अाज प्रदेश सभाका २५६ र प्रतिनिधिसभाका १२८ र निर्वाचन क्षेत्रमा उम्मेदवारी दर्ता
१६ कात्तिक, २०७४
काठमाडौं, कात्तिक १६ । प्रदेश र प्रतिनिधिसभाको दोस्रो चरणको निर्वाचनका लागि आज उम्मेदवारी दर्ता हुँदै छ । ४५ जिल्लाका प्रत्यक्ष निर्वाचनतर्फ प्रतिनिधिसभाका १२८ र प्रदेश सभाका २५६ निर्वाचन क्षेत्रमा अाज उम्मेदवारी दर्ता हुनेछ । उम्मेदवारी दर्ताका लागि सम्पूर्ण तयारी पूरा भएको निर्वाचन आयोगले जनाएको छ । प्रमुख निर्वाचन आयुक्त डा. अयोधीप्रसाद यादवले अाज बिहान १० बजेदेखि अपराह्न ५ बजेसम्म आ–आफ्नो निर्वाचन क्षेत्रको मुख्य निर्वाचन अधिकृत वा निर्वाचन अधिकृतको कार्यालयमा उम्मेदवारी दर्ताका लागि आह्वान गरे । निर्वाचन आयोगले उच्च सुरक्षा व्यवस्था मिलाउन पनि सुरक्षा निकायहरुलाई निर्देशन दिएको छ । आयोगले गत भदौ १४ गतेदेखि लागू भएको निर्वाचन आचारसंहिताको पूर्णपालना गर्न पनि सबै पक्षलाई आग्रह गरेको छ । राजनीतिक दलले अधिकांश निर्वाचन क्षेत्रका उम्मेदवार बुधबार साँझसम्म टुंगो लगाएका छन् । तर, केही जिल्लाका निर्वाचन क्षेत्रमा भने टुंगो लाग्न बाँकी छ । आयोगले सुरक्षा निकायलाई सुरक्षा व्यवस्था मजबुत बनाउन पनि निर्देशन दिएको छ । दोस्रो चरणको निर्वाचनका लागि प्रमुख नेताहरूले उम्मेदवारी दिने भएकाले सुरक्षा व्यवस्थामा गम्भीरता अपनाउन आयोगले सुरक्षा निकायलाई निर्देशन दिएको प्रमुख निर्वाचन आयुक्त डा. अयोधीप्रसाद यादवले जानकारी दिए । उनका अनुसार उम्मेदवारी दर्ताका लागि मुख्य निर्वाचन अधिकृत र निर्वाचन अधिकृतको कार्यालयमा बिहान १० बजेदेखि साँझ ५ बजेसम्म समयसीमा तोकिएको छ । प्रत्यक्षतर्फका मतपत्र छापिँदै आयोगले सर्वोच्च अदालतको आदेशअनुसार प्रदेश सभा र प्रतिनिधिसभाको प्रत्यक्षतर्फका मतपत्र छाप्न सुरु गरेको छ । प्रतिनिधिसभाको मतपत्रमा हरियो रंग र प्रदेश सभाका लागि कालो रंगको निर्वाचन चिह्न हुने गरी मतपत्रको ढाँचा स्वीकृत गरेर छाप्न सुरु गरिएको आयोगले जनाएको छ । आयोगका अनुसार पहिलो चरणमा निर्वाचन हुने ३२ जिल्लामध्ये २१ जिल्लाका निर्वाचन क्षेत्रका लागि मतपत्र छाप्न सुरु भएको छ । अदालतको आदेशअनुसार प्रदेश सभा र प्रतिनिधिसभाको प्रत्यक्षतर्फको मतपत्र फरकफरक पानामा हुने गरी छाप्न लागेकाले केही बढी समय लाग्नेछ । तैपनि २१ कात्तिकसम्म मतपत्र छापेर जिल्ला पठाउन सुुरु गरिने आयोगको भनाइ छ । समानुपातिक निर्वाचन प्रणालीका लागि आवश्यक १ करोड ७४ लाख मतपत्र भने छापिसकिएको छ । आयोगले प्रतिनिधिसभा र प्रदेश सभाका प्रत्यक्ष निर्वाचित हुने सदस्यका लागि छुट्टाछुट्टै पानामा मतपत्रको व्यवस्था गर्दा आवश्यक पर्ने मतपेटिका, स्वस्तिक छापलगायतका सामग्रीको व्यवस्थापन सुरु गरेको छ । अब हरेक मतदान केन्द्रमा तीनवटा मतपेटिका हुनेछन् । साथै केही मतदान केन्द्र पनि थप हुनेछन् । आयोगले कर्मचारी र सुरक्षाकर्मीको पनि थप व्यवस्थापन गर्नुपर्नेछ । आयोगले त्यसैअनुसार आवश्यक नियमावली र निर्देशिका परिमार्जन गर्न थालेको छ भने मतदाता शिक्षासम्बन्धी तालिम, प्रशिक्षण कार्यक्रम सञ्चालनको तयारी पनि गरेको छ । आयोगले पहिलाको मतदाता शिक्षासम्बन्धी कार्यतालिकामा परिमार्जन गरी मतदाता शिक्षा कार्यक्रम गर्नुपर्नेछ । अब यसअगाडि छापिएका मतदाता शिक्षासम्बन्धी सामग्री र १८ लाख नमुना मतपत्र नष्ट हुने भएको छ । आयोगका पक्षमा छु, ढुक्न हुनुस् : राष्ट्रपति राष्ट्रपति विद्यादेवी भण्डारीले तोकिएको मितिमा निर्वाचन हुनेमा ढुक्क भएर काम थाल्न आग्रह गरेकी छिन् । बुधबार आयोगका पदाधिकारीसँग छलफल गर्दै भण्डारीले निर्वाचन तोकिएकै मितिमा गराउनु राष्ट्रका लागि आवश्यक रहेको बताइन् । ‘निर्वाचन तोकिएकै मितिमा हुनेमा कतै द्विविधा छैन, सशंकित हुनुपर्दैन, हामी आयोगको साथमा छौँ । ढुक्क भएर अगाडि बढ्नुहोस्,’ राष्ट्रपति भण्डारीले आयुुक्तहरूसँग भनिन् । आयुक्तहरूले राष्ट्रपतिलाई निर्वाचनको तयारीबारे जानकारी गराएका थिए ।
प्रचण्डले अाज चितवनको चुनाबी सभालाई सम्बोधन गर्ने
१६ कात्तिक, २०७४
लौ आयो माओवादी केन्द्रको अन्तिम सूची, को कहाँबाट ?
१५ कात्तिक, २०७४
पेट्रोल, डिजेल, मट्टितेल र ग्यासको मूल्य बढ्यो
१५ कात्तिक, २०७४
वाइसीएलले निर्वाचन क्षेत्र कमाण्डर तोक्यो, को कहाँ ?
१५ कात्तिक, २०७४
राजधानीमै गोली चल्यो, तीन भारतीय नागरिक पक्राउ
१५ कात्तिक, २०७४
शिक्षा ऐन नवौं संशोधनबिरुद्ध सर्वोच्चमा रिट
१५ कात्तिक, २०७४
एमालेका नेताले माओवादीलाई भोट मागेपछि…
१५ कात्तिक, २०७४
स्याङ्जामा अन्तर्राष्ट्रिय प्याराग्लाइडिङ् प्रतियोगिता सुरु
१५ कात्तिक, २०७४
मुस्ताङमा ४२ करोडको स्याउ बिक्री
१५ कात्तिक, २०७४
हुम्लाका दुईसय कर्मचारी नेपालगञ्ज र सुर्खेतमा अलपत्र
१५ कात्तिक, २०७४
‘अबको ५० वर्ष वामपन्थी सरकार’
१५ कात्तिक, २०७४
मुसालार्इ दिने सजायँ कस्ताे होला ?
१५ कात्तिक, २०७४
म्यादी प्रहरीमा चर्काे विवाद, सिडिओ र एस्पि पनि विवादित
१५ कात्तिक, २०७४