विश्वकप फुटबलः को-को बाहिरिए, अन्तिम १६ कति टिम पुगे ?
काठमाडौं, रसियामा जारी विश्वकप फुटबलमा हालसम्म कति टिम बाहिरिए ? अनि कति टिमले अन्तिम १६ मा स्थान पक्का गरे ? यी र यस्तै जिज्ञाशा धेरै खेल समर्थलाई हुन सक्छ । तपाईका यस्ता जिज्ञाशा हामी मेटाउने छौं । अहिलेसम्म ५ टिम बाहिरिसकेका छन् भने ४ टिमले अन्तिम १६ मा स्थान पक्का गरेका छन्। विश्वकपबाट बाहिरिने अन्तिम टिम कोस्टारिका बन्यो। कोस्टारिका समूह ‘ई’ को खेलमा लगातार २ खेलमा हार बेहोरेसँगै बाहिरिएको हो। कोस्टारिकालाई दोस्रो खेलमा ब्राजिलले २-० गोलले पराजित गरेको थियो। यसअघि समूह ‘ए’ बाट रसिया र उरुग्वे अन्तिम १६ मा पुगेका थिए। समूह ‘ए’ कै साउदी अरेबिया र इजिप्ट बाहिरिएका थिए। यस्तै समूह ‘बी’ बाट मोरक्को र समूह ‘सी’ बाट पेरु बाहिरिएका छन्। समूह ‘सी’ को खेलमा पेरुलाई १-० लाई पराजित गर्दै फ्रान्स अन्तिम १६ मा पुगेको थियो। क्रोएसिया समूह ‘डी’ बाट अन्तिम १६ मा पुग्न सफल भयो। अन्तिम १६ मा पुगेका टिम रसिया उरुग्वे फ्रान्स क्रोएसिया बाहिरिएका टिम साउदी अरेबिया इजिप्ट मोरक्को पेरु कोस्टारिका -एजेन्सी
