाइम अचिभमेन्ट अवार्ड’ बरिष्ठ कलाकार जयनन्द चन्द ‘राष्ट्रिय गायन सम्मान’ राष्ट्रिय गीतका शर्जक ब्याकुल माइला पत्रकारीता सम्मान रंगपत्रकार शान्ती प्रिय कृष्ण भट्टराई लक्ष्मण सुवेदी

काठमाडौं, वैशाख ३० । केट्स इन्टरटेन्मेन्ट तथा पद्मा फिल्मस् प्रालिले संयुक्तरुपमा राजधानीको प्रज्ञा भवनमा आयोजना गरेको ‘द सुपर मम’को बिजेता बन्न सफल भईन भक्तपुर निवासी एमी कर्माचार्य । विभिन्न चरण पार गर्दै ‘द सुपर मम’को अन्तिम प्रतिश्प्रधामा १६ जना प्रतिस्पर्धीहरुले भाग लिएका थिए । अन्य १५ प्रतिस्पर्धीहरुलाई उछिन्दै उनले उक्त विजेताको ताज जित्न सफल भएकी थिइन् । त्यसैगरी फर्स्ट रनरअप अमृता शर्मा र सेकेन्ड रनरअपमा बाला राइ भएका थिए। प्रमुख अतिथि उद्योगपति साहित्यकार वसन्त चौधरीको उपस्थितिमा सम्पन्न भएको द सुपर ममको निर्णायक मण्डलीमा नेपालको प्रथम नायिका भुवन चन्द, रागिनी उपाध्याय, बाबा सरकार श्रेष्ठ, संचारकर्मी सुर्य चन्द, सन्ध्या पहाडी, बिशाल पहाडी र भुषण श्रेष्ठ रहेका थिए । प्रतियोगिताका लागि भाग लिएका प्रतियोगीहरुलाइ एक महिनासम्म विशेष प्रशिक्षण प्रदान गरिएर उनीहरुलाई अन्तिम प्रतिस्पर्धामा उतारिएको आयोजक सस्थाको प्रमुख पुजना प्रधानले बताएकी छिन् । मोडल कोरियोग्राफर ट्रेनर उरुषा जोशीद्वारा प्रतिस्पर्धीहरुलाई सञ्चार दक्षता, एमसीइङ, पब्लिक स्पिकिङ, व्यक्तित्व विकासको कक्षा, आत्मविश्वास अभिवृद्धि गराउने कक्षा, मोटिभेसन क्लास तथा व्यक्तित्व विकास सम्बन्धि विषयमा प्रशिक्षण गराइएको जानकारी आयोजक प्रधानले गराइन् । प्रतियोगितामा ‘द सुपर मम’ले ताजसहित स्कुटी, दोस्रोले ४३ इन्चको टेलिभिजन र तेस्रो हुनेले वासिङ मेसिन प्राप्त गरेका थिए । विवाह गर्नु र बच्चा जन्माउनु जीवनको अन्त्य होइन, यो त सुन्दर सुरुवात हो । आउनुहोस् हामी मञ्चमा उभिएर सुपर आमा बनेर देखाउँ भन्ने उद्देश्यले यो प्रतियोगिता गरिएको कार्यक्रम आयोजक नायिका पुजना प्रधानले बताइन् ।

काठमाडौं, वैशाख २९ । लोकप्रिय रियालिटी शो ‘को बन्छ करोडपति’ मा पहिलो पटक विराटनगरका राजिव जैनले एक करोड रूपैयाँ जित्दै कीतिृमान बनाएका छन् । अहिलेसम्मका सहभागीले ६ लाख ५० हजार मात्रै जितेकोमा उनले एक करोड जितेका हुन्। राजीवले शनिबार प्रसारित कार्यक्रममा १३ प्रश्न मिलाएर २५ लाख जितेका थिए। शनिबार समय नपुगेको भन्दै प्रस्तोता महानायक राजेश हमालले आजका लागि बाँकी भाग सारेका थिए। शनिबार समय नपुगेर सकिएको यो कार्यक्रमा आइतवार बाँकी २ प्रश्नको उत्तर मिलाउँदै राजीवले एक करोड जितेका हुन् । १४ औँ प्रश्न ५० लाख रूपैयाँको थियो भने १५ औँ प्रश्न एक करोड रूपैयाँको थियो । राजीवले २५ लाख रूपैयाँ जित्नुअघि नै तीनवटै लाइफ लाइन सकिएका थिए । उनले बाँकी २ प्रश्न आफ्नै बुद्धिले मिलाएर एक करोड रूपैयाँ मिलाएका हुन्।  

बाजुरा, वैशाख २६ । नायक राजेश हमालले युवालाई समृद्धिको प्रमुख स्रोतका रुपमा व्याख्या गरेका छन् । बाल स्याहारगृहको उद्घाटनका लागि बुधबार बाजुराको ब्रह्मतोला आएका नायक हमालले युवाको ऊर्जा देशको विकासमा खर्चिनुपर्ने बताएका हुन् । केपी खनालले अनाथ बालबालिकाका लागि निर्माण गरेको बाल स्याहारगृहप्रति लक्षित गर्दै केपी खनाल सबैको प्रेरणाको स्रोत हुनुपर्ने हमालको भनाइ थियो । बहुसङ्ख्यक युवामा प्रतिभा भए पनि अवसर नपाएर शक्ति खेर गएको उनको भनाइ थियो। उनका अनुसार अवसरको कमी छ, राज्यले त्यसको प्रत्याभूति दिन सके युवाशक्तिलाई समृद्धिका लागि प्रयोग गर्न सकिन्छ। ‘जीवन आफ्ना लागि सबैले बाँच्न सक्छन्, तर अरुका लागि केही गरेर मर्नु नै महानता हो’ हमालले भने। पूर्वमन्त्री एवं नेपाल कम्युनिष्ट पार्टी (नेकपा) सुदूरपश्चिम प्रदेश कमिटी अध्यक्ष कर्णबहादुर थापाले अनाथको अभिभावक हुने सौभाग्य प्राप्त गर्ने परोपकारी व्यक्तित्व समाजका ‘आइडल’ भएको बताए। गृह निर्माणकर्ता एवं अभियानकर्मी खनालले साझा हित र परोपकारी कार्य राजनीतिक आस्था र स्वार्थभन्दा माथि राखेर गर्न आग्रह गरे। क्लिन काष्ठमाण्डप अभियानका खनालले बाजुराजस्तो दुर्गम क्षेत्रमा आएर अनाथका लागि आश्रम बनाउन पाउँदा निकै खुशी लागेको बताए । खनालले ग्रिनसिटी अस्पतालका अध्यक्ष एवं समाज सेवी लोकबहादुर टण्डन र कलाकार राजेश हमालको साथकै कारण अनाथ आश्रम बनाउन सफल भएको बताए। बाल स्याहारगृह अघिल्लो वर्षको वैशाख २५ गते शिलान्यास गरिएको थियो भने उद्घाटन पनि सोही दिन गरिएको हो। भवन ५० लाख रुपैयाँ भन्दा बढी लागतमा निर्माण गरिएको हो। रासस

ईटहरी, वैशाख १५ । मोफसल ईटहरीबाट संचालित पूर्वको कला र मनोरञ्जनको एकमात्र डिजिटल मिडियाको रुपमा परिचित डिथ्री अनलाइनले औपचारिकताको पहिलो वर्ष पूरा गरेको छ । गतवर्षको गत वैशाख १३ गते ईटहरीस्थित धरानलाईनमा प्रधान कार्यालय स्थापना गरेर औपचारिक रुपमा सुरु भएको डिथ्री अनलाइनले एक भव्य कार्यक्रमको आयोजना गरी वार्षिकोत्सव मनाएको हो ।  वार्षिकोत्सव कार्यक्रमबाट ५ जना कला क्षेत्रका व्यक्तित्वहरु सम्मानित समेत भएका छन् । १६ वर्षको उमेरदेखि नेपाली चलचित्र क्षेत्रमा अनवरतरुपमा लागिरहेका नायिका संचिता लुइँटेल, मोफसलबाट कलाकारितालाई काफ्नो कर्मथलो बनाउँदै ठूलो पर्दाको स्थानीय र राष्ट्रिय चलचित्रहरुमा आफ्नो अभिनय प्रस्तुत गरेका नायक तथा कलाकार माधवब केसी सम्मानित भएका हुन् । यस्तै इन्डियाको टेलिभिजन जिटिभीबाट प्रसारण हुने चर्चित गायन रियालिटी शो ‘सारेगमप लिटिल च्याम्प्स’मा पुगेर आफ्नो कला र गलालाई प्रस्तुत गर्दै सबैको प्रिय बनेका ईटहरी स्थायी घर भएका प्रीतम आचार्य, इटहरीबाट कला ब्यवसायको रुपमा ‘मार्टिना मेकअप स्टुडियो’ स्थापना गरी छोटो समयमा सफलता हासिल गरेकी उर्वि श्रेष्ठ र रङ्ग पत्रकारितामा बिगत लामो समयदेखि खटिरहेका दन्तकाली एफएम धरानका कृष्ण भुजेल सम्मानित भएका हुन् । ईटहरीमा अवस्थित संगीत साधना प्रतिष्ठानका महासचिव राजु केसीको प्रमुख आतिथ्य, परिकला मिडिया प्राली तथा डिथ्री अनलाइनका संचालक सुवास संकल्पको सभापतित्वमा सम्पन्न भएको कार्यक्रम २ बजेदेखि सुरु भएको थियो । ईटहरीको त्रियुगा होटलमा भएको कार्यक्रममा सम्मानसँगै परिकलाको आयोजनामा भएको ‘मिडिया तथा प्रस्तुतीकरण’ तालिमको सहभागीहरुलाई प्रमाणपत्र वितरण समेत गरिएको थियो । कार्यक्रममा डिथ्रीका संचालक संकल्पको जन्मदिन पनि परेकोले पहिलो वार्षिकोत्सब संगै जन्मदिनको गरी २ ओटा केक काटिएको थियो ।  

काठमाडौं, वैशाख १५ । दुई दिनअघि बजारमा आएको नेपाल आइडल रवि ओडको दोस्रो सांगीतिक कोसेली ‘दुई कौडीको बुद्धि…’ बोलको गीत युट्युब ट्रेन्डिङमा पुगेको छ । युट्युबमा सार्वजनिक भएको दुई दिनभित्रै रविको यो गीत  ट्रेन्डिङमा पुगेको हो । आइतबार बिहानसम्म रविको यो गीत युट्युब ट्रेन्डिङको ५० नम्बरमा आएको छ । साथै, ३ लाख ६२ हजार बढी पटक हेरिएको छ ।  यो गीतमा उनीसँगै चर्चित गायिका मेलिना राइले आवाजमा साथ दिएकी छन् । गीतमा लत्ता घैरेको शब्द, भीम बीसी, ललित पौडेलको संगीत र ऐरेन्ज उदयराज पौडेलको छ । यस्तै, रविको यो गीतमा वर्षा रावत र रञ्जित पौडेलको अभिनय छ । भिडियोको सम्पादन विकास धमाला, छायांकन बुद्ध थापा र निर्देशन निकेश खड्काले गरेका छन् । केही हप्ता अघि मात्रै रविको मिठो बोलीले’ बोलको गीत सार्वजनिक भएको थियो ।

काठमाडौंं, वैशाख १२ । दोस्रो ‘योङ माइन्डस् इन्टरटेनमेन्ट अवार्ड २०७६’ को उत्कृष्ट पाँच मनोनय सूची सार्वजनिक भएको छ। आयोजक योङ माइन्डस् इन्टरटेनमेन्ट प्राली ४८ बिधामा उत्कृष्ट ५ मनोनयन सूची सार्वजनिक गरेको हो । नेपाली गीत, संगीत तथा त्यसका श्रष्ठाहरुलाई सम्मान तथा पुरस्कृत गर्ने उद्देश्यले आयोजना हुन लागेको यो अवार्डमा आयोजकले निःशुल्क आवेदन भन्ने ब्यवस्था गरेको थियो । प्रोत्सान र जुरी अवार्डसहित कुल ४८ बिधामा बितरण गरिने अवार्डमा २०७५ वैशाखदेखि फागुन मसान्तसम्म बजारमा आएका गीत–संगीतको सहभागिता रहेको छ । अवार्ड वितरण मिति केही दिनमा एक कार्यक्रमसहित घोषणा गर्ने आयोजक आयोजक योङ माइन्डस् इन्टरटेनमेन्टका मुनाल सिसिर कोइरालाले बताए । अवार्डमा मोटिङको ब्यवस्था पनि गरिएको छ । भोठिङका लागि ३५००५ मा भोटिङ कोड लेखेर एसएमएस गर्नु पर्नेछ ।