नेपालमा नसर्ने रोगको प्रकोप बढ्दै
काठमाडौं । नेपालमा नसर्ने रोगको प्रकोप नियन्त्रण हुन सकेको छैन । मिर्गौला, क्यान्सर, मुटुरोग र मस्तिष्कघातजस्ता रोगको बोझ बढ्दो छ । नेपाल एनसिडी एलायन्सले आयोजना गरेको ‘नसर्ने रोगसम्बन्धी मिडिया पैरवी कार्यशाला’मा वक्ताहरूले नसर्ने रोगको वृद्धिदरप्रति चिन्ता व्यक्त गर्दै यसको रोकथामका लागि नीति कार्यान्वयन र जनचेतना अभिवृद्धिमा जोड दिए । एलायन्सका सहअध्यक्ष शान्तलाल मुल्मीले विश्वव्यापी रूपमा नसर्ने रोगको प्रकोप बढिरहेको बताउँदै यसलाई नियन्त्रण गर्न प्रभावकारी नीति कार्यान्वयन आवश्यक रहेको उल्लेख गरे । यस्तै, नेपाल डाइबेटिज सोसाइटीका अध्यक्ष शिव श्रेष्ठले मधुमेह, मिर्गौला र क्यान्सरजस्ता रोगको प्रकोप नेपालमा बढ्दै गएको बताए ।
