१५ सिटमा तालमेलकाे प्रस्ताव लिएर बाबुराम पुगे प्रधानमन्त्री निवास बालुवाटार
३१ असोज, २०७४
काठमाडौं, असोज ३१ । नयाँ शक्ति पार्टीका संयोजक डा. बाबुराम भट्टराईले प्रतिनिधि सभाका १५ सिट आफ्नो दलले पाउने गरी नेपाली कांग्रेससँग तालमेलको प्रस्ताव राखेका छन् । डा. भट्टराई सोमबार तालमेलको प्रस्ताव लिएर प्रधानमन्त्री निवास बालुवाटार पुगेका थिए । नयाँ शक्ति पार्टीले एमाले-माओवादी गठवन्धनसँग प्रतिनिधिसभामा १५ र प्रदेशसभामा ३० सिट दावी गरेको थियो । तर, वाम गठवन्धनले नयाँशक्तिको प्रस्ताव अस्वीकार गरेपछि डा. भट्टराई कांग्रेससँग तालमेलको प्रयासमा जुटेका हुन् । तालमेलको प्रस्ताव लिएर प्रधानमन्त्री शेरबहादुर देउवालाई भेट्न बालुवाटार पुगेका भट्टराईलाई कांग्रेस नेताहरुले सकारात्मक जवाफ दिएको नयाँ शक्तिको दाबी छ । कांग्रेस नयाँ शक्तिसँग तालमेलका लागि तयार रहेको भन्दै जित्ने निश्चित भएका निर्वाचन क्षेत्र प्रस्ताव गर्न कांग्रेस नेताहरुले डा. भट्टराईलाई सुझाएका छन् । गोरखा क्षेत्र नम्बर २ डा. भट्टराईलाई छाड्न कांग्रेस नेताहरु सहमत भइसकेका छन् । त्यस वापत एक नम्बर क्षेत्रमा नयाँ शक्तिले कांग्रेसलाई सघाउने छ । गोरखा २ मा डा. भट्टराई र माओवादी केन्द्रका नारायणकाजी श्रेष्ठबीच प्रतिस्पर्धा हुने भएको छ । श्रेष्ठलाई एमालेको साथ रहने छ भने भट्टराईले कांग्रेसको साथ पाउने छन् । नयाँ शक्तिले प्रत्यक्षतर्फ अहिलेसम्म पाँच जना उम्मेदवारको मात्र नाम सार्वजनिक गरेको छ । ती क्षेत्रमा कांग्रेसले आफूलाई सघाउनुपर्ने नयाँ शक्तिको माग छ । स्रोतका अनुसार मंगलबार कांग्रेस र नयाँ शक्तिबीच चुनावी तालमेलबारे ठोस छलफल गर्ने सहमति बालुवाटारमा भएको छ ।
एएफसी फुटसल छनोटमा नेपालको लगातार दोस्रो हार
३१ असोज, २०७४
अबदेखि ठमेल सवारीमुक्त क्षेत्र !
३१ असोज, २०७४
यी हुन् १८ युवतीको जीवन बर्बाद गर्ने युवक
३१ असोज, २०७४
यी हुन् ७५ जिल्लाकै निर्वाचन क्षेत्रको नक्सा
३१ असोज, २०७४
१६ केजी पटाकासहित चारजना पक्राउ
३१ असोज, २०७४
तिहारलाई मालाकाे भर पनि भारतकै
३१ असोज, २०७४
संघीयभन्दा प्रादेशिक संसद खर्चिलो हुने
३१ असोज, २०७४
नेपाली अदुवा निर्यातमा पटकपटक भारतीय अवरोध
३१ असोज, २०७४