महालेखा परीक्षकमा टंकमणि शर्मा
काठमाडौं, बैशाख २० । संवैधानिक परिषद्ले प्रधानमन्त्री कार्यालयका सचिव टंकमणि शर्मालाई महालेखा परीक्षक सिफारिस गरेको छ। प्रधानमन्त्री पुष्पकमल दाहाल ‘प्रचण्ड’को अध्यक्षतामा सिंहदरबारमा आज साँझ बसेको संवैधानिक परिषदको बैठकले शर्माको नाम सिफारिस गरेको गर्दै संसदीय सुनुवाइका लागि नाम पठाउने निर्णय गरेको हो। उमेर हदका कारण भानुप्रसाद आचार्यको अवकाशपछि लामोसमयदेखि उक्त महालेखा परिक्षक रिक्त रहेको थियो । अर्थ मन्त्रालयको सहसचिवमा लामो अनुभव हासिल गरेका शर्मा सचिवबाट अवकाश हुनुअघि महालेखा परीक्षक सिफारिस भएका छन् । संसदीय सुनुवाईपछि राष्ट्रपतिले महालेखा परीक्षक नियुक्त गर्ने संवैधानिक प्राबधान छ । महालेखा परीक्षकको कार्यालयले राष्ट्रपति र उपराष्ट्रपति कार्यालय, सर्वोच्च अदालत, संघीय प्रदेश, प्रदेश सभा, स्थानीय तह, संवैधानिक निकाय, महान्यायाधिवक्ताको कार्यालय, सुरक्षा निकायका सबै अंगलगायतका सरकारी कार्यालयहरुको लेखापरिक्षण गर्दछ ।
