जनतालाई अलपत्र हुन दिँदैनौं : मन्त्री साह
२८ साउन, २०७४
काठमाडौं, साउन २८ । भीषण वर्षाका कारण तराई मधेसका जिल्लाहरु जलमग्न र अस्तव्यस्त भएपछि सहरी विकास मन्त्री प्रभु साहले प्रधानमन्त्री शेरबहादुर देउवाको ध्यानाकर्षण गराएका छन् । लगातारको बर्षाका कारण सडक, पुल जताततै बाढी पसेर घरहरु समेत भत्कीएका छन् भने तराई मधेसका जनताहरुको विचल्ली भएकाले त्यसबारे प्रधानमन्त्रीको ध्यानाकर्षण गराएको मन्त्री साहले बताए । रौतहट, सर्लाही लगायत तराई मधेसका जिल्लाहरुमा अविरल परेको बर्षाका कारण जनजीवन अत्यन्तै कष्टकर बनेको छ । ‘जनताहरुको घर–घरमा बाढी पसेर खाद्य सामग्री र लत्ता कपडा भिजेका छन् भने प्रभावित क्षेत्रमा पानीनै पानी छ’ मन्त्री साहले भने, ‘जनताहरु डुवानमा भएकाले सरकारले उद्धारको कार्यलाई अगाडी बढाउन ढीला गर्नु हुदैन ।’ मन्त्री साहले उद्दार र राहतको कार्यलाई तत्कालै अगाडि बढाउन जिल्लास्थित सरकारी निकायलाई निर्देशन दिइसकेको बताए । उनले यस प्रकारको विपत्तिमा जनता–जनता, समुदाय–समुदाय समेतले एक अर्काको सहयोग गर्नुपर्ने बताए । हरेक नागरिकको सतर्कता र सक्रियता आवश्यक रहेकोमा उनले जोड दिए । मन्त्री साहले उनले बाढी र डुवान पीडित जनतालाई अलपत्र हुन नदिने दृढता व्यक्त गरेका छन् । सरोकारवाला निकायलाई एकीकृत रुपमा तत्काल आम जनतालाई राहत दिन आग्रह गरेको जानकारी दिँदै बाढी र डुवानका कारण विचल्लीमा परेका जनतालाई सुरक्षित बनाउन सबै निकायको समन्वयात्मक भूमिका आवश्यक रहेको बताए ।
घर भत्किँदा तीन बालबालिकासहित ४ जना पुरिए
२८ साउन, २०७४
रेल दुर्घटनामा ४६ यात्रीको मृत्यु, सयौं घाइते
२८ साउन, २०७४
१० किलो चरेशसहित बोहरा पक्राऊ
२८ साउन, २०७४
दाउन्नेमा पहिरो, हजारौं यात्री अलपत्र
२८ साउन, २०७४
नेपाल टेलीकमले ल्यायो थप ३ महिने आकर्षक अफर
२८ साउन, २०७४
अध्यक्ष ओलीसँग भेट नगरि फ़र्किन सुषमा स्वराज
२८ साउन, २०७४