बादल काठमाडौं १० बाट चुनाव लड्ने
काठमाडौं, कात्तिक १४ । नेकपा माओवादी केन्द्रका वरिष्ठ नेता रामबहादुर थापा ‘बादल’ प्रतिनिधिसभाका लागि काठमाडौं क्षेत्र नम्बर १० बाट उम्मेदवारी बन्ने निश्चित भएको छ । वाम गठबन्धन अन्तर्गत सिट बाँडफाँडमा काठमाडौंका १० वटा सिटमध्ये माओवादी केन्द्रलाई तीनवटा भाग परेका छन । जसमा क्षेत्र नम्बर १० पनि माओवादी केन्द्रका भागमा परेको छ । ०६४ को संविधानसभा निर्वाचनमा माओवादी अध्यक्ष प्रचण्ड काठमाडौं १० बाट अत्यधिक मत ल्याइ विजयी भएका थिए । यसअधि नेता बादल चितवन २ बाट उम्मेदवार बन्ने चर्चा थियो । पछि फेरि वाम गठबन्धनमा सिट बाँडफाँडका क्रममा उक्त क्षेत्रमा एमालेले दावी गरेपछि उनको नाम समानुपातिक लागि चर्चा गरिएको थियो । तर बादलले समानुपातिकमा नभई प्रत्यक्षतर्फ चुनाब लड्न चाहेकाले माओवादी पार्टीले उनलाई काठमाडौं क्षेत्र नम्बर १० मा उम्मेदवार बनाउने निर्णय गरेको माओवादी सचिवालयले जनाएको छ । यसअघि वादल चुनाब लड्ने भनेर चर्चा गरिएको चितवन २ मा भने एमालेका कृष्णभक्त पोख्रेल उम्मेदवार हुने भएका छन ।
