यू–१९ एसिया कपः नेपालद्वारा श्रीलंकालाई १६० रनको लक्ष्य
काठमाडौंः एसीसी यू–१९ एसिया कप क्रिकेट प्रतियोगिता अन्तर्गत आफ्नो पहिलो खेलमा नेपालले श्रीलंकालाई १६० रनको लक्ष्य दिएको छ । टस जितेर ब्याटिङ रोजेको नेपालले ४२ ओभरमा ९ विकेट गुमाएर १५९ रन बनायो । नेपालका लागि रित गौतमले ५४, रोहितकुमार पौडेलले ४७, राशिद खानले नट आउट १५, हरिबहादुर चौहानले १२ रन बनाउन बाहेक अन्यले दोहोरो अंकमा रन जोड्न सकेनन् । बलिङमा श्रीलंकाका नवोद र दिलसानले तीनतीन विकेट लिए । ९ ओभरमा २ विकेट गुमाएर ४३ रन बनाएको अवस्थामा वर्षा भएपछि खेल रोकिएको थियो । वर्षा बाधक बनेपछि खेल ४२ ओभरमा झारिएको हो । पछिल्ला पाँच खेलमा नेपाल श्रीलंकासँग पराजित भएको छ । सन् २०१६ मा श्रीलंकामा नै यू–१९ एसिया कपमा नेपालले कडा टक्कर दिए पनि एक रनले पराजित हुन पुगेको थियो । पहिलो खेलमा प्रतिस जि.सी, खडक बोहरा, लोकेश बम र सन्दीप जोरा प्लेइङ ११ मा अटाउन असफल भएका छन् । नेपालको प्लेइङ ११ः रोहित कुमार पौडेल (कप्तान), भिम सार्की, कुशल मल्ल, सागर ढकाल, आशिफ शेख, कमलसिंह ऐरी, रित गौतम, पवन सरार्फ, राशीद खान, सूर्य तामाङ, हरिबहादुर चौहान ।
