रहेनन् इतिहासकार ज्ञानमणि नेपाल
काठमाडौं । इतिहासकार तथा प्राज्ञ ज्ञानमणि नेपालको मंगलबार निधन भएको छ । उनले लामो समयदेखि मुटुको रोगलगायत समस्या झेल्दै आएका थिए । मनमोहन कार्डिओभास्कुलर एण्ड ट्रान्सप्लान्ट सेन्टरमा नेपालको उपचार चलिरहेको थियो । शुक्रबार उनलाई सिभिल अस्पतालबाट गंगालाल हुँदै मनमोहनमा भर्ना गरे पनि सुधार हुन नसकेको उनका भाइ एकमणि नेपालले जानकारी दिए । नेपालको प्राचीन तथा मध्यकालीन इतिहासबारे गहिरो अध्ययन गरेका नेपालको ९२ वर्षको उमेरमा निधन भएको हो । उनकी पत्नीको केही वर्षअघि निधन भइसकेको थियो । उनका दुई छोरा रहेका छन् ।
