जनमुक्ति पार्टीबाट अन्तर्राष्ट्रिय सम्मेलन
काठमाडौँ, फागुन २२ । राष्ट्रिय जनमुक्ति पार्टीले आफ्नो २५ औँ स्थापना दिवसका अवसरमा प्रथम अन्तर्राष्ट्रिय सम्मेलन गर्ने भएको छ । यहाँ आज आयोजित पत्रकार भेटघाटमा यही फागुन २३ देखि २५ सम्म हुने सम्मेलनमा देश तथा विदेशमा रहेको जनमुक्ति विचार भएका विश्वका २० देशका जनमुक्ति पार्टीमा आबद्ध व्यक्तिको उपस्थितिमा सम्मेलन हुने जनाइएको छ । पार्टीका अध्यक्ष टोप अस्लामीले जनमुक्ति विचारका पक्षधर सदियौँदेखि पीडित बनेको बताए । उहाँले सम्मेलनले वैदेशिक रोजगारमा रहेका लाखौं नेपालीका समस्या सम्बोधनका लागि आवाज उठाउने विश्वास व्यक्त गरे ।
