प्रधानमन्त्री देउवा र भारतीय समकक्षी मोदीबीच आजै भेटवार्ता
(फाइल फोटो) काठमाडौं, भदौं ७ । भारतको पाँच दिने राजकीय भ्रमणमा रहेका प्रधानमन्त्री शेरबहादुर देउवा र भारतीय सकमक्षी नरेन्द्र मोदीबीच आजै भेटवार्ता हुने भएको छ । यसलाई ‘वार्मअप’ भेट भनिएको छ । आज भारतको दिल्ली पुगेका प्रधानमन्त्री देउवा भोलि विहान राष्ट्रपति भवनमा गार्ड अफ अनरको सम्मान लिएपछि मात्र औपचारिक भेटवार्ताहरु सुरु हुने कार्यक्रम रहे पनि भारतीय समकक्षी मोदीसँग आज भेट हुने भएको छ । प्रधानमन्त्री देउवा र मोदीबीच भोलि हैदराबाद हाउसमा ३० मिनेट वान टु वान भेटवार्ता गर्ने कार्यतालिका छ । त्यस लगतै दुई देशको प्रतिनिधिमण्डलबीच एकघन्टा वार्ता हुनेछ र केही सम्झौतामा हस्ताक्षर हुने बताइएको छ ।
