विप्लवका उदयपुर ‘जनसरकार’ प्रमुख पक्राउ
१५ बैशाख, २०७५
उदयपुर, वैशाख १५ । नेत्र बिक्रम चन्द ‘विप्लव’ नेतृत्वको नेपाल कम्युनिष्ट पार्टी उदयपुरका जनसरकार प्रमुख पक्राउ परेका छन् । ‘विप्लव’को जनसरकार प्रमुख भनेर गैरराजनीतिक गतिविधि गरेको आरोपमा जीतबहादुर पुलामी मगरलाई पक्राउ गरिएको जिल्ला प्रहरी कार्यालय उदयपुरले जनाएको छ । जिल्ला प्रहरी कार्यालय उदयपुरका निमित्त प्ररही प्रमुख डीएसपी मेधराज अधिकारीले गए राति त्रियुगा नगपालिकाको चुहाडे क्षेत्रबाट विशेष सुराकीको आधारमा चुनावको बेला विद्युतीय धराप थाप्ने मुख्य योजनाकार मगर पक्राउ परेको जानकारी दिनुभयो । अधिकारीका अनुसार प्रतिनिधिसभा चुनावमा नेपाली कांग्रेसका उम्मेदवार नारायणबहादुर कार्कीलाई विद्युतीय एम्बुस थाप्ने मुख्य योजनाकार मगरलाई शुक्रबार राति पक्राउ गरिएको हो । प्रहरीले मगरलाई खोजी सूचीमा राखे पनि पक्राउ गर्न सकेको थिएन् । ‘विभिन्न समयमा बम बिष्फाेट गराएर क्षति पुर्‍याएको, गएको प्रदेशसभा र प्रतिनिधिसभा चुनावमा नेपाली कांग्रेसका उम्मेदवार नारायणबहादुर कार्कीलाई विद्युतीय एम्बुसमा पारी क्षतविक्षत गराउने मुख्य योजनाकार हुन’, डिएसपी अधिकारीले भन्नुभयो, ‘गएको प्रदेश र प्रतिनिधिसभा चुनावमा उम्मेदवारलाई लक्षित गरी बम पड्काउने योजनाकार भएको प्रमाण प्रहरीले फेला पारेको छ । उनीविरुद्ध थप अनुसन्धान जारी छ ।’
चीन: छुरा प्रहारबाट सात विद्यार्थीको मृत्यु
१५ बैशाख, २०७५
बिप्लवद्वारा २२ गते नेपाल बन्दको घोषणा
१५ बैशाख, २०७५
प्रम ओलीविरुद्ध वैद्यको रेड मार्च !
१५ बैशाख, २०७५
दुई कोरियाबीचको वार्ताको नेपालद्वारा स्वागत
१५ बैशाख, २०७५
छोरीज्वाइँको खुसीका लागि दुलाहलाई हेलिकप्टर चार्टर
१४ बैशाख, २०७५