महेश बस्नेत र दुर्गा प्रसाईंले माइतीघरमा कार्यक्रम गर्न नपाउने
काठमाडौं । नेकपा (एमाले)का नेता महेश बस्नेत र मेडिकल व्यवसायी दुर्गा प्रसाईंर्ले माइतीघर मण्डलमा कार्यक्रम गर्न नपाउने भएका छन् । जिल्ला प्रशासन कार्यालय काठमाडौंले दुवै पक्षलाई उक्त स्थानमा कार्यक्रम गर्न नदिने जिल्ला प्रशासन कार्यालय, काठमाडौँका सहायक प्रमुख जिल्ला अधिकारी रविन्द्रप्रसाद आचार्यले बताए। पछिल्लो समय खुलमखुल्ला रुपमा एकअर्कालाई चुनौती दिँदै आएका प्रसाईं र बस्नेतले एकै दिन कार्यक्रम गर्ने तयारी गरेपछि सम्भावित झड्पलाई मध्यनजर गर्दै प्रशासन सुरक्षा व्यवस्थाका लागि भन्दै मण्डलमा कार्यक्रम गर्न दुवै पक्षलाई रोक लगाउने निर्णयमा पुग्न लागेको हो । जिल्ला प्रशासन कार्यालयले सोमबार नै दुवै पक्षलाई छलफलका लागि बोलाएको छ। छलफलमा आएमा छुट्टाछुट्टै स्थान तोकिदिने तर माइतीघर मण्डलमा कार्यक्रम गर्न भने नदिने भएको हो । प्रसाईंले कम्बोडियामा लगानी छ भन्दै सार्वजनिक अभिव्यक्ति दिएपछि एमाले प्रसाईंसँग रुष्ट छ। प्रसाईंलाई काठमाडौँमा एक कार्यक्रममा मोसो समेत दलिएको थियो। आफूलाई एमाले नेता महेश बस्नेतको योजना मोसो दलिएको भन्दै महेश वस्नेत र केपी ओलीविरुद्ध खनिदै आएका छन् ।भने केपी ओली र महेश वस्नेत पनि प्रसाईं विरुद्ध अभिव्यक्ति दिंदै आएका छन् ।
