नयाँ सरकार गठनमा दम्भ नदेखाउन प्रधानमन्त्रीलार्इ प्रचण्ड र अाेलीकाे चेतावनी
कञ्चनपुर, पुस १ । नेकपा माअाेवादी केन्द्रका अध्यक्ष प्रचण्डले प्रधानमन्त्री शेरबहादुर देउवालाई भेटी गभर्नर लगायतका कुनै पनि नियुक्ति राजनीतिक सहमति बिना नगर्न प्रधानमन्त्रीलाई अाग्रह गरेका छन् । शनिबार बिहान बालुवाटारमा भएकाे भेटमा निर्वाचनले नयाँ जनादेश दिएकाे सन्दर्भमा कामचलाउ सरकारले महत्वपूर्ण निर्णय र नियुक्ति नगर्न प्रधानमन्त्रीलाई अाग्रह गरेका हुन् । भेटमा अध्यक्ष प्रचण्डले अत्यावश्यक निर्णय गर्नु परेमा राजनीतिक सहमतिमा गर्न पनि प्रधानमन्त्रिलाई सचेत गराए । प्रचण्ड र प्रधानमन्त्री देउवाबीच वार्ता चलिरहँदा एमाले अध्यक्षा केपी शर्मा अाेली पनि वालुवाटार पुगेका थिए । त्यसपछि प्रधानमन्त्री र दुई पार्टीका अध्यक्षबीच राष्ट्रियसभा गठनसम्बन्धी अध्यादेश र प्रधानमन्त्रीको राजीनामा लगायत एजेन्डामा छलफल भयाे । छलफलमा दुई पार्टीका अध्यक्षले नयाँ सरकार गठनमा दम्भ नदेखाउन प्रधानमन्त्रीलार्इ अाग्रह गरे । हिजाे प्रतिनिधिसभा र प्रदेशसभा चुनावमा सुविधाजनक बहुमत पाएका वाम गठबन्धनका दुई प्रमुख नेता एमाले अध्यक्ष केपी शर्मा ओली तथा पुष्पकमल दाहाल सरकार गठन एवं पार्टी एकता टुंग्याउन छलफलमा बसेका थिए । ओली-दाहालले देउवा नेतृत्वको कामचलाउ सरकारले धमाधम नियुक्ति गरेको विषयमा छलफल भएको थिए ।
