उरुग्वे र फ्रान्स भिड्दै, कुन टिम अगाडि बढ्ला ? यस्तो छ विगत

उरुग्वे र फ्रान्स भिड्दै, कुन टिम अगाडि बढ्ला ? यस्तो छ विगत

रसियामा जारी २१ औं संस्करणको विश्वकप फुटबल करीब अन्तिम चरणमा पुगेको छ । आजबाट अन्तिम ८ का खेल अर्थात क्वाटरफाइनलका खेल शुरु हुँदैछन् ।

क्वाटरफाइनल अन्तर्गत आज राति पौने ८ बजे उरुग्वे र फ्रान्सबीच खेल हुने छ । भने आजै राती पौने १२ बजे हुने अर्को खेलमा पाँचौ पटकको विश्व विजेता ब्राजिल र बेल्जियम आम्नेसाम्ने हुने छन् ।

समूह चरणमा गोल नखाएर शतप्रतिशत जित निकाल्दै अन्तिम १६ मा पुगेको उरुग्वे जारी विश्वकपमा सशक्त टोली हो । उसले प्रिक्वाटरफाइनलमा पोर्चुगललाई २–१ ले पराजित गरेको थियो ।

दुई पटकको विजेता उरुग्वे यस पटक पनि उपाधिको दाबेदार देखिएको छ । उसको अट्याक र डिफेन्स चुस्त छ ।

तर फ्रान्सविरुद्ध उरुग्वेका स्टार खेलाडी कप्तान एडिन्सन काभानी मैदानमा उत्रिन्छ कि बाहिरै हुनेछन त्यो निश्चित छैन । उनी पोर्चुगलसँगको खेलमा घाइते भएका थिए ।

अन्तिम १६ को खेलमा लियोनल मेसीको अर्जेन्टिनालाई ४–३ ले पराजित गर्दै क्वार्टरफाइन पुगेको हो फ्रान्स । फ्रान्स समूह चरणमा एक बराबरी र दुईमा जीत निकाल्दै अन्तिम १६ मा पुगेको थियो ।

विश्वकपमा यसअघि तीन पटक उरुग्वे र फ्रान्सबीच खेल भएको थियो । पहिलो पटक सन १९६६ मा उनीबीच खेल भएको थियो । जसमा फ्रान्स विजयी भएको थियो । भने सन २००२ र २०१० मा भएका दुबै खेल बराबरीमा सकिएकोथियो ।

उरुग्वे सन १९३० को पहिलो विश्वकपको विजेता हो । उसले दोस्रो पटक सन १९५० मा उपाधि उचालेको थियो ।

साथै फ्रान्सले सन १९९८ मा जिनादेन जिदानको नेतृत्वमा पहिलो पटक विश्वकम उपाधि जितेको थियो ।

रियल म्याड्रिडले रच्यो इतिहास, लिभरपुललाई हराउँदै उचाल्यो यूरोपियन च्याम्पियनशीपको ट्रफी

काठमाडौं । रियल म्याड्रिडले १४ औं पटक युरोपियन च्याम्यिन्स लिगको उपाधी जित्ने इतिहास रचेको छ । आज राती भएको उपाधि खेलमा लिभर पुललाई १ ० ले हराउँदै रियल म्याड्रीडले ट्रफी उचालेको हो । स्टेडियम बाहिर दर्शकहरुबीच झडप भएको कारण ३७ मिनेट ढिला सुरु भएको लिगमा भिनिसियस जुनियरले ५९ औं मिनेटमा हानेको गोल नै रियल म्याड्रिडको इतिहास रच्न पुगेको हो । योसँगै म्याड्रिडका कोच कार्लो एन्सेलोट्टीले समेत चारपटक च्याम्पियन्स लिग जिताउन सफल कोचको रेकर्ड कायम राखेका छन् ।  

नेपालले ओमान र टिमोर लिस्टेसँग मैत्रीपूर्ण फुटबल खेल्ने

नेपालले ओमान र टिमोर लिस्टेसँग कतारको दोहामा मैत्रीपूर्ण फुटबल खेल्ने भएको छ । एएफसी एसियन कप छनोटअघि नेपालले मैत्रीपूर्ण खेल खेल्न लागेको हो । कतार फुटबल सङ्घले बुधबार मैत्रीपूर्ण खेलबारे तालिका सार्वजनिक गरे अनुसार नेपालले यही जेठ १४ गते टिमोर लिस्टेसँग तथा जेठ २० गते ओमानसँग मैत्रीपूर्ण खेल खेल्ने तय भएकोछ । कतारमा मैत्रीपूर्ण खेल खेलेपछि नेपाली टोली त्यतैबाट कुवेत जाने छ । नेपाल एएफसी एसियन कप, २०२३ तेस्रो चरण छनोटको समूह ‘ए’ मा रहेको छ । उक्त समूहमा कुवेत, इन्डोनेसिया र जोर्डन छन् । छनोट खेलहरु जेठ २५ देखि ३१ गतेसम्म सञ्चालन हुनेछन् । नेपालले पहिलो खेल जेठ २५ गते जोर्डनसँग खेल्ने तय भएको छ । नेपालले दोस्रो खेल जेठ २८ गते कुवेतसँग तथा अर्को खेल जेठ ३१ गते इन्डोनेसियासित खेल्नेछ ।

राष्ट्रिय महिला फुटबल लिगको दोस्रो संस्करण आजबाट चितवनमा सुरू हुँदै

काठमाडौं । राष्ट्रिय महिला फुटबल लिगको दोस्रो संस्करण आजबाट चितवनमा सुरू हुँदैछ । भरतपुरस्थित शारदानगरमा रहेको मैदानमा हुने उद्घाटन खेलमा साविक विजेता एपिएफ क्लब र उपबिजेता त्रिभुवन आर्मी क्लब भिड्नेछन् । खेल दिउँसो ४ बजे सुरू हुनेछ । डबल राउण्ड रोबिनको आधारमा हुने लिगको पहिलो चरणका २८ खेलहरु चितवनमा हुनेछन् । यसैगरी, दोस्रो चरणका २८ खेल विराटनगरमा हुनेछ । यस पटक लिगमा तीन विभागीय टोली त्रिभुवन आर्मी क्लब, नेपाल पुलिस क्लब र सशस्त्र प्रहरी बल (एपिएफ) सँगै ८ टिम सहभागी छन् । धनगढी, चन्द्रपुर, विराटनगर, वालिङ र ललितपुर उपमेयर कपबाट महिला लिगका लागि छनौट भएका हुन् । सबै टिमले चार विदेशी खेलाडी खेलाउन पाउनेछन् । लिग विजेताले २० लाख र दोस्रो हुने टोलीले १० लाख रुपैयाँ पुरस्कार पाउनेछ । तेस्रो हुने टोलीले ५ लाख तथा चौथोले ३ लाख रुपैयाँ प्राप्त गर्ने एन्फाले जानकारी दिएको छ । यस्तै, फेयर प्ले टिमले १ लाख रुपैयाँ पाउनेछ । लिगको सर्वोकृष्ट खेलाडीले स्कुटर, उत्कृष्ट गोलरक्षक र उत्कृष्ट स्ट्राईकरले समान ५०/५० हजार तथा उदयमान खेलाडीले २५ हजार प्राप्त गर्नेछन् । हरेक खेलको प्लयर अफ दि म्याचले दश हजार प्राप्त गर्नेछन् । लिग सम्पन्न गर्न दुई करोड ६४ लाख खर्च हुने एन्फाको अनुमान छ ।

बिमल घर्तीमगरले गरे नेपालका लागि पहिलो गोल

काठमाडौं । नेपाल र मरिससबीच भइरहेको अन्तर्राष्ट्रिय मैत्रीपूर्ण फूटबल खेलमा नेपालले एक गोलले अग्रता लिएको छ। खेलको ५४ औं मिनेटमा नेपालका लागि विमल घर्तीमगरले गोल गरेका हुन्।

लोकप्रिय