साम्यवादको युग अन्त्य भयो : पौडेल
कपिलवस्तु, मंसिर १२ । नेपाली काँग्रेसका वरिष्ठ नेता रामचन्द्र पौडेलले वाम गठबन्धनले विश्वबाटै अन्त्य भएको साम्यवाद ल्याउन खोजेको बताएका छन । कपिलवस्तुको तौलिहवामा मंगलबार काँग्रेस जिल्ला कार्यसमितिले आयोजना गरेको चुनावी सभालाई सम्बोधन गर्दै वरिष्ठ नेता पौडेलले अबको युग भनेको प्रजातान्त्रिक समाजवादको भएको बताउर्दै कसैको धाँक–धम्कीले अधिनायकवाद नआउने बताए । नेपाली काँग्रेसले लोकतन्त्रलाई बलियो बनाई निमुखा जनताको अधिकार सुनिश्चत गर्ने बताउँदै सुकुम्वासी समस्या, गरिबी, बेरोजगारी समस्याको समाधान काँग्रेसले गर्ने उनको दावी छ ।
