३० लाख अवैध रुपैयाँसहित धनगढीमा एक भारतीय पक्राउ
धनगढी : धनगढीमा झण्डै ३० लाख अवैध रकमसहित एक जना भारतीय नागरिक पक्राउ परेका छन्। पक्राउ पर्नेमा भारतीय नागरिक अतुल बर्मा रहेका छन् । उनको साथबाट २५ लाख नेपाली र तीन लाख भारतीय रुपैया गरेर २९ लाख ८० हजार बरामद गरिएको कैलालीका प्रहरी नायब उपरिक्षक दक्षकुमार बस्नेतले बताए । युपी ३१ एके ७३४८ नम्बरको गाडीमा रुपैयाँ लुकाएर ल्याउँदै गरेको अवस्थामा सहित बर्मालाई पक्राउ गरिएको हो । उनको साथबाट विभिन्न बैँकका छ वटा एटीएम कार्ड समेत बरामद गरिएको छ । बर्माले धनगढीमा सुनचाँदी व्यवसाय गर्दै आएको प्रहरीले जनाएको छ ।
